Jannoo 7:36 - Yn Vible Casherick 1775 1819

³⁶ Hug eh lesh ad magh erreish da v’er hoilshaghey yindyssyn as cowraghyn ayns thalloo Egypt as ayns y Faarkey Jiarg, as ayns yn aasagh rish da-eed bleïn.

Yn Conaant Noa 1810

³⁶ Hug eh lesh ad magh, erreish da v’er hoilshaghey yindyssyn as cowraghyn ayns thalloo Egypt as ayns y faarkey‐jiarg, as ayns yn aasagh rish da‐eed bleïn.

Jannoo 7:36 ပူးပေါင်းရင်းမြစ်များ

Nehemiah 9:10

As hoilshee oo cowraghyn as yindyssyn er Pharaoh, as er ooilley e gheiney-caggee, as er ooilley pobble e heer: son honnick oo mooaralys nyn dranlaasee: shoh myr ren oo cosney dhyt hene ennym, myr te ec y laa jiu.

Psalmyn 95:10

Da-eed bleïn liauyr va mee corree rish y cheeloghe shoh, as dooyrt mee: She pobble ad ta goll er-shaghryn ayns nyn greeaghyn, son cha vel enney er ve oc er my raaidyn.

Psalmyn 95:8

Jiu my nee shiu clashtyn e choraa, ny creoi-jee nyn greeaghyn: myr ayns y vrasnagh, as ayns laa yn violagh ayns yn aasagh;

Exodus 12:41

As ve myr shen, ec kione ny kiare cheead as jeih bleeaney as feed, eer er y laa cheddin haink eh gy-kione, dy jagh ooilley sheshaghtyn-caggee yn Chiarn magh ass cheer Egypt.

Exodus 14:21

As heeyn Moses magh e laue erskyn yn aarkey; as hug y Chiarn er yn aarkey dy hraie, lesh geay niartal veih’n niar fud-ny-hoie shen, as haink y thalloo chirrym rish, as va ny ushtaghyn er nyn scarrey veih-my-cheilley.

Exodus 16:35

As d’ee cloan Israel manna rish da-eed bleïn, derrey haink ad gys cheer va cummaltee ayn; d’ee ad manna, derrey haink ad gys slystyn cheer Chanaan.

Exodus 3:20

As neem’s my laue y heeyney magh, as bwoaill-ym Egypt, lesh ooilley my yindyssyn neem’s nyn mast’ oc: as ny lurg shen lhiggee eh yn raad diu.

Exodus 33:1

As dooyrt y Chiarn rish Moses, Immee royd, as fow seose, uss as y pobble hug oo lhiat magh ass cheer Egypt, gys y cheer vreear mee da Abraham, da Isaac, as da Jacob, gra, Da’n sluight ayd’s ver-ym eh.

Noo Ean 4:48

Eisht dooyrt Yeesey rish, Mannagh vaik shiu cowraghyn as yindyssyn, cha jean shiu credjal.

Jannoo 13:18

As mysh da-eed bleïn dy hraa dymmyrk eh ayns yn aasagh lesh nyn ghrogh-ellyn.

Jannoo 7:42

Eisht hyndaa Jee, as livrey eh ad seose dy chur ooashley da pooaraghyn yn aer; myr te scruit ayns lioar ny phadeyryn, O hie Israel, vel shiu er hebbal dooys beïyn marroo as ourallyn, rish da-eed bleïn ayns yn aasagh?

Deuteronomy 8:4

Cha ren dty choamrey gaase shenn ort, chamoo ren dy chass gatt nish rish da-eed bleïn.

Hebrewnee 3:8

Ny creoi-jee nyn greeaghyn, myr ayns y vrasnagh, ayns laa yn violagh ayns yn aasagh:

Hebrewnee 3:9

Tra ren ny ayraghyn eu mish y vrasnaghey, phrow ad mee, as honnick ad m’obbraghyn da-eed bleïn.

Hebrewnee 8:9

Cha nee cordail rish y chonaant ren mee rish ny ayraghyn oc ayns y laa ghow mee ad er y laue dy leeideil ad magh ass cheer Egypt; son nagh dreill ad my chonaant, as hreig mee ad, ta’n Chiarn dy ghra.