Jannoo 7:43 - Yn Vible Casherick 1775 1819

⁴³ As ta shiu er hoiaghey seose cabbane-agglish Moloch, as rollage yn Jee eu Remphan, co-chaslyssyn ren shiu y yannoo dy chur ooashley daue: as ver-yms lhiam shiu ersooyl cheu elley jeh Babylon.

Yn Conaant Noa 1810

⁴³ As ta shiu er hoiaghey seose cabbane‐agglish Moloch, as rollage yn Jee eu Remphan, co‐chaslyssyn ren shiu y yannoo dy chur ooashley daue: as ver‐yms lhiam shiu ersooyl cheu elley jeh Babylon.

Jannoo 7:43 ပူးပေါင်းရင်းမြစ်များ

1 Reeaghyn 11:7

Eisht hrog Solomon ynnyd ard son Chemosh, jalloo dwoaiagh Voab, ayns y chronk ta kiongoyrt rish Jerusalem; as son Molech, jalloo dwoaiagh cloan Ammon.

2 Reeaghyn 17:6

Ayns y nuyoo vleïn jeh Hoshea, ghow ree Assyria Samaria, as hug eh lesh Israel ersooyl gys Assyria, as ad y hoiaghey ayns Halah, as ayns Habor liorish awin Gozan, as ayns ard-valjyn ny Medeyn.

2 Reeaghyn 18:11

As hug ree Assyria lesh Israel ersooyl gys Assyria, as hug eh ad ayns Halah as ayns Habor liorish awin Gozan, as ayns ard-valjyn ny Medeyn.

2 Reeaghyn 21:6

As hug eh er e vac dy gholl trooid yn aile, as deiyr eh er guessyn, as hug eh rish buitcheraght, as ghell eh rish spyrrydyn faishnee as fir-obbee: as dobbree eh mooarane olk ayns shilley yn Chiarn, dy vrasnaghey eh gys corree.

Jeremiah 32:35

As hrog ad altaryn Vaal, ta ayns coan mac Hinnom, dy choyrt er nyn mec as nyn inneenyn dy gholl trooid yn aile gys Molech, red nagh doardee mee daue, chamoo haink eh ayns my aigney, dy jinnagh ad lheid yn eajeeys shoh, dy hayrn Judah fo loght peccah.

Leviticus 18:21

Cha lhig oo veg jeh dty luight goll trooid yn aile gys Molech, chamoo nee oo tayrn mee-ooashley er ennym dty Yee: Mish y Chiarn.

Amos 5:25

Vel shiu er hebbal dooys ourallyn as chebballyn ’syn aasagh, son da-eed bleïn, O hie Israel?