Jannoo 5:39 - Yn Vible Casherick 1775 1819

³⁹ Agh my she veih Jee t’eh, cha jarg shiuish y chur mow eh; er-aggle dy daghyr diu eer dy chaggey noi Jee?

Yn Conaant Noa 1810

³⁹ Agh my she veih Jee t’eh, cha jarg shiuish y chur mow eh; er‐aggle dy daghyr diu eer dy chaggey noi Jee?

Jannoo 5:39 ပူးပေါင်းရင်းမြစ်များ

Genesis 24:50

Eisht dreggyr Laban as Bethuel, as dooyrt ad, Ta’n chooish shoh veih’n Chiarn: cha vod mayd gra n’oï.

2 Samuel 5:2

Myrgeddin roish nish, tra va Saul ny ree harrin, uss va ard-leeideilagh Israel: as dooyrt y Chiarn rhyt’s, Bee uss bochilley er my phobble Israel, as bee uss dty ard-chaptan harrish Israel.

1 Reeaghyn 12:24

Shoh myr ta’n Chiarn dy ghra, Cha jig shiu seose, chamoo nee shiu caggey noi nyn mraaraghyn cloan Israel: chyndaa-jee dy chooilley ghooinney gys e hie hene; son ta’n chooish shoh voym’s. Ren ad geaishtagh er-y-fa shen rish goo’n Chiarn, as hyndaa ad roue, cordail rish goo’n Chiarn.

2 Reeaghyn 19:22

Quoi t’ou uss er oltooaney, as er loayrt goan mollaghtagh n’oï, as quoi noi t’ou er n’ockley magh dty choraa, as dy mooaralagh er hroggal seose dty hooillyn? eer noi’n Jee Casherick Israel.

Lioar Yob 34:29

Tra t’eshyn cur shee, quoi eisht oddys jannoo anvea? as tra t’eh follaghey e eddin, quoi eisht oddys cur-my-ner eh? edyr eh ve jeant noi slane ashoon, ny noi dooinney ny-lomarcan:

Raaghyn Creeney 21:30

Cha vel creenaght, ny tushtey, ny coyrle, noi yn Chiarn.

Isaiah 43:13

Dy jarroo roish my row soilshey laa er ny chroo, va mish; as cha vel fer oddys livrey ass my laue: neem’s jannoo, as quoi lhiettys eh?

Isaiah 45:9

S’treih dasyn ta streeu rish e Er-croo! Lhig da’n shlig-craie streeu rish shligyn-craie y thallooin. Jean y chray gra rish y phasheyder, Cre t’ou dy yannoo? ny dty obbyr, Cha vel laueyn echey?

Isaiah 46:10

Soilshaghey yn jerrey veih’n toshiaght, as veih ny shenn earishyn ny reddyn nagh vel foast er daghyrt, gra, Nee my choyrle shassoo, as cooilleen-ym ooilley my aigney:

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Noo Mian 16:18

As ta mee myrgeddin gra rhyt, Dy nee uss Peddyr, as dy nee er y chreg shoh trog-ym’s my agglish: as cha vow giattyn niurin yn varriaght urree.

Noo Luke 21:15

Son ver-yms diu beeal as creenaght, nagh bee ooilley nyn noidyn son loayrt ny shassoo magh n’oï.

Jannoo 11:17

Son wheesh eisht as dy row Jee er choyrt dauesyn yn un ghioot hug eh dooinyn v’er chredjal ayns y Chiarn Yeesey Creest, quoi va mish, dy shassin magh noi Jee?

Jannoo 23:9

As va argane mooar er ny ghoostey: as dirree ny scrudeyryn va er paart ny Phariseeyn, as streeu ad, gra, Cha vel shinyn geddyn foill erbee ayns y dooinney shoh: agh my ta spyrryd ny ainle er loayrt rish, ny lhig dooin caggey noi Jee.

Jannoo 6:10

As cha row ad abyl shassoo magh noi yn chreenaght as y spyrryd v’eshyn loayrt lesh.

Jannoo 7:51

Shiuish chreoi-wannallee, as an-ghiarey-chymmyltee ayns cree as cleayshyn, ta shiu kinjagh shassoo magh noi yn Spyrryd Noo: myr va ny ayraghyn eu, myr shen ta shiuish.

Jannoo 9:5

As dooyrt eh, Quoi oo, Hiarn? As dooyrt y Chiarn, Mish Yeesey t’ou jannoo tranlaase er: S’doillee dhyt brebbal noi ny jilg.

1 Corinthianee 1:25

Son ta shen t’adsyn genmys ommijys Yee ny s’creeney na deiney; as annooinid Yee ny s’troshey na deiney.

1 Corinthianee 10:22

Vel shin brasnaghey yn Chiarn gys corree? vel shin ny s’troshey na eshyn?