Jannoo 7:32 - Yn Vible Casherick 1775 1819

³² Gra, Mish Jee dty ayraghyn, Jee Abraham, as Jee Isaac, as Jee Yacob. Eisht va Moses er-creau, as cha by-lhoys da jeeaghyn.

Yn Conaant Noa 1810

³² Gra, Mish Jee dty ayraghyn, Jee Abraham, as Jee Isaac, as Jee Yacob. Eisht va Moses er‐creau, as cha by‐lhoys da jeeaghyn.

Jannoo 7:32 ပူးပေါင်းရင်းမြစ်များ

Genesis 26:24

As hoilshee’n Chiarn eh-hene da ’syn oie cheddin, as dooyrt eh, Mish Jee Abraham dty ayrey: ny gow aggle, son ta mish lhiat, as nee’m oo y vannaghey, as bishaghey dty luight er graih my harvaant Abraham.

Genesis 50:24

As dooyrt Joseph rish e vraaraghyn, Ta my vaase er-gerrey: as nee Jee son shickyrys jeeaghyn erriu, as ver eh lesh shiu ass y cheer shoh, gys y cheer yiall eh liorish breearrey da Abraham, da Isaac, as Jacob.

1 Reeaghyn 19:13

As shen myr ve, tra cheayll Elijah shoh, dy hoïll eh e eddin ayns e chloagey, as hie eh magh, as hass eh ayns beeal yn ooig. As cur-my-ner, haink coraa huggey, dooyrt rish, Cre t’ayd’s dy yannoo ayns shoh, Elijah?

Lioar Yob 4:14

Haink aggle orrym, as atchim, hug er ooilley my chraueyn dy ve er-creau.

Psalmyn 89:7

As quoi eshyn mastey ny Jeeghyn: vees casley rish y Chiarn?

Exodus 3:15

As dooyrt Jee ny sodjey rish Moses, Er yn aght shoh nee oo loayrt rish cloan Israel, Ta’n Chiarn Jee nyn ayraghyn, Jee Abraham, Jee Isaac, as Jee Yacob, er m’y choyrt hiuish: shoh my ennym’s son dy bragh, as shoh my imraa gys dy chooilley heeloghe.

Exodus 3:6

Dooyrt eh myrgeddin, Mish Jee dty ayrey, Jee Abraham, as Jee Isaac, as Jee Yacob. As choodee Moses e eddin: son va aggle er dy yeeaghyn er Jee.

Exodus 33:20

As dooyrt eh, Cha vod uss m’eddin’s y akin, son cha vod dooinney erbee mish y akin as ve bio.

Exodus 4:5

Dy vod ad credjal, dy vel Chiarn Jee nyn ayraghyn, Jee Abraham, Jee Isaac, as Jee Yacob, er hoilshaghey eh hene dhyt’s.

Noo Mian 17:6

As tra cheayll ny ostyllyn eh, huitt ad sheese er nyn eddin gys y thalloo, son s’mooar yn aggle v’orroo.

Noo Mian 22:32

Mish Jee Abraham, as Jee Isaac, as Jee Yacob? cha vel Jee Jee ny merriu, agh Jee ny bioee.

Noo Mian 22:46

As cha row dooinney ny-vud oc son ansoor y chur da, chamoo by-lhoys da fer erbee jeu (veih’n laa shen magh) question erbee sodjey y chur huggey.

Noo Luke 5:8

Tra honnick Simon Peddyr shoh, huitt eh sheese ec glioonyn Yeesey, gra, Immee voym, son ta mee my ghooinney peccoil, O Hiarn.

Jannoo 3:13

She Jee Abraham, as Isaac, as Jacob, Jee ny ayraghyn ain t’er ghloyraghey e Vac Yeesey; ren shiuish y livrey seose as y obbal ayns fenish Pilate, tra v’eh kiarit y raad y lhiggey da.

Jannoo 7:31

Tra honnick Moses shoh, ghow eh yindys jeh’n shilley: as myr v’eh tayrn er-gerrey dy chur tastey da, haink coraa yn Chiarn huggey,

Hebrewnee 11:16

Agh nish t’ad geearree cheer share, ta shen, cheer flaunyssagh: shen-y-fa cha vel Jee mooaraghey dy ve enmyssit yn Jee ocsyn: son t’eh er chiarail ard-valley er nyn son.

Ashlish 1:17

As tra honnick mee eh, huitt mee sheese ec e chassyn myr marroo: as hug eh e laue yesh orrym, gra rhym, Ny bee aggle ort; Mish y chied er as y fer s’jerree: