Jannoo 5:20 - Yn Vible Casherick 1775 1819

²⁰ Immee-jee, as shass-jee, as loayr-jee ayns y chiamble rish y pobble ooilley goan y vea shoh.

Yn Conaant Noa 1810

²⁰ Immee‐jee, as shass‐jee, as loayr‐jee ayns y chiamble rish y pobble ooilley goan y vea shoh.

Jannoo 5:20 ပူးပေါင်းရင်းမြစ်များ

Exodus 24:3

As haink Moses, as dinsh eh da’n pobble ooilley goan y Chiarn, as ooilley ny briwnyssyn: as dreggyr ooilley’n pobble lesh un choraa, as dooyrt ad, Da ooilley ny goan, ta’n Chiarn er loayrt, ver mayd biallys.

Isaiah 58:1

Yllee dy ard, ny lhig sheese dty ghoo; trog seose dty choraa myr trumpet, as soilshee da my phobble nyn ghrogh-yannoo, as da thie Yacob nyn beccaghyn.

Jeremiah 26:2

Myr shoh ta’n Chiarn dy ghra, Shass ayns cooyrt thie yn Chiarn, as loayr rish ooilley ard-valjyn Yudah, ta cheet dy ooashlaghey ayns thie yn Chiarn, ooilley ny goan, ta mee coyrt er dty churrym dy loayrt roo; ny lhig sheese fockle jeh:

Jeremiah 36:10

Eisht ren Baruch lhaih ass y lioar goan Yeremiah ayns thie yn Chiarn, ayns shamyr Ghemariah mac Shaphan y scrudeyr, ’sy chooyrt syrjey, liorish giat noa thie yn Chiarn, ayns clashtyn ooilley yn pobble.

Jeremiah 7:2

Shass ayns giat thie’n Chiarn, as jean fockley-magh ayns shen ny goan shoh, as abbyr, Clasht-jee goo yn Chiarn, ooilley shiuish sleih Yudah, ta goll stiagh er ny giattyn shoh dy chur ooashley da’n Chiarn:

Ezekiel 33:7

Myr shen uss, O vac y dooinney, ta mish er dty hoiaghey son arreyder da thie Israel: shen-y-fa clynnee oo yn goo veih my veeal’s, as cur raaue dauesyn voym’s.

Noo Mian 10:27

Shen ta mish dy insh diu ayns folliaght, fockle-jee shiuish magh eh dy foshlit: as shen ta shiu er chlashtyn myr hannish voym’s, jean-jee y phreacheil er mullagh ny dhieyn.

Noo Mian 21:23

As tra v’eh er jeet stiagh ayns y chiamble, haink ny ard-saggyrtyn as shanstyr yn phobble huggey myr v’eh gynsaghey, gra, Cre’n phooar t’ayd’s dy yannoo ny reddyn shoh? as quoi hug yn phooar shoh dhyt?

Noo Ean 12:50

As ta fys aym dy vel yn sarey echeysyn yn vea dy bragh beayn: cre-erbee er-y-fa shen ta mee dy loayrt, she myr ta’n Ayr er ghra rhym, eer myr shen ta mee loayrt.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Noo Ean 17:8

Son hug mish dauesyn ny goan hug uss dooys; as t’ad er ghoaill huc hene ad, as er hoiggal ayns shickyrys dy daink mee magh voïd’s, as t’ad er chredjal dy ren oo my choyrt.

Noo Ean 18:20

Dreggyr Yeesey eh, Loayr mee dy foshlit rish y theihll: dynsee mee kinjagh ayns y cheeill, as ayns y chiamble, raad ta ny Hewnyn kinjagh taaghey, as dy follit cha vel mee er ghra nhee erbee.

Noo Ean 6:63

She yn spyrryd ta bioghey, cha vel yn eill jannoo veg y vie: ny goan ta mish dy loayrt riu, t’ad spyrryd as t’ad bea.

Noo Ean 6:68

Eisht dreggyr Simon Peddyr eh, Hiarn, quoi gys hem mayd? ayd’s ta goan y vea veayn.

Jannoo 11:14

Eh nee goan y hoilshaghey dhyt, lioroo bee oo hene as ooilley dty hie er nyn sauail.

Jannoo 13:26

Gheiney as vraaraghyn, cloan kynney Abraham, as quoi-erbee ta nyn mast’ euish goaill aggle roish Jee, hiuish ta goo yn taualtys shoh er ny choyrt.