Jannoo 7:23 - Yn Vible Casherick 1775 1819

²³ As tra v’eh slane da-eed bleïn dy eash, haink eh ayns e chree dy gholl dy yeeaghyn e vraaraghyn cloan Israel.

Yn Conaant Noa 1810

²³ As tra v’eh slane da‐eed bleïn dy eash, haink eh ayns e chree dy gholl dy yeeaghyn e vraaraghyn cloan Israel.

Jannoo 7:23 ပူးပေါင်းရင်းမြစ်များ

2 Recortyssyn 30:12

Agh ayns Judah va laue Yee lhieu lesh un chree dy chooilleeney sarey’n ree as ny princeyn, liorish goo’n Chiarn.

Ezra 1:1

Nish, ayns y chied vleïn jeh Cyrus ree Phersia (dy voddagh goo’n Chiarn liorish beeal Yeremiah v’er ny chooilleeney) hug eh ayns cree Cyrus ree Phersia, dy ockley magh trooid ooilley e reeriaght, as myrgeddin dy beagh eh ayns screeu, gra,

Ezra 1:5

Eisht hrog orroo ard-gheiney ayraghyn Yudah, as Venjamin, as ny saggyrtyn, as ny Leviteyn, mâroosyn ooilley, ny spyrrydyn oc va Jee er ghreinnaghey dy gholl seose, dy hroggal thie’n Chiarn, t’ayns Jerusalem.

Ezra 7:27

Bannit dy row Chiarn Jee nyn ayraghyn, t’er choyrt lheid y red shoh ayns cree y ree, dy hoiaghey magh dy stoamey thie’n Chiarn, t’ayns Jerusalem.

Exodus 35:21

As haink ad, dy chooilley unnane ren e chree y ghreinnaghey, as dagh unnane va jeh spyrryd aggindagh, as hug ad lhieu oural y Chiarn gour obbyr y chabbane-agglish, as gour ooilley e hirveish, as gour ny garmadyn casherick.

Exodus 35:29

Hug cloan Israel lhieu chebbal arryltagh da’n Chiarn; dy chooilley ghooinney as ben jeh cree feoilt, dy choyrt lhieu dy chooilley vonney d’obbyr, va’n Chiarn er harey liorish Moses, dy ve jeant.

Exodus 4:18

As jimmee Moses, as hie eh reesht gys Jethro e ayr-’sy-leigh, as dooyrt eh rish; Lhig y raad dou, ta mee guee ort, dy hyndaa reesht gys my vraaraghyn t’ayns Egypt; dy yeeaghyn vel ad foast bio. As dooyrt Jethro rish Moses, Immee, as shee dy row mayrt.

Exodus 7:7

As va Moses kiare-feed bleïn dy eash, as Aaron kiare-feed as three, tra loayr ad rish Pharaoh.

Raaghyn Creeney 21:1

Ta cree y ree ayns laue y Chiarn, myr ny strooanyn ushtey: t’eh dy hyndaa ad raad saillish hene.

Jannoo 15:36

As laghyn ny lurg shen dooyrt Paul rish Barnabas, Lhig dooin goll reesht dy yeeaghyn nyn mraaraghyn ayns dy chooilley ard-valley, raad ta shin er phreacheil goo yn Chiarn, dy yeeaghyn kys t’ad.

Jannoo 7:24

As fakin fer jeu surranse aggair, hass eh er e lieh, as goaill cooilleen er y tranlaasagh er e hon, varr eh yn Egyptian:

2 Corinthianee 8:16

Agh booise dy row gys Jee, hug yn chiarail jeean cheddin ayns cree Titus er nyn son.

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

Ashlish 17:17

Son ta Jee er choyrt eh ayns ny creeaghyn oc dy chooilleeney e aigney, as dy choardail, as dy choyrt nyn reeriaght da’n veisht, derrey vees goan Yee er nyn gooilleeney.