Jannoo 7:48 - Yn Vible Casherick 1775 1819

⁴⁸ Ny-yeih cha vel y Jee smoo ard cummal ayns chiambyllyn troggit lesh laueyn; myr ta’n phadeyr gra,

Yn Conaant Noa 1810

⁴⁸ Ny‐yeih cha vel y Jee smoo ard cummal ayns chiambyllyn troggit lesh laueyn; myr ta’n phadeyr gra,

Jannoo 7:48 ပူးပေါင်းရင်းမြစ်များ

1 Reeaghyn 8:27

Agh jean Jee dy jarroo cummal er y thalloo? Cur-my-ner, cha vod niau, as niau dy niaughyn, uss y chummal; cre-woad sloo yn thie shoh ta mish er hroggal?

2 Recortyssyn 6:18

(Agh jean Jee dy jarroo cummal marish deiney er y thalloo? cur-my-ner, cha vod niau, as niau ny niaughyn uss y ghoaill; cre-woad sloo yn thie shoh ta mish er hroggal?)

Psalmyn 46:4

Nee ushtaghyn y thooilley echey ard-valley Yee y yannoo gennal: ynnyd casherick cabbane-agglish yn Jee smoo ard.

Psalmyn 7:17

Son hig e obbyr er e chione hene: as tuittee yn olkys echey er e vollag hene.

Psalmyn 91:1

Quoi-erbee ta cummal fo coadey yn Fer smoo ard: nee eh tannaghtyn fo scaa yn Ooilley-niartal.

Psalmyn 91:9

Son t’ou uss, Hiarn, my yerkal: t’ou er hoiaghey yn thie ayd dy chemmyrk feer ard.

Psalmyn 92:8

Son cur-my-ner, nee dty noidyn, O Hiarn, cur-my-ner, nee dty noidyn cherraghtyn: as bee adsyn ooilley ta gobbraghey mee-chraueeaght er nyn stroie;

Daniel 4:17

Ta’n chooish shoh liorish oardaghey ny arreyderyn, as y yeearree liorish goo ny flaunyssee, dy vod ny bioee toiggal, dy vel y Jee smoo syrjey reill ayns reeriaght deiney, as dy choyrt eh dauesyn saillish hene, as soiaghey harrish ny moodjeenyn s’inshley dy gheiney.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Hosea 7:16

T’ad chyndaa, agh cha nee gys yn er smoo syrjey: t’ad goll-rish bow molteyragh: nee ny princeyn oc tuittym liorish y chliwe, son roon nyn jengaghyn: shoh vees nyn oltooan ayns thalloo Egypt.

Noo Luke 1:32

Bee eshyn cronnal, as enmyssit Mac yn Er-syrjey; as ver y Chiarn Jee dasyn stoyl-reeoil e ayr David.

2 Corinthianee 5:1

Son ta fys ain, dy beagh y thie thallooinagh ain jeh’n chabbane shoh er ny choyrt naardey, dy vel ynnyd-vaghee ain veih Jee, thie nagh vel jeant lesh laueyn, dy bragh farraghtyn ayns ny niaughyn.

Deuteronomy 32:8

Tra ren yn er smoo syrjey rheynn er ny ashoonyn nyn eiraght, tra skeayl eh mec Adam, hoie eh cagleeyn y pobble, cordail rish earroo cloan Israel.