Jannoo 7:16 - Yn Vible Casherick 1775 1819

¹⁶ As v’ad er nyn goyrt lhieu harrish gys Sichem, as er nyn oanluckey ayns yn oaie va Abraham er chionnaghey son sym dy argid, veih mec Emmor ayr Sichem.

Yn Conaant Noa 1810

¹⁶ As v’ad er nyn goyrt lhieu harrish gys Sichem, as er nyn oanluckey ayns yn oaie va Abraham er chionnaghey son sym dy argid, veih mec Emmor ayr Sichem.

Jannoo 7:16 ပူးပေါင်းရင်းမြစ်များ

Genesis 23:16

As va Abraham booiagh lesh ny dooyrt Ephron: as ren Abraham towse da Ephron yn argid v’eh er n’enmys ayns clashtyn mec Heth; kiare cheead shekel dy argid, yn argid va goll fud ny marchanyn.

Genesis 23:4

Ta mee my yoarree, as my hroailtagh mêriu. Cur-jee dou cairys ayns grunt oanluckee mêriu, dy voddym yn marroo y oanluckey ass my hilley.

Genesis 35:19

As hooar Rachel baase, as v’ee oanluckit ayns y raad gys Ephrath, ta shen Beth-lehem.

Genesis 47:30

Agh m’aigney eh dy lhie marish m’ayraghyn, as ver oo lhiat mee ass Egypt, as nee oo m’oanluckey ’sy ghrunt oanluckee ocsyn. As dooyrt eh, Nee’m myr t’ou er ghra.

Genesis 50:12

As ren e vec rish, cordail myr hug eh currym orroo.

Genesis 50:13

Son hug e vec lhieu eh gys cheer Chanaan; as doanluck ad eh ayns lhiaght magher Machpelah; chionnee Abraham marish y vagher, son grunt oanluckee, veih Ephron yn Hittite, er-gerrey da Mamre.

Exodus 13:19

As ghow Moses craueyn Yoseph mârish; son v’eh er choyrt cloan Israel fo breearrey gyere, gra, Nee Jee son shickyrys jeeaghyn erriu, as ver shiu lhieu ersooyl mêriu my chraueyn veih shoh.

Joshua 24:32

As craueyn Yoseph, hug cloan Israel lhieu seose ass Egypt, ren ad y oanluckey ayns Shechem, ayns y pheesh dy ghrunt chionnee Jacob veih mec Hamor, ayr Shechem, son keead peesh dy argid: as haink eh dy ve eiraght cloan Yoseph.