Jannoo 5:9 - Yn Vible Casherick 1775 1819

⁹ Eisht dooyrt Peddyr r’ee, Kys te dy dug shiu nyn goyrle dy cheilley er-chee dy yannoo molteyrys er Spyrryd y Chiarn? cur-my-ner ta ny cassyn ocsyn t’er n’oanluckey dty heshey ec y dorrys, as troggee ad uss magh.

Yn Conaant Noa 1810

⁹ Eisht dooyrt Peddyr r’ee, Kys te dy dug shiu nyn goyrle dy cheilley er‐chee dy yannoo molteyrys er Spyrryd y Chiarn? cur‐my‐ner ta ny cassyn ocsyn t’er n’oanluckey dty heshey ec y dorrys, as troggee ad uss magh.

Jannoo 5:9 ပူးပေါင်းရင်းမြစ်များ

Genesis 20:13

As haink eh gy-kione, tra hug Jee mee magh dy hroailt veih thie my ayrey, dy dooyrt mee r’ee, Shoh dty chenjallys nee oo y hoilshaghey dooys; Raad erbee dy jem mayd, abbyr my-mychione, She my vraar eh.

2 Reeaghyn 6:32

Agh va Elisha soie ayns e hie, (as y chanstyr nyn soie mârish:) as hug y ree dooinney voish hene, agh roish my rosh y chaghter huggey, dooyrt eh rish y chanstyr, Vaik-jee kys ta mac y dunver shoh er choyrt dy ghoaill y chione jee’m? jeeagh-jee, tra hig y chaghter, jeigh-jee yn dorrys, as cum-jee eh dy shickyr ec y dorrys; nagh vel sheean cassyn e vainshtyr ec e voynyn?

Psalmyn 50:18

Tra honnick oo maarliagh, va dt’aigney lesh: as t’ou er ghoaill ayrn mâroosyn ta brishey poosey.

Psalmyn 78:56

Hilg eh magh ny ashoonyn-quaagh myrgeddin kiongoyrt roo: hug eh er y cheer oc dy ve er ny rheynn ny mast’ oc son eiraght, as hug eh er sheelogheyn Israel dy chummal ayns ny cabbaneyn oc.

Exodus 17:2

As ren y pobble troiddey rish Moses, as dooyrt ad, Cur dooin ushtey dy iu. As dooyrt Moses roo, Cre’n-fa ta shiu troiddey rhym’s? cre’n-fa ta shiu brasnaghey’n Chiarn.

Exodus 17:7

As denmys eh yn ynnyd, Massah as Meribah, er coontey anvea chloan Israel, as son dy ren ad brasnaghey’n Chiarn, gra, Vel y Chiarn ny mast’ ain, mannagh vel?

Raaghyn Creeney 11:21

Ga dy vel laue niartaghey laue, cha bee ny mee-chrauee gyn kerraghey, agh yiow sluight deiney cairal livrey-ys.

Raaghyn Creeney 16:5

Ta dy chooilley ghooinney ard-chreeagh dwoaiagh da’n Chiarn: ga dy jean laue niartaghey laue, cha bee ad gyn kerraghey.

Micah 7:3

Dy vod ad dy jeean cur-rish olk, lesh nyn ghaa laue: ta’n prince geearree leagh, as yn briw shirrey sollaghey-laue: as ta’n dooinney pooaral fockley-magh olkys e annym: shen myr t’ad cassey cairys.

Earrooyn 14:22

Er son ooilley ny deiney shen t’er vakin my ghloyr, as my virrilyn ren mee ayns Egypt, as ayns yn aasagh, as t’er m’y vrasnaghey nish ny jeih keayrtyn shoh, as nagh vel er n’eaishtagh rish my choraa;

Noo Mian 4:7

Dooyrt Yeesey rish, Te scruit myrgeddin, Cha jean oo yn Chiarn dty Yee y violaghey.

Noo Luke 16:2

As deïe eh er, as dooyrt eh rish, Kys dy vel mee clashtyn shoh jeed? cur coontey jeh dty stiurtys: son cha vod oo ve ny-sodjey dty stiurt,

Jannoo 15:10

Kys er-y-fa shen dy vel shiu nish brasnaghey Jee, liorish quing y choyrt er mwannal ny Creesteenyn, nagh row ec ny ayraghyn ain, ny ain hene yn niart dy ymmyrkey?

Jannoo 5:6

As dirree ny deiney aegey, as hoïll ad seose eh, as hrog ad lhieu magh, as doanluck ad eh.

Romanee 10:15

As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

1 Corinthianee 10:9

Chamoo lhig dooin Creest y vrasnaghey, myr ren paart jeusyn myrgeddin brasnaghey, as v’ad er nyn stroie liorish ard-nieughyn.