Jannoo 7:30 - Yn Vible Casherick 1775 1819

³⁰ As kione da-eed bleïn, haink huggey ayns faasagh cronk Sina, ainle y Chiarn ayns lossey dy aile ayns thammag.

Yn Conaant Noa 1810

³⁰ As kione da‐eed bleïn, haink huggey ayns faasagh cronk Sina, ainle y Chiarn ayns lossey dy aile ayns thammag.

Jannoo 7:30 ပူးပေါင်းရင်းမြစ်များ

1 Reeaghyn 19:8

As dirree eh, as ren eh gee as giu, as ren eh troailt er niart yn veaghey shen da-eed laa as da-eed oie, gys Horeb cronk Yee.

Psalmyn 66:12

Hem stiagh gys dty hie lesh chebballyn-losht: as eeck-ym dhyt my vreearraghyn, yiall mee lesh my veillyn, as loayr mee lesh my veeal, tra va mee ayns seaghyn.

Exodus 3:6

Dooyrt eh myrgeddin, Mish Jee dty ayrey, Jee Abraham, as Jee Isaac, as Jee Yacob. As choodee Moses e eddin: son va aggle er dy yeeaghyn er Jee.

Exodus 7:7

As va Moses kiare-feed bleïn dy eash, as Aaron kiare-feed as three, tra loayr ad rish Pharaoh.

Isaiah 43:2

Tra hed oo trooid ny ushtaghyn, bee’m mayrt; as trooid ny awinyn cha jean ad thooilley ort: tra t’ou shooyl trooid yn aile cha bee oo losht; chamoo nee yn lossey brishey magh ort.

Isaiah 63:9

Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.

Daniel 3:27

As honnick ny princeyn, ny kiannoortyn, as captanyn, as fir-choyrlee yn ree, va er jaglym cooidjagh, ny deiney shoh, er ny kirp oc cha row pooar ec yn aile, chamoo va renaig eh nyn ghing daahjit, chamoo va caghlaa erbee er nyn goamraghyn, ny soar yn aile er jeet orroo.

Malachi 3:1

Cur-my-ner, ver-yms magh my haghter, as kiartee eh yn raad roym: as hig y Chiarn, ta shiu jeeaghyn er e hon, dy gerrit gys e hiamble; eer chaghter y chonaant, ayn ta shiuish goaill taitnys: Cur-my-ner nee eh cheet, ta Chiarn ny flaunyssee dy ghra.

Noo Mark 12:26

As mychione ny merriu, dy n’irree ad; nagh vel shiu er lhaih ayns lioar Voses, kys loayr Jee rish ass y thammag, gra, Mish Jee Abraham, as Jee Isaac, as Jee Yacob?

Noo Luke 20:37

Nish dy n’irree ny merriu, hoilshee Moses hene ec y thammag, tra t’eh genmys y Chiarn, Jee Abraham, as Jee Isaac, as Jee Yacob.

Jannoo 7:17

Agh tra va earish yn ghialdyn, va Jee er vreearrey da Abraham, tayrn er-gerrey, daase yn pobble, as vishee ad ayns Egypt,

Jannoo 7:31

Tra honnick Moses shoh, ghow eh yindys jeh’n shilley: as myr v’eh tayrn er-gerrey dy chur tastey da, haink coraa yn Chiarn huggey,

Jannoo 7:32

Gra, Mish Jee dty ayraghyn, Jee Abraham, as Jee Isaac, as Jee Yacob. Eisht va Moses er-creau, as cha by-lhoys da jeeaghyn.

Jannoo 7:35

Yn Moses shoh ren adsyn y obbal, gra, Quoi ren uss dty er-reill as dty vriw? Eh shoh hug Jee dy ve ny er-reill as dy choyrt livrey-ys liorish laueyn yn ainle honnick eh ayns y thammag.

Galatianee 4:25

Son ta Agar shoh cronk Sinai ayns Arabia, as ta gansoor gys Jerusalem ta nish ayn, as t’ee ayns bondiaght marish e cloan.

Deuteronomy 33:16

As son giootyn berchagh y thallooin, as e phalchey, as son yn aigney-mie echeysyn hoilshee eh hene ayns y thammag ailagh: lhig da’n bannaght cheet er kione Yoseph, as er mullagh y chione echeysyn, v’er ny scarrey veih e vraaraghyn.

Deuteronomy 4:20

Agh ta’n Chiarn er ghoaill shiu, as er choyrt lesh shiu magh ass y choirrey yiarn, dy jarroo ass Egypt, dy ve son pobble dy eiraght da hene, myr ta shiu yn laa jiu.