Jannoo 6:5 - Yn Vible Casherick 1775 1819

⁵ As by-haittin lesh y cheshaght y raa shoh: as reih ad Steaon, dooinney va lane dy chredjue as jeh’n Spyrryd Noo, as Philip as Prochorus, as Nicanor, as Timon, as Parmenas, as Nicolas proselyte veih Antioch.

Yn Conaant Noa 1810

⁵ As by‐haittyn lesh y cheshaght y raa shoh: as reih ad Steaon, dooinney va lane dy chredjue as jeh’n Spyrryd Noo, as Philip as Prochorus, as Nicanor, as Timon, as Parmenas, as Nicolas proselyte veih Antioch.

Jannoo 6:5 ပူးပေါင်းရင်းမြစ်များ

Genesis 41:37

As va’n choyrle mie ayns shilley Pharaoh, as ooilley e hirveishee.

Raaghyn Creeney 15:1

Ta ansoor meeley meeinaghey corree: agh ta goan fargagh doostey jymmoose.

Raaghyn Creeney 15:23

Ta boggey ec dooinney liorish ansoor e veeal as fockle loayrit ayns traa cooie, oh, cre cha mie as te!

Micah 3:8

Agh dy firrinagh ta mish ayns slane bree liorish spyrryd y Chiarn, as lesh briwnys, as lesh niart, dy hoilshaghey da Jacob e vee-chairys, as da Israel e pheccah.

Noo Mian 23:15

Smerg diu scrudeyryn as Phariseeyn, chrauee-oalsey; son ta shiu goll mygeayrt keayn as thalloo, dy hayrn agh un yoarree gys y chredjue eu hene, as tra t’eh er jyndaa hiu, ta shiu dy yannoo eh ny lhiannoo dy niurin ghaa wheesh smessey na shiu hene.

Jannoo 11:19

Nish va’n vooinjer v’er nyn skeayley magh, kyndagh rish y tranlaase va jeant er coontey Steaon er droailt choud as Phenice, as Cyprus, as Antioch, as cha ren ad yn goo y phreacheil da unnane erbee agh ynrycan da ny Hewnyn.

Jannoo 11:20

As va paart jeu deiney veih Cyprus as Cyrene, as tra v’ad er jeet gys Antioch loayr ad rish ny Grecianee, preacheil yn Chiarn Yeesey.

Jannoo 11:22

Eisht haink naightyn jeh ny reddyn shoh gys clashtyn yn agglish va ec Jerusalem: as hug ad magh Barnabas dy gholl gys Antioch.

Jannoo 11:24

Son v’eh ny ghooinney mie, as lane jeh’n Spyrryd Noo, as jeh credjue; as ren ymmodee sleih chyndaa gys y Chiarn.

Jannoo 11:26

As haink eh gy-kione, dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Jannoo 11:27

As ayns ny laghyn shen haink phadeyryn veih Jerusalem gys Antioch.

Jannoo 13:1

Nish va ayns yn agglish va ec Antioch, shiartanse dy adeyryn as dy ir-ynsee; myr Barnabas, as Simeon va enmyssit Niger, as Lucius yn Cyrenian, as Manaen va troggit marish Herod yn tetrarch, as Saul.

Jannoo 15:22

Eisht yeeagh ny ostyllyn as y chanstyr, as y slane agglish er dy ve ymmyrchagh dy chur deiney reiht jeh’n cheshaght oc hene gys Antioch, marish Paul as Barnabas, ta shen dy ghra, Judas sliennooit Barsabas, as Silas, ard-gheiney mastey ny braaraghyn:

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Jannoo 21:8

As yn nah laa, jimmee shinyn va jeh sheshaght Phaul roïn, as haink shin gys Cesarea; as hie shin stiagh ayns thie Philip yn sushtallagh (va fer jeh’n chiaght) as duirree shin mârish.

Jannoo 22:20

As tra va fuill dty eanish Steaon er ny gheayrtey, va mee my hassoo kionfenish, as m’aigney lhieu ayns y choyrt eh gy-baase, as yeeagh mee da’n eaddagh ocsyn ren y varroo eh.

Jannoo 6:10

As cha row ad abyl shassoo magh noi yn chreenaght as y spyrryd v’eshyn loayrt lesh.

Jannoo 6:3

Shen-y-fa, vraaraghyn, jeeagh-jee magh ny mast’ eu hene, son shiaght deiney dy ghoo mie, lane jeh’n Spyrryd Noo as jeh creenaght, dooinyn dy choyrt yn currym shoh orroo.

Jannoo 6:8

As va Steaon lane dy ghrayse as dy phooar, as ren eh yindyssyn mooarey as mirrilyn mastey’n pobble.

Jannoo 7:1

Eisht dooyrt yn ard-saggyrt, Nee shoh myr te?

Ashlish 2:15

Myr shen myrgeddin t’adsyn mayrt ta cummal credjue ny Nicolaitanee, red ta dwoaie aym er.

Ashlish 2:6

Agh ta’n goo shoh ayd, dy vel dwoaie ayd er obbraghyn ny Nicolaitanee, orroo ta dwoaie aym’s myrgeddin.