Jannoo 7:42 - Yn Vible Casherick 1775 1819

⁴² Eisht hyndaa Jee, as livrey eh ad seose dy chur ooashley da pooaraghyn yn aer; myr te scruit ayns lioar ny phadeyryn, O hie Israel, vel shiu er hebbal dooys beïyn marroo as ourallyn, rish da-eed bleïn ayns yn aasagh?

Yn Conaant Noa 1810

⁴² Eisht hyndaa Jee, as livrey eh ad seose dy chur ooashley da pooaraghyn yn aer; myr te scruit ayns lioar ny phadeyryn, O hie Israel, vel shiu er hebbal dooys beiyn marroo as ourallyn, rish da‐eed bleïn ayns yn aasagh?

Jannoo 7:42 ပူးပေါင်းရင်းမြစ်များ

2 Reeaghyn 17:16

As hreig ad ooilley annaghyn y Chiarn y Jee oc, as ren ad daue hene jallooyn grainnit, eer daa lheiy, as hoie ad keyll, as hug ad ooashley da ooilley rollageyn yn aer, as hirveish ad Baal.

2 Reeaghyn 21:3

Son hrog eh seose reesht ny ynnydyn ardey va Hezekiah e ayr er stroie; as hrog eh seose altaryn son Baal, as biljyn mygeayrt-y-moo, myr ren Ahab ree Israel; as hug eh ooashley da ooilley pooaraghyn yn aer, as hirveish eh ad.

Psalmyn 95:10

Da-eed bleïn liauyr va mee corree rish y cheeloghe shoh, as dooyrt mee: She pobble ad ta goll er-shaghryn ayns nyn greeaghyn, son cha vel enney er ve oc er my raaidyn.

Isaiah 43:23

Cha nee dooys t’ou er hebbal eayin ny mannanyn dty ourallyn-losht, chamoo t’ou er ooashlaghey mish lesh dty hebballyn: cha nee mish t’er chiangley lheid yn oural ort, ny er choyrt oo gys cost incense.

Isaiah 63:10

Agh dirree ad magh n’oï, as vrasnee ad yn Spyrryd casherick echey: shen-y-fa v’eh er ny hyndaa dy ve nyn noid, as hass eh nyn ’oï.

Isaiah 66:4

Faag-yms ad myrgeddin fo yn shaghrynys oc hene, as ver-ym lhiam nyn aggle orroo; er-yn-oyr tra deïe mee, nagh ren fer hene freggyrt; tra loayr mee, cha ren ad clashtyn: agh ren ad olk roish my hooillyn, as reih ad shen nagh ghow mee taitnys ayn.

Jeremiah 19:13

As bee thieyn Yerusalem, as thieyn reeaghyn Yudah, feohdoil myr yn ynnyd Tophet, kyndagh rish ooilley ny thieyn er y vullagh oc t’ad er lostey oural-incense da slane armee yn aer, as er gheayrtey magh chebballyn-feeyney da jeeghyn joarree.

Jeremiah 8:2

As nee ad skeayley ad roish y ghrian, as yn eayst, as slane armee rollageagh yn aer, orroosyn va nyn ghraih soit, as adsyn t’ad er hirveish, as nyn lurg t’ad er n’immeeaght, as hucsyn ren ad shirrey, as daue hug ad ooashley: cha bee ad er nyn jaglym, ny er nyn oanluckey; bee ad son eoylley er eaghtyr y thallooin.

Ezekiel 20:25

Shen-y-fa hug mee daue myrgeddin slattyssyn nagh row mie, as briwnyssyn lioroo nagh voddagh ad beaghey.

Ezekiel 20:39

Mychione euish, O hie Israel, myr shoh ta’n Chiarn Jee dy ghra, Immee-jee, shirveish-jee dagh unnane e yallooyn hene, as ny lurg shoh myrgeddin, mannagh n’eaisht shiu rhym’s: agh ny jean-jee arragh my ennym’s casherick y vee-ooashlaghey lesh nyn ourallyn, as lesh nyn yallooyn.

Ezekiel 8:16

Eisht hug eh lesh mee gys y chooyrt sodjey stiagh jeh thie yn Chiarn, as cur-my-ner, ec dorrys chiamble y Chiarn, eddyr y phorch as yn altar, va mysh queig deiney as feed, as nyn ghreeym er chiamble y Chiarn, as nyn oaie lesh y niar, as hug ad ooashley da’n ghrian lesh y niar.

Hosea 4:17

Ta Ephraim er ny lhiantyn gys jallooyn: faag voïd eh.

Noo Ean 6:45

Te scruit ayns ny phadeyryn, As bee ad ooilley ynsit liorish Jee. Dy chooilley ghooinney er-y-fa shen t’er chlashtyn, as er n’ynsaghey veih yn Ayr, t’eh cheet hym’s.

Jannoo 13:40

Cur-jee twoaie er-y-fa shen, nagh jig shen erriuish ta ny phadeyryn er loayrt, gra,

Jannoo 7:36

Hug eh lesh ad magh erreish da v’er hoilshaghey yindyssyn as cowraghyn ayns thalloo Egypt as ayns y Faarkey Jiarg, as ayns yn aasagh rish da-eed bleïn.

Deuteronomy 17:3

As t’er n’gholl as er hirveish jeeghyn joarree, as er choyrt ooashley daue, edyr da’n ghrian, ny da’n eayst, ny da veg jeh pooaraghyn sollys yn aer, shoh ta mish er lhiettal;

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.

Hebrewnee 3:9

Tra ren ny ayraghyn eu mish y vrasnaghey, phrow ad mee, as honnick ad m’obbraghyn da-eed bleïn.

Joshua 24:20

My nee shiu treigeil y Chiarn as shirveish jeeghyn joarree, eisht nee eh chyndaa nyn ’oï, as ver eh seaghyn erriu, as ver eh mow shiu, lurg ooilley’n mie t’eh er n’yannoo diu.