Jannoo 7:2 - Yn Vible Casherick 1775 1819

² As dooyrt eshyn, Gheiney, vraaraghyn, as ayraghyn, eaisht-jee, Ren Jee ny ghloyr eh-hene y hoilshaghey da nyn ayr Abraham, tra v’eh ayns Mesopotamia, roish my row eh cummal ayns Charran,

Yn Conaant Noa 1810

² As dooyrt eshyn, Gheiney, vraaraghyn, as ayraghyn, eaisht‐jee, Ren Jee ny ghloyr eh hene y hoilshaghey da nyn ayr Abraham, tra v’eh ayns Mesopotamia, roish my row eh cummal ayns Charran,

Jannoo 7:2 ပူးပေါင်းရင်းမြစ်များ

Genesis 11:31

As ghow Terah Abram e vac, as Lot mac Haran, yn oe echey, as Sarai e inneen ’sy leigh, ben e vac Abram; as hie ad magh veih Ur jeh ny Chaldeanee, dy gholl gys cheer Chanaan; as haink ad gys Haran, as ren ad cummal ayns shen.

Genesis 12:1

Nish va’n Chiarn er ghra rish Abram. Immee royd ass dty heer hene, as veih dty chynney, as veih thie dty ayrey, gys y cheer jeeagh-ym dhyt.

Genesis 12:5

As ghow Abram Sarai e ven, as Lot mac e vraarey, as ooilley yn chooid v’ad er jymsaghey, as y chloan v’eh er gheddyn ayns Haran: as hrog ad orroo dy gholl gys cheer Chanaan, as gys cheer Chanaan haink ad.

Genesis 15:7

As dooyrt eh rish, Mish y Chiarn, hug lhiam uss magh ass Ur ny Chaldeanee, dy choyrt dhyt’s yn cheer shoh son eiraght.

Genesis 29:4

As dooyrt Jacob roo, My vraaraghyn, cre veih ta shiu? As dooyrt ad, Ta shin veih Haran.

Nehemiah 9:7

Uss yn Chiarn, yn Jee ren reih Abram, as hug lesh eh magh ass Ur jeh ny Caldeanee, as hug er yn ennym Abraham:

Psalmyn 24:10

Quoi ta ree ny ghloyr: dy jarroo yn Chiarn dy heshaght-chaggee, eshyn ree ny ghloyr.

Psalmyn 24:7

Trog-jee seose nyn ghing, O shiuish yiattyn, as bee-jee er nyn droggal seose, shiuish ghorryssyn dy bragh farraghtyn: as hig ree ny ghloyr stiagh.

Psalmyn 29:3

She’n Chiarn ta sarey ny ushtaghyn: yn Jee gloyroil ta jannoo yn taarnagh.

Isaiah 37:12

Vel jeeghyn ny ashoonyn er livrey adsyn ta my ayraghyn er stroie, myr Gozan, as Haran, as Rezeph, as cloan Eden v’ayns Telassar?

Isaiah 51:2

Jeeagh-jee gys Abraham nyn ayr, as gys Sarah ren shiu y ymmyrkey: son deïe mee ersyn ny-lomarcan, as vannee mee eh, as ren mee eshyn y vishaghey.

Isaiah 6:3

As deïe yn derrey yeh gys y jeh elley, gra, Casherick, casherick, casherick ta Chiarn ny flaunyssee; ta’n slane seihll lane jeh e ghloyr.

Noo Mian 6:13

As ny leeid shin ayns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh, Amen.

Noo Luke 2:14

Gloyr dy row gys Jee ayns yn yrjid, as er y thalloo shee, aigney-mie gys deiney.

Noo Ean 1:14

As ghow yn Goo er dooghys ny foalley, as ren eh baghey nyn mast’ ain (as hug shin my-ner yn ghloyr echey, yn ghloyr myr jeh’n ynrycan Mac er-ny-gheddyn jeh’n Ayr) lane dy ghrayse as dy irrinys.

Noo Ean 12:41

Ny reddyn shoh loayr Esaias, tra honnick eh e ghloyr as loayr eh jeh.

Jannoo 22:1

Gheiney, vraaraghyn, as ayraghyn, clasht-jee rish ny t’aym’s dy ghra ayns my lieh hene.

Jannoo 23:7

As tra v’eh er ghra shoh, dirree streeu eddyr ny Phariseeyn as ny Sadduceeyn, as va’n chaglym noi-ry-hoi.

Jannoo 7:1

Eisht dooyrt yn ard-saggyrt, Nee shoh myr te?

1 Corinthianee 2:8

Shen nagh ren veg jeh princeyn y theihll shoh toiggal; son dy beagh toiggal oc jeh, cha beagh ad er chrossey yn Chiarn dy ghloyr.

Ephesianee 1:17

Dy jean Jee nyn Jiarn Yeesey Creest, Ayr ny ghloyr, cur diuish yn Spyrryd dy chreenaght as dy hoilshey flaunyssagh, dy choyrt enney er:

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 1:3

Myr v’eh sollyssid e ghloyr, as eer co-chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard-ooashley ayns yn yrjid:

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.

Jamys 2:1

My vraaraghyn, ny lhig da credjue nyn Jiarn gloyroil Yeesey Creest ve eu, jannoo soiagh jeh persoonyn deiney.

Joshua 24:2

As dooyrt Joshua rish ooilley’n pobble, Shoh myr ta’n Chiarn Jee Israel gra, Ren ny ayraghyn eu ’sy chenn earish cummal er cheu elley jeh’n awin [Euphrates] eer Terah ayr Abraham, as ayr Nachor: as ren ad jeeghyn joarree y hirveish.

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.