Jannoo 7:25 - Yn Vible Casherick 1775 1819

²⁵ Son heill eh dy beagh e vraaraghyn er hoiggal kys dy row Jee kiarail, dy choyrt livrey-ys daue liorish y laue echeysyn; agh cha row toiggal oc jeh.

Yn Conaant Noa 1810

²⁵ Son heill eh dy beagh e vraaraghyn er hoiggal kys dy row Jee kiarail, dy choyrt livrey‐ys daue liorish y laue echeysyn; agh cha row toiggal oc jeh.

Jannoo 7:25 ပူးပေါင်းရင်းမြစ်များ

2 Reeaghyn 5:1

Nish va Naaman, captan sheshaght-caggee ree Syria, ny ghooinney ooasle kiongoyrt rish e vainshtyr, as onnoroil; er-yn-oyr dy row’n Chiarn liorishyn er choyrt barriaght da Syria: v’eh myrgeddin ny ghooinney niartal ayns caggey; agh v’eh ny lourane.

Psalmyn 106:7

Cha dug nyn ayraghyn tastey da dty yindyssyn ayns Egypt, chamoo dreill ad dty vieys vooar ayns cooinaghtyn: agh v’ad mee-viallagh ec yn aarkey, dy jarroo ec y Faarkey Jiarg.

Exodus 2:12

As yeeagh eh mygeayrt-y-mysh, er dy chooilley heu as tra honnick eh, nagh row fer erbee kionfenish, varr eh yn Egyptian, as doanluck eh eh ’sy ghenniagh.

Noo Mark 9:32

Agh cha hoig ad yn raa shen, as cha by-lhoys daue fênaghtyn jeh.

Noo Luke 18:34

As cha hoig ad veg jeh ny reddyn shoh: as va’n raa shoh keillit voue, chamoo va fys oc er ny reddyn va loayrit.

Noo Luke 9:45

Agh cha hoig ad y raa shoh, as ve gyn-yss daue, nagh row toiggal oc jeh: as va aggle orroo fênaght jeh mychione y raa cheddin.

Jannoo 14:27

As tra v’ad er jeet, as er n’eamagh er yn agglish cooidjagh, hug ad coontey daue jeh ooilley ny va Jee er n’yannoo roo, as kys v’eh er vosley dorrys y chredjue da ny Ashoonee.

Jannoo 15:4

As tra v’ad er jeet gys Jerusalem, ghow yn agglish dy arryltagh roo, myr ren ny ostyllyn as y chanstyr, as hug ad coontey jeh dy chooilley nhee va Jee er n’yannoo lhieu.

Jannoo 15:7

As erreish daue v’er ve foddey resooney, dirree Peddyr seose, as dooyrt eh roo, Gheiney as vraaraghyn, ta fys eu foddey er-dy-henney, dy ren Jee reih y yannoo nyn mast’ ain, dy row ny Ashoonee veih my veeal’s dy chlashtyn goo yn tushtal, as dy chredjal.

Jannoo 21:19

As tra v’eh er vannaghey daue, hoilshee eh daue ayns coorse ny reddyn va Jee er n’obbraghey mastey ny Ashoonee liorish y chirveish echeysyn.

Jannoo 7:24

As fakin fer jeu surranse aggair, hass eh er e lieh, as goaill cooilleen er y tranlaasagh er e hon, varr eh yn Egyptian:

Jannoo 7:26

As laa-ny-vairagh haink eh ny-vud oc myr v’ad ec streeu ry-cheilley, as baillish ad y hayrn gys coardail, gra, Gheiney, she braaraghyn shiu; cre’n-fa ta shiu jannoo aggair yn derrey yeh da’n jeh elley?

Romanee 15:18

Son cha goym orrym dy loayrt jeh veg jeh ny reddyn shen nagh vel Creest er n’obbraghey liorym, ayns tayrn ny Ashoonee gys biallys, liorish raa as jannoo.

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny-yeih cha nee mish, agh grayse Yee va mârym.

1 Corinthianee 3:9

Son ta shinyn co-obbreeyn fo Jee: ta shiuish farrysthie Yee, shiuish troggal Yee.

2 Corinthianee 6:1

Ta shinyn eisht, myr fir-choonee mârishyn, guee erriuish myrgeddin, nagh jean shiu grayse Yee y ghoaill ayns fardail:

Colossianee 1:29

Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

Briwnyn 15:12

As dooyrt ad rish, Ta shin er jeet sheese dy chiangley oo, dy vod shin oo y livrey gys laue ny Philistinee. As dooyrt Samson roo, Loo-jee dou nagh jean shiu hene tuittym orrym.

1 Samuel 14:45

As dooyrt y pobble rish Saul, Bee Jonathan er ny choyrt gy-baase, ta er n’obbraghey lheid y varriaght mooar shoh ayns Israel? Ny lhig eh Jee: myr ta’n Chiarn bio, cha jean un renaig jeh e chione tuittym gys y thalloo; son t’eh er n’obbraghey marish Jee yn laa shoh. Myr shen ren y pobble Jonathan y hauail, nagh dooar eh baase.

1 Samuel 19:5

Son hug eh e vioys ayns e laue, as varr eh yn Philistine, as dobbree’n Chiarn saualtys mooar son Israel: honnick oo-hene eh, as ghow boggey jeh; cre’n-fa eisht, nee oo aggair y yannoo noi fuill gyn-loght, dy varroo David gyn oyr?