Jannoo 7:38 - Yn Vible Casherick 1775 1819

³⁸ Shoh eh va harrish yn agglish ayns yn aasagh, marish yn ainle loayr rish er cronk Sina, as rish ny ayraghyn ain: eh hooar goan ny bea dy choyrt ad dooinyn.

Yn Conaant Noa 1810

³⁸ Shoh eh va harrish yn agglish ayns yn aasagh, marish yn ainle loayr rish er cronk Sina, as rish ny ayraghyn ain: eh hooar goan ny bea dy choyrt ad dooinyn.

Jannoo 7:38 ပူးပေါင်းရင်းမြစ်များ

Isaiah 63:9

Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.

Noo Ean 1:17

Son va’n leigh er ny choyrt liorish Moses agh haink grayse as firrinys liorish Yeesey Creest.

Noo Ean 6:63

She yn spyrryd ta bioghey, cha vel yn eill jannoo veg y vie: ny goan ta mish dy loayrt riu, t’ad spyrryd as t’ad bea.

Jannoo 7:30

As kione da-eed bleïn, haink huggey ayns faasagh cronk Sina, ainle y Chiarn ayns lossey dy aile ayns thammag.

Jannoo 7:35

Yn Moses shoh ren adsyn y obbal, gra, Quoi ren uss dty er-reill as dty vriw? Eh shoh hug Jee dy ve ny er-reill as dy choyrt livrey-ys liorish laueyn yn ainle honnick eh ayns y thammag.

Jannoo 7:53

Hooar shiu yn leigh liorish shirveish ainleyn, agh cha dreill shiu eh.

Romanee 3:2

Mooarane er dy chooilley aght: hoshiaght, son dy nee dauesyn v’er ny livrey goo Yee.

Romanee 9:4

Ta nyn Israeliteyn; dauesyn ta bentyn yn doltanys, as y ghloyr, as ny conaantyn, as coyrt y leigh, as shirveish Yee, as ny gialdynyn;

Galatianee 3:19

Cre’n ymmyd eisht t’ayns y leigh? Ve er ny choyrt er coontey peccah, derrey harragh y sluight shen, da va’n gialdyn er ny yannoo; as ve er ny oardaghey liorish ainleyn ayns laue fer va eddyr ad.

Deuteronomy 33:4

Ren Moses leigh y harey dooin; eer eiraght pobble Yacob.

Hebrewnee 2:2

Son my va’n goo loayrit liorish ainleyn jeant shickyr, as my hooar dy chooilley pheccah as mee-viallys yn leagh cooie dy cherraghey;

Hebrewnee 4:12

Son ta goo Yee bioal, as breeoil, as ny s’gyerey na cliwe erbee dy ghaa foyr, roie trooid gys eer rheynn veih-my-cheilley yn annym as y spyrryd, as ny juntyn as y smuir, as ronsaghey magh smooinaghtyn as kiarailyn y chree.

Hebrewnee 5:12

Fakin son y traa lhisagh shiu ve fir-ynsee, ta shin hene feme fer dy ynsaghey diu reesht cre ta ny chied banglaneyn jeh leigh Yee; as ta shiu lheid as ta feme bainney, as cha nee bee lajer.

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh as dy bragh. Amen.