Jannoo 7:15 - Yn Vible Casherick 1775 1819

¹⁵ As hie Jacob sheese gys Egypt, as hooar eh baase, eh-hene as nyn shenn-ayryn,

Yn Conaant Noa 1810

¹⁵ As hie Jacob sheese gys Egypt, as hooar eh baase, eh hene as nyn shenn‐ayryn,

Jannoo 7:15 ပူးပေါင်းရင်းမြစ်များ

Genesis 46:1

As ghow Israel e yurnah lesh ooilley ny v’echey, as haink eh gys Beer-sheba, as heb eh ourallyn da Jee e ayr Isaac.

Genesis 47:30

Agh m’aigney eh dy lhie marish m’ayraghyn, as ver oo lhiat mee ass Egypt, as nee oo m’oanluckey ’sy ghrunt oanluckee ocsyn. As dooyrt eh, Nee’m myr t’ou er ghra.

Genesis 49:33

As tra va Jacob erreish currym y choyrt da e vec, hayrn eh seose e chassyn ’sy lhiabbee, as phaart eh, as v’eh oanluckit marish e ghooie.

Psalmyn 105:23

Haink Israel myrgeddin gys Egypt: as va Jacob ny yoarree ayns cheer Ham.

Exodus 1:6

As hooar Joseph baase as ooilley e vraaraghyn, as yn slane sheeloghe shen.

Exodus 13:19

As ghow Moses craueyn Yoseph mârish; son v’eh er choyrt cloan Israel fo breearrey gyere, gra, Nee Jee son shickyrys jeeaghyn erriu, as ver shiu lhieu ersooyl mêriu my chraueyn veih shoh.

Earrooyn 20:15

Kys hie ny ayraghyn ain sheese gys Egypt as ta shin er vaghey ayns Egypt rish foddey dy hraa: as ren ny Egyptianee tranlaase orrinyn, as er nyn ayraghyn.

Deuteronomy 10:22

Hie dty ayraghyn sheese gys Egypt lesh three-feed as jeih persoonyn, as nish ta’n Chiarn dty Yee er dty vishaghey myr rollageyn yn aer ayns earroo.

Deuteronomy 26:5

As nee oo loayrt, as gra fenish y Chiarn dty Yee, Syrian, ayns gaue baaish, va m’ ayr, as hie eh sheese gys Egypt, as chum eh er e yoarreeaght ayns shen, lesh beggan ayns earroo, as haink eh dy ve ashoon mooar, niartal, as ymmodee.

Joshua 24:32

As craueyn Yoseph, hug cloan Israel lhieu seose ass Egypt, ren ad y oanluckey ayns Shechem, ayns y pheesh dy ghrunt chionnee Jacob veih mec Hamor, ayr Shechem, son keead peesh dy argid: as haink eh dy ve eiraght cloan Yoseph.

Joshua 24:4

As hug mee da Isaac, Jacob as Esau: as da Esau hug mee cronk Seir son e chummal: agh hie Jacob as e chloan sheese gys Egypt.