Jannoo 5:5 - Yn Vible Casherick 1775 1819

⁵ Tra cheayll Ananias ny goan shoh, huitt eh harrish, as hooar eh baase: as haink aggle mooar orroosyn ooilley cheayll ny reddyn shoh.

Yn Conaant Noa 1810

⁵ Tra cheayll Ananias ny goan shoh, huitt eh harrish, as hooar eh baase: as haink aggle mooar orroosyn ooilley cheayll ny reddyn shoh.

Jannoo 5:5 ပူးပေါင်းရင်းမြစ်များ

2 Reeaghyn 2:24

As hyndaa eh mygeayrt, as yeeagh eh orroo, as ghwee eh daue ayns ennym y Chiarn. As haink daa vuc-awin woirryn ass y cheyll, ren raipey jees as da-eed jeu.

1 Recortyssyn 13:12

As va David ayns aggle roish Jee er y laa shen, gra, Kys s’loys dou arg Yee ’ghoaill thie hym?

1 Recortyssyn 15:13

Son er-yn-oyr nagh ren shiu shoh ec y toshiaght, ta’n Chiarn nyn Yee er n’yannoo brishey orrin, son nagh hir shin eh myr v’eh hene er harey.

Psalmyn 119:120

Ta my eill er-creau son aggle jeed’s: as ta mee fo atchim dty vriwnyssyn.

Psalmyn 64:9

As jir dy chooilley ghooinney hee eh, She Jee t’er n’yannoo shoh: son ver ad tastey dy nee eh yn obbyr echeysyn.

Jeremiah 5:14

Shen-y-fa shoh myr ta’n Chiarn, Jee ny flaunyssee, dy ghra, Er-yn-oyr dy vel shiu loayrt er yn aght shoh, cur-my-ner, neem’s my ghoan y yannoo ny aile ayns dty veeal, as y pobble shoh myr fuygh, as nee eh ad y stroie.

Ezekiel 11:13

As haink eh gy-kione, tra va mee er n’yannoo phadeyrys, dy dooar Pelatiah mac Venaiah baase: eisht huitt mee er my eddin, as deïe mee lesh ard-choraa, as dooyrt mee, Ah Hiarn Yee! vel oo jannoo slane jerrey er fooilliagh Israel?

Leviticus 10:3

Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

Jannoo 13:11

As nish cur-my-ner, ta laue yn Chiarn ort, as bee oo doal, cha vaik oo yn ghrian son earish. As chelleeragh huitt kay as dorraghys er; as hie eh mygeayrt rasey shirrey peccagh dy gholl ny chione.

Jannoo 2:43

As haink aggle er dy chooilley annym: as va ymmodee yindyssyn as cowraghyn jeant liorish ny ostyllyn.

Jannoo 5:13

As jeh’n vooinjer elley cha by-lhoys da dooinney erbee cheet stiagh orroo: agh va soiagh mooar jeant jeu liorish y pobble.

1 Corinthianee 4:21

Cre sailliu? jig-ym hiu lesh slatt, ny ayns graih, as ayns y spyrryd dy veenid.

2 Corinthianee 13:10

Shen-y-fa ta mee scrieu ny reddyn shoh, tra nagh vel mee mêriu, er-aggle tra hig-ym hiu, dy jean-ym shiu y smaghtaghey dy gyere cordail rish y phooar ta’n Chiarn er choyrt dooys son y vondeish [spyrrydoil,] as cha nee son yn assee eu.

2 Corinthianee 13:2

Dinsh mee diu roïe, as nish yn nah cheayrt ta mee coyrt raaue diu myr dy beign kionfenish, as nish nagh vel mee kionfenish, ta mee scrieu hucsyn ta roish shoh er n’yannoo peccah, as gys dy chooilley unnane elley, my hig-ym reesht, cha vow shiu foayr:

2 Corinthianee 7:11

Son cur-my-ner, yn red shoh hene, dy row shiu trimshagh lurg aght crauee, cre’n imnea ghooisht eh ayndiu, dy jarroo, cre’n seyrey j’iu hene, dy jarroo, cre’n jymmoose, dy jarroo, cre’n aggle, dy jarroo, cre’n yeearree aggindagh, dy jarroo, cre’n jeeanid, dy jarroo, cre’n kerraghey? ayns dy chooilley nhee ta shiu er phrowal shiu hene seyr ayns y chooish shoh.

Deuteronomy 13:11

As clinnee ooilley Israel jeh, as bee aggle orroo, as cha jean ad arragh lheid y peccah shoh, ny mast’ eu.

Deuteronomy 21:21

As nee ooilley deiney e ard-valley claghey eh dy baase: myr shen ver oo yn olk ersooyl veih ny mast’ eu, as nee ooilley Israel clashtyn as goaill aggle.

Joshua 22:20

Nagh row Achan mac Zerah kyndagh ’sy chooid mollaghtagh, as nagh huitt jymmoose er slane sheshaght Israel? cha nee eshyn ny-lomarcan v’er ny cherraghey son e vee-chairys.

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard-valley, as ayns y craa-thallooin v’er nyn stroie shiaght thousane dooinney: as v’adsyn va er-mayrn atchimagh, as hug ad gloyr da Jee t’ayns niau.

Ashlish 11:5

As my nee dooinney erbee aggair daue, ta aile cheet magh ass nyn meeal, dy stroie nyn noidyn: as my nee dooinney erbee aggair daue, shoh myr vees eh er ny choyrt dy baase.