Jannoo 7:10 - Yn Vible Casherick 1775 1819

¹⁰ As livrey eh eh veih ooilley e heaghyn, as hug eh da foayr as creenaght ayns shilley Pharaoh ree Egypt; as ren eh eh ny chiannoort er Egypt, as ooilley e hie.

Yn Conaant Noa 1810

¹⁰ As livrey eh eh veih ooilley e heaghyn, as hug eh da foayr as creenaght ayns shilley Pharoah ree Egypt; as ren eh eh ny chiannoort er Egypt, as ooilley e hie.

Jannoo 7:10 ပူးပေါင်းရင်းမြစ်များ

Genesis 39:21

Agh va’n Chiarn marish Joseph, as hoilshee eh myghin da, as hug eh da foayr ayns shilley arreyder y phryssoon.

Genesis 42:6

As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 44:18

Eisht haink Judah er-gerrey da, as dooyrt eh, O my hiarn, lhig ta dty harvaant, ta mee guee ort, fockle y loayrt ayns clashtyn my hiarn, as ny lhig da dty chorree lostey noi dty harvaant: son t’ou uss eer myr Pharaoh.

Genesis 48:16

Yn ainle ren mish y livrey veih dy chooilley olk, dy bannee eh ny scollagyn; as lhig m’ennym’s ve orroo, as ennym m’ayraghyn Abraham as Isaac: as lhig daue bishaghey gys earrooyn dy leih, ayns mean y theihll.

1 Reeaghyn 8:50

As leih da dty phobble t’er n’yannoo peccah dt’oï, as ooilley nyn ghrogh-yannoo t’ad er chur-rish dt’oï, as lhig daue foayr y gheddyn vouesyn hug lhieu ad ayns cappeeys, dy vod ad ve erreeishagh daue:

Psalmyn 22:24

Son cha vel eh er hoiaghey beg jeh, ny er hreigeil stayd injil y voght: cha vel eh er ollaghey e eddin veih, agh tra deïe eh er, hug eh clashtyn da.

Psalmyn 37:40

Agh ta saualtys y sleih cairagh cheet veih’n Chiarn: ta myrgeddin yn niart oc ayns y traa dy heaghyn.

Raaghyn Creeney 16:7

Tra ta kenjallys y Chiarn er raaidyn dooinney, t’eh coyrt er eer e noidyn ’ve ec shee rish.

Raaghyn Creeney 2:6

Son ta’n Chiarn coyrt creenaght: ass y veeal echeysyn ta cheet fysseree as tushtey.

Raaghyn Creeney 3:4

Myr shen yiow foayr, as aigney-mie ayns shilley Jee as dooinney.

Jeremiah 39:12

Gow eh, as jeeagh dy mie da, as ny cur drogh ghellal da; agh jean er e hon cre-erbee t’eh dy yeearree.

2 Timothy 4:18

As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh; huggey dy row gloyr son dy bragh as dy bragh. Amen.

Jamys 5:11

Cur-jee my-ner, ta shin jeeaghyn orroosyn dy ve maynrey ta gymmyrkey seaghyn. Ta shiu er chlashtyn jeh meenid Yob, as cre chiare y Chiarn da ec y jerrey: dy vel y Chiarn feer chymmoil, as jeh myghin meiygh.

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.