Jannoo 5:31 - Yn Vible Casherick 1775 1819

³¹ Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Yn Conaant Noa 1810

³¹ Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Jannoo 5:31 ပူးပေါင်းရင်းမြစ်များ

Psalmyn 89:19

Son ta’n Chiarn nyn vendeilagh: ta’n Er Casherick dy Israel nyn Ree.

Psalmyn 89:24

Bwoaill-ym sheese e noidyn kiongoyrt rish yn eddin echey: as nee’m adsyn y stroie ta feoh oc ersyn.

Isaiah 43:11

Mish, dy jarroo mish, y Chiarn; as cheu-mooie jeem’s cha vel Saualtagh erbee.

Isaiah 43:3

Son mish y Chiarn dty Yee, Jee casherick Israel, dty Haualtagh: hug mee Egypt son dty choonrey, Ethiopia as Seba son dty eaysley.

Isaiah 45:21

Insh-jee, as cur-jee lhieu ad er-gerrey; dy jarroo, lhig daue coyrle y ghoaill ry-cheilley: quoi t’er hoilshaghey shoh er-dyn chenn earish? quoi t’er n’insh eh er-dyn traa shen? nagh vel mish yn Chiarn? as cha vel jee erbee elley agh mish; Jee cairal as Saualtagh; cha vel agh mee hene.

Isaiah 49:26

As ver-ym er dty hranlaasee dy n’ee ad yn eill oc hene; as dy bee ad er-meshtey lesh yn uill oc hene, myr lesh feeyn noa: as bee fys ec dy chooilley eill dy nee mish y Chiarn dty Haualtagh, as dty Er-kionnee, Fer-niartal Yacob.

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Ezekiel 17:24

As bee fys ec ooilley biljyn y vagher, dy nee mish y Chiarn, t’er lhieggal y billey ard, as t’er hroggal y billey injil, t’er fioghey yn billey glass, as er chur er y billey creen dy vlaaghey: mish y Chiarn t’er loayrt, as er chooilleeney eh.

Ezekiel 34:24

As mish y Chiarn vees yn Jee ocsyn, as bee my harvaant David prince nyn mastey, mish y Chiarn t’er loayrt eh.

Ezekiel 37:25

As nee ad cummal ayns y cheer, ta mish er choyrt da Jacob my harvaant, ynnyd-vaghee nyn ayraghyn, as ayns shen nee adsyn baghey, eer ad-hene, as nyn gloan, as cloan nyn glienney gys earishyn foddey beayn: as bee my harvaant David yn prince ocsyn dy bragh.

Daniel 10:21

Agh neem’s soilshaghey dhyt shen ta scruit ayns lioar yn ynrickys; as cha vel unnane ta niartaghey eh-hene mârym ayns ny cooishyn shoh, agh Michael yn prince euish.

Daniel 9:25

Gow tushtey er-y-fa shen, as jean toiggal; veih goll magh y sarey, dy yannoo ass-y-noa, as dy hroggal Jerusalem reesht, gys Messiah yn prince bee shiaght shiaghtinyn, as lurg three-feed shiaghtinyn as jees, bee’n straïd as y voalley er nyn droggal reesht, eer rish earishyn seaghnagh.

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.

Noo Mian 1:21

As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Mark 2:10

Agh dy vod fys y ve eu dy vel pooar ec Mac y dooinney er y thalloo dy leih peccaghyn (dooyrt eh rish y palsee-doghanit)

Noo Mark 4:12

Son fakin hee ad, agh cha der ad tastey, as clashtyn cluinnee ad, agh cha gow ad tushtey; er-aggle ec traa erbee dy beagh ad er nyn jyndaa, as dy beagh nyn beccaghyn er nyn leih daue.

Noo Luke 2:11

Son diuish t’er ny ruggey jiu ayns ard-valley Ghavid, Saualtagh, ta shen Creest yn Chiarn.

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Noo Ean 4:42

As dooyrt ad rish y ven, Nish ta shin credjal, cha nee son y raa ayd’s; son ta shin hene er chlashtyn eh, as ta fys ain, dy nee shoh dy jarroo yn Creest, Saualtagh y theihll.

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 13:23

Jeh sluight y dooinney shoh ta Jee, cordail rish e ghialdyn, er hroggal seose da Israel Saualtagh Yeesey:

Jannoo 2:33

Shen-y-fa myr t’eh er ny ghoaill seose liorish laue yesh Yee, as er gheddyn veih yn Ayr gialdyn yn Spyrryd Noo, t’eh er gheayrtey magh shoh ta shiuish nish fakin as clashtyn.

Jannoo 2:36

Shen-y-fa lhig da ooilley lught-thie Israel as fys y ve oc ayns shickyrys, dy vel Jee er n’yannoo Yeesey shen ta shiuish er chrossey, chammah Chiarn as Creest.

Jannoo 2:38

Eisht dooyrt Peddyr roo, Gow-jee arrys, as bee-jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 3:15

As ta shiu er varroo prince y vea, ren Jee y hroggal veih ny merriu; myr ta shinyn nyn veanishyn.

Jannoo 3:19

Gow-jee arrys er-y-fa shen, as chyndaa-jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Jannoo 3:26

Erreish da Jee v’er hroggal seose e vac Yeesey, hug eh hiuish eh hoshiaght dy nyn mannaghey liorish chyndaa dy chooilley unnane eu veih e vee-chraueeaght.

Jannoo 4:11

Shoh yn chlagh ren ny masoonee y vee-lowal, t’er jeet dy ve yn ard-chlagh chorneilagh.

2 Corinthianee 2:10

Dasyn ta shiuish leih nhee erbee, ta mish leih myrgeddin: son my leih mee red erbee, dasyn ren mish y leih eh, ve er y ghraih euish ayns lieh Chreest;

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Philippianee 3:20

Son ta cairys cummaltee ain ayns niau, veih ta shin myrgeddin jeeaghyn son yn Saualtagh, yn Chiarn Yeesey Creest:

Colossianee 1:14

Aynsyn ta feaysley ain trooid e uill, dy jarroo leih nyn beccaghyn;

Titus 1:4

Gys Titus my Vac hene lurg y chredjue cadjin: Grayse, myghin, as shee voish Jee nyn Ayr, as y Chiarn Yeesey Creest nyn Saualtagh.

Titus 2:10

Cha nee myngyraght, agh soilshaghey slane jeidjys firrinagh; dy vod ad soiaghey magh ynsagh Yee nyn Saualtagh ayns dy chooilley nhee.

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl-reeoil Yee.

Hebrewnee 2:10

Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard-reillyn, as pooaraghyn er nyn injillaghey.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

2 Peddyr 1:11

Son myr shoh bee fosley gloyroil jeant er nyn son, gys reeriaght dy bragh farraghtyn nyn Jiarn as Saualtagh Yeesey Creest.

2 Peddyr 2:20

Son lurg daue ve er haghney broïd y theihll trooid tushtey jeh’n Chiarn as Saualtagh Yeesey Creest, my t’ad reesht goit ’sy ribbey, as yn varriaght er ny gheddyn orroo; ta’n jerrey oc ny smessey na’n toshiaght.

2 Peddyr 3:18

Agh aase-jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.

1 Ean 4:14

As ta shin er vakin, as ta shin gymmyrkey feanish dy vel yn Ayr er choyrt yn Mac dy ve Saualtagh y theihll.

Jude 1:25

Gys yn ynrycan Jee creeney nyn Saualtagh, dy row gloyr as ard-ooashley, reill as pooar, nish as dy bragh. Amen.

Ashlish 1:5

As veih Yeesey Creest, yn feanish firrinagh, as y chied-er-ny-ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.