Jannoo 7:44 - Yn Vible Casherick 1775 1819

⁴⁴ Va cabbane-agglish yn eanish ec ny ayraghyn ain ayns yn aasagh, myr v’eh er n’oardaghey, gra rish Moses, Eh dy yannoo eh lurg y sampleyr v’eh er n’akin.

Yn Conaant Noa 1810

⁴⁴ Va cabbane‐agglish yn eanish ec ny ayraghyn ain ayns yn aasagh, myr v’eh er n’oardaghey, gra rish Moses, Eh dy yannoo eh lurg y sampleyr v’eh er n’akin.

Jannoo 7:44 ပူးပေါင်းရင်းမြစ်များ

1 Recortyssyn 28:11

Eisht hug David da Solomon e vac pattern jeh porch y chiamble, as jeh ny shamyryn mygeayrt-y-mysh, as jeh ny thieyn-tashtee, as jeh ny shamyryn syrjey, as jeh ny parlaryn cheu-sthie, as jeh ynnyd y stoyl-myghin.

1 Recortyssyn 28:19

Ooilley shoh dooyrt David, ren y Chiarn soilshaghey dou ayns screeu lesh e laue mârym eer ooilley obbraghyn y pattern shoh.

2 Recortyssyn 24:6

As deïe yn ree son Jehoiada yn ard-saggyrt, as dooyrt eh rish, Cre’n-fa nagh vel oo er harey ny Leviteyn dy chur lhieu stiagh ass Judah as veih Jerusalem, yn argid va troggit cordail rish sarey Voses sharvaant y Chiarn, as jeh chaglym-cooidjagh Israel, cour cabbane-agglish yn eanish?

Exodus 25:40

As jeeagh dy jean oo ad, lurg y sampleyr va er ny yeeaghyn dhyt er y clieau.

Exodus 26:30

As nee oo troggal y cabbane cordail rish y cummey va soit royd er y clieau.

Exodus 27:8

Foshlit er cheu-sthie nee oo eh lesh buird; myr ve currit royd er y clieau, shen myr nee oo eh.

Exodus 38:21

Shoh coontey cost y chabbane, eer jeh cabbane yn eanish, myr ve er ny ghoaill lurg sarey Voses, son shirveish ny Leviteyn, liorish laue Ithamar, mac Aaron y saggyrt.

Earrooyn 10:11

As haink eh gy-kione er y feedoo laa jeh’n nah vee, ayns y nah vleïn, dy row’n bodjal er ny ghoaill seose jeh cabbane y chonaant.

Earrooyn 18:2

As dty vraaraghyn myrgeddin jeh tribe Levi, tribe dt’ayrey, cur uss lhiat mayrt, dy vod ad ve fo dty churrym, as shirveish ort: agh nee uss as dty vec mayrt, shirveish roish cabbane casherick y chonaant.

Earrooyn 9:15

As er y laa va’n cabbane-agglish er ny hroggal seose, ren y bodjal coodaghey yn chabbane-agglish, ta shen, cabbane yn eanish; as ’syn astyr ve er y chabbane-agglish, myr veagh eh caslys aile, gys y voghrey.

Hebrewnee 8:2

Shirveishagh yn ynnyd casherick, as y cabbane-agglish firrinagh, ta’n Chiarn er hroggal, as cha nee dooinney.

Hebrewnee 8:5

Ta shirveish fo caslys as scadoo reddyn flaunyssagh, myr hug Jee raaue da Moses tra v’eh mysh troggal yn cabbane-agglish. Son jeeagh (as eshyn) dy jean oo dy chooilley nhee cordail rish y sampleyr v’er ny ashlaghey dhyt er y chronk.

Joshua 18:1

As va slane sheshaght cloan Israel er nyn jaglym cooidjagh ec Shiloh, as hoie ad seose y chabbane-agglish ayns shen. As va’n slane cheer lhieu hene.

Joshua 3:14

As haink eh gy-kione, tra va’n pobble er scughey veih ny cabbaneyn oc, dy gholl harrish Jordan, as ny saggyrtyn gymmyrkey arg y chonaant roish y pobble;