Jannoo 5:14 - Yn Vible Casherick 1775 1819

¹⁴ As ren earrooyn mooarey dy chredjuee chyndaa gys y Chiarn, chammah dy gheiney as dy vraane).

Yn Conaant Noa 1810

¹⁴ As ren earrooyn mooarey dy chredjuee chyndaa gys y Chiarn, chammah dy gheiney as dy vraane.)

Jannoo 5:14 ပူးပေါင်းရင်းမြစ်များ

2 Samuel 6:19

As rheynn eh er ooilley’n pobble, eer er slane sheshaght Israel, chammah mraane as deiney, da dagh unnane bwilleen arran, as peesh vie d’eill, as cappan feeyney: myr shen hie ooilley’n pobble rhymboo, dagh fer gys e hie hene.

Ezra 10:1

Nish, lurg da Ezra v’er ghoaill padjer, as er ghoaill rish yn peccah shoh, dobberan, as lhie er y thalloo, kiongoyrt rish thie Yee, haggil huggey ass Israel sheshaght feer vooar dy gheiney, as mraane, as cloan: son ren y pobble keayney dy sharroo.

Nehemiah 8:2

As hug Ezra yn saggyrt lesh y leigh kiongoyrt rish y cheshaght chammah dy gheiney as mraane, as ooilley ny va ec eash dy hoiggal, er y chied laa jeh’n chiaghtoo vee.

Exodus 35:22

As haink ad chammah deiney as mraane, whilleen as va jeh cree feoilt, as hug ad lhieu braceletyn, as fainaghyn-cleayshey, as fainaghyn, as broachyn, ooilley jewellyn airhey: as ren dy chooilley ghooinney chebbal oural airh gys y Chiarn.

Isaiah 45:24

Dy firrinagh nee fer gra, Ayns y Chiarn ta aym ynrickys as niart: eer huggeysyn nee deiney cheet; as bee ooilley ny ta fargagh n’oï er nyn goyrt gys nearey.

Jannoo 11:24

Son v’eh ny ghooinney mie, as lane jeh’n Spyrryd Noo, as jeh credjue; as ren ymmodee sleih chyndaa gys y Chiarn.

Jannoo 2:41

Eisht v’adsyn ren dy arryltagh goaill-rish e ghoo er nyn mashtey: as y laa cheddin haink three thousaneyn dy leih stiagh gys y chredjue Creestee.

Jannoo 2:47

Cur moylley da Jee, as ayns ard-ghoo rish ooilley yn pobble. As va’n Chiarn cur stiagh gys yn agglish gagh laa lheid as va shirrey son saualtys.

Jannoo 22:4

As ren mee tranlaase er y chredjue shoh gys y baase, kiangley as livrey gys pryssoonyn chammah deiney as mraane.

Jannoo 4:4

Ny-yeih ren ymmodee jeusyn credjal v’er chlashtyn y goo; as va earrooyn ny deiney mysh queig thousaneyn.

Jannoo 6:7

As ren goo Yee bishaghey; as daase earroo ny credjuee ny smoo as ny smoo ayns Jerusalem; as haink sheshaght vooar jeh ny saggyrtyn dy ve biallagh gys y chredjue.

Jannoo 8:12

Agh tra v’ad er chredjal Philip, preacheil ny reddyn va bentyn rish reeriaght Yee, as ennym Yeesey Creest, v’ad er nyn mashtey chammah deiney as mraane.

Jannoo 8:3

Agh ren Saul cragh jeh’n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

Jannoo 9:2

As hir eh veih screeunyn gys Damascus gys ny fir-reill, my yioghe eh veg jeh’n raad shen, edyr ad ve deiney ny mraane, dy chur lesh ad geulit gys Jerusalem.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Jannoo 9:35

As honnick ooilley cummaltee Lydda as Saron eh, as hyndaa ad gys y Chiarn.

Jannoo 9:42

As va shoh er ny hoilshaghey magh trooid ooilley Joppa; as ren ymmodee credjal ayns y Chiarn.

2 Corinthianee 6:15

As cre’n choardail t’ec Creest rish Belial? ny cre’n ayrn ta echeysyn ta credjal, marish an-chreestee?

Galatianee 3:28

Cha vel ny sodjey Hew ny Greek, cha vel sharvaant ny seyr, cha vel fyrrynagh ny bwoirrynagh; son ta shiu ooilley unnane ayns Creest Yeesey.