Jannoo 5:4 - Yn Vible Casherick 1775 1819

⁴ Choud as ve dyn chreck, nagh row eh lhiat hene? as erreish da ve creckit, nagh row eh ayns dty phooar hene? cre’n-fa t’ou er smooinaghtyn er lheid y red ayns dty chree? cha nee gys deiney t’ou er n’yannoo breg, agh gys Jee.

Yn Conaant Noa 1810

⁴ Choud as ve dyn chreck, nagh row eh lhiat hene? as erreish da ve creckit, nagh row eh ayns dty phooar hene? cre’n‐fa t’ou er smooinaghtyn er lheid y red ayns dty chree? cha nee gys deiney t’ou er n’yannoo breg, agh gys Jee.

Jannoo 5:4 ပူးပေါင်းရင်းမြစ်များ

1 Recortyssyn 29:17

Ta fys aym myrgeddin, my Yee, dy vel oo prowal yn cree, as dy vel taitnys ayd ’syn ynrickys. Er my hon’s ayns ynrickys my chree ta mee dy aggindagh er hebbal ooilley’n stoyr shoh: as nish lesh boggey ta mee er vakin dty phobble ta kionfenish ayns shoh, chebbal hood’s dy arryltagh.

1 Recortyssyn 29:3

As, er-yn-oyr dy vel mee er hoiaghey my ghraih er thie my Yee, ta aym jeh my chooid hene er-lheh, airh as argid, ta mee er stowal er thie my Yee, harrish as erskyn ooilley ny ta mee er chiarail ro-laue son y thie casherick.

1 Recortyssyn 29:5

Yn airh son obbyr airh, as yn argid son obbyr argid, as son dy chooilley vonney dy obbyr dy ve jeant liorish laueyn deiney schleioil. As quoi-erbee eisht ta aggindagh, lhig da nish lhieeney e laue dy hebbal gys shirveish y Chiarn.

1 Recortyssyn 29:9

Eisht va’n pobble ayns ard-voggey son feoiltys nyn jebballyn, er-yn-oyr lesh cree ynrick, dy ren ad chebbal dy arryltagh gys y Chiarn: as ghow David y ree myrgeddin boggey erskyn towse.

Lioar Yob 15:35

T’ad gientyn olkys, as gymmyrkey magh fardalys, as ta nyn gree cur er y hoshiaght molteyrys.

Psalmyn 139:4

T’ou uss er my chummey cheu-chooylloo, as cheu-veealloo: as er choyrt dty laue orrym.

Psalmyn 7:14

T’eh er chiarail ny chour ny greinyn baaish: t’eh coyrt magh e hideyn noi ny tranlaasee.

Exodus 16:8

As dooyrt Moses, Shoh myr vees eh, tra ver y Chiarn diuish ec yn astyr feill dy ee, as ayns y voghrey nyn saie arran; son dy vel y Chiarn clashtyn y plaiynt ta shiu jannoo n’oï? as cre ta shinyn? cha nee noi ainyn ta’n plaiynt eu; agh noi’n Chiarn.

Exodus 35:29

Hug cloan Israel lhieu chebbal arryltagh da’n Chiarn; dy chooilley ghooinney as ben jeh cree feoilt, dy choyrt lhieu dy chooilley vonney d’obbyr, va’n Chiarn er harey liorish Moses, dy ve jeant.

Ecclesiastes 5:5

Ny share te, nagh jinnagh oo breearrey, na oo dy vreearrey, as dyn cooilleeney.

Isaiah 59:4

Agh cha vel unnane geamagh son cairys, ny pleadeil son yn ynrickys: t’ad treishteil ayns fardail, as loayrt breagyn; t’ad gientyn olkys, as gymmyrkey magh mee-chairys.

Ezekiel 38:10

Myr shoh ta’n Chiarn Jee dy ghra, Hig eh gy-kione myrgeddin ec y traa shen hene, dy jig smooinaghtyn ayns dty aigney, as gowee oo drogh-ourys.

Earrooyn 16:11

Er y choontey cheddin, ta chammah oo hene, as ooilley dty heshaght er nyn jaglym cooidjagh noi’n Chiarn: as cre ta Aaron, dy vel shiu plaiynt n’oï?

Noo Luke 10:16

Eshyn eaishtys riuish, t’eh geaishtagh rhym’s: as eshyn ta soiaghey beg jiuish, t’eh soiaghey beg jeem’s: as eshyn ta soiaghey beg jeem’s, t’eh soiaghey beg jehsyn ta er my choyrt.

Jannoo 5:3

Agh dooyrt Peddyr; Ananias, cre’n-fa ta Satan er lhieeney dty chree dy yannoo breg gys y Spyrryd Noo, liorish keiltyn ayrn jeh price y thallooin?

Jannoo 5:9

Eisht dooyrt Peddyr r’ee, Kys te dy dug shiu nyn goyrle dy cheilley er-chee dy yannoo molteyrys er Spyrryd y Chiarn? cur-my-ner ta ny cassyn ocsyn t’er n’oanluckey dty heshey ec y dorrys, as troggee ad uss magh.

1 Corinthianee 8:8

Agh cha vel bee dy voylley shin gys Jee: son edyr shin dy ee, cha vel shin ny share; ny edyr shin gyn gee, cha vel shin veg smessey.

1 Thessalonianee 4:8

Eshyn er-y-fa shen ta soiaghey beg, cha vel eh soiaghey beg jeh dooinney, agh jeh Jee, ta myrgeddin er choyrt dooinyn e Spyrryd casherick.

Philemon 1:14

Agh noi dt’aigney cha jinnin nhee erbee; nagh beagh dty aigney-mie myr êginit, agh dy arryltagh.

Jamys 1:15

Eisht tra ta saynt er ghientyn, t’eh gymmyrkey magh peccah: as ta peccah, tra te cooilleenit, gymmyrkey magh baase.

1 Samuel 8:7

As dooyrt y Chiarn rish Samuel, Cur raad da coraa yn pobble ayns ooilley ny t’ad dy ghra rhyt: son cha nee uss t’ad er yiooldey voue, agh mish, veih reill harrystoo.