Jannoo 6:11 - Yn Vible Casherick 1775 1819

¹¹ Eisht daill ad deiney dy ghra, Ta shin er chlashtyn eh shoh loayrt goan mollaghtagh noi Moses as noi Jee.

Yn Conaant Noa 1810

¹¹ Eisht daill ad deiney dy ghra, Ta shin er chlashtyn eh shoh loayrt goan‐mollaghtagh noi Moses as noi Jee.

Jannoo 6:11 ပူးပေါင်းရင်းမြစ်များ

Exodus 23:1

Cha jean oo troggal, ny cur mygeayrt, goo breagagh: ny cur dty laue marish ny mee-chrauee, dy ve feanish foalsey.

Jeremiah 26:11

Eisht loayr ny saggyrtyn as ny phadeyryn rish ny princeyn, as rish ooilley’n pobble, gra, Ta’n dooinney shoh toilliu baase; son t’eh er n’yannoo phadeyrys noi’n ard-valley shoh, myr ta shiu er chlashtyn lesh nyn gleayshyn.

Jeremiah 37:13

As myr v’eh goll magh er giat Venjamin, raad va captan arreyder, e ennym Irijah, mac Shelemiah, mac Hananiah, ghow eh Jeremiah yn phadeyr, gra, T’ou uss goll er cheu ny Caldeanee.

Leviticus 24:16

As eshyn ta loayrt goan mollaghtagh noi ennym y Chiarn, bee eh dy shickyr er ny choyrt gy-baase; nee ooilley’n pobble dy shickyr eshyn y chlaghey; bee chammah yn joarree, as eshyn ta ruggit ’sy cheer, tra t’eh goltooaney ennym y Chiarn, er ny choyrt gy-baase.

Noo Ean 1:17

Son va’n leigh er ny choyrt liorish Moses agh haink grayse as firrinys liorish Yeesey Creest.

Noo Ean 16:3

As ny reddyn shoh nee ad riu, er-yn-oyr nagh vel enney oc er yn Ayr, ny orrym’s.

Noo Ean 9:29

Ta fys ain dy loayr Jee rish Moses: agh son eh shoh, cha s’ain cre veih t’eh.

Jannoo 15:21

Son ta ec Moses er-dyn chenn earish, ayns dy chooilley ard-valley adsyn ta dy phreacheil eh, as t’eh er ny lhaih ayns ny kialteenyn dy chooilley ghoonaght.

Jannoo 18:6

Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu-chyndagh: veih shoh magh hem roym gys ny Ashoonee.

Jannoo 21:28

Geamagh, Gheiney Israel, cooin-jee lhien: shoh’n dooinney ta gynsaghey dy chooilley ghooinney, ayns dy chooilley ynnyd noi yn pobble, as y leigh, as y boayl shoh; as ny sodjey na shen, t’eh er chur lesh Ashoonee stiagh ayns y chiamble, as er vee-ooashlaghey yn ynnyd casherick shoh.

Jannoo 25:3

As geearree er yn foayr shoh n’oï, Eh dy chur fys er gys Jerusalem, kiarail ad-hene lhie cooyl-chlea er yn raad, dy ghoaill e vioys.

Jannoo 25:7

As tra v’eh er jeet, hass ny Hewnyn haink veih Jerusalem mygeayrt, as hug ad stiagh ymmodee foiljyn tromey gys lieh Phaul, nagh voddagh ad prowal;

Jannoo 26:11

As smaghtee mee ad dy mennick ayns dy chooilley synagogue, as dêginee mee ad dy oltooan [Creest]; as va mee ass towse elgyssagh nyn ’oï oc, as ren mee tranlaase orroo gys eer ard-valjyn joarree.

Jannoo 6:10

As cha row ad abyl shassoo magh noi yn chreenaght as y spyrryd v’eshyn loayrt lesh.

Jannoo 6:12

As ghreinnee ad y pobble, as y chanstyr, as ny scrudeyryn, as haink ad as haare ad eh, as hug ad lhieu eh fenish y choonceil,

Jannoo 6:13

As hoie ad seose feanishyn foalsey, ren gra, Ta’n dooinney shoh kinjagh loayrt goan mollaghtagh noi yn ynnyd casherick shoh as y leigh.

Romanee 3:8

Agh cha nee (myr ta shin er nyn oltooan, as myr ta paart lhiassaghey dy vel shin gra,) Lhig dooin olk y yannoo, dy vod mie cheet jeh? ta’n deyrey oc cairagh.

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er-yn-oyr dy ren mee eh dy neu-hushtagh, ayns mee-chredjue: