Jannoo 5:21 - Yn Vible Casherick 1775 1819

²¹ As tra cheayll ad shen, hie ad stiagh dy moghey ayns y chiamble, as dynsee ad. Agh haink yn ard-saggyrt as adsyn va mârish, as sumnee ad yn whuaiyl cooidjagh, as ooilley shanstyr cloan Israel, as hug ad fys gys y phryssoon dy chur ad stiagh kionfenish.

Yn Conaant Noa 1810

²¹ As tra cheayll ad shen, hie ad stiagh dy moghey ayns y chiamble, as dynsee ad. Agh haink yn ard‐saggyrt as adsyn va mârish, as symnee ad yn whuaiyl cooidjagh, as ooilley shanstyr cloan Israel, as hug ad fys gys y phryssoon dy chur ad stiagh kion fenish.

Jannoo 5:21 ပူးပေါင်းရင်းမြစ်များ

Psalmyn 105:22

Dy oardrail e phrinceyn lurg e aigney: as creenaght y ynsaghey da e ir-choyrlee.

Noo Mian 5:22

Agh ta mish gra riuish, Quoi-erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi-erbee jir rish e vraar, Raca: dy jig eh fo briwnys yn ard-whuaiyl: agh quoi-erbee jir, Uss ommydan, dy bee eh ayns gaue aile niurin.

Noo Luke 22:66

As cha leah as va’n laa rish, haink shanstyr yn phobble, as ny ard-saggyrtyn as ny scrudeyryn cooidjagh, as hug ad lhieu eh gys y choonceil oc,

Noo Ean 18:35

Dreggyr Pilate, Vel mish my Hew? she dty ashoon hene as ny ard-saggyrtyn t’er livrey oo seose hym’s: Cre t’ou er n’yannoo?

Noo Ean 8:2

As dy moghey laa-ny-vairagh hie eh reesht gys y chiamble, as haink ooilley yn pobble huggey; as hoie eh sheese, as dynsee eh ad.

Jannoo 22:15

Son bee oo yn feanish echeysyn gys dy chooilley ghooinney, jeh ny t’ou er vakin as er chlashtyn.

Jannoo 22:5

Myr ta’n ard-saggyrt hene gymmyrkey feanish lhiam, as slane quaiyl y chanstyr: voue hooar mee myrgeddin screeuyn gys ny braaraghyn, as hie mee gys Damascus, dy chur lhiam adsyn v’ayns shen, kianlt gys Jerusalem, dy v’er nyn gerraghey.

Jannoo 5:17

Eisht dirree yn ard-saggyrt as ooilley ny va mârish (v’ad jeh credjue ny Sadduceeyn) as v’ad lane dy yymmoose,

Jannoo 5:27

As tra v’ad oc kionfenish, hoie ad ad kiongoyrt rish y choonceil: as deysht yn ard-saggyrt ad,

Jannoo 5:34

Eisht hass seose ayns y choonceil Pharisee dy row va enmyssit Gamaliel, fer-ynsee jeh’n leigh, ayns ard-ghoo mastey ooilley yn pobble, as doardee eh ny ostyllyn dy ve currit magh son tammylt,

Jannoo 5:41

As hie ad magh veih fenish y choonceil, goaill boggey dy row ad coontit feeu dy hurranse nearey son yn ennym echey.