Jannoo 4:34 - Yn Vible Casherick 1775 1819

³⁴ Chamoo va laccal er unnane erbee nyn mast’ oc; son whilleen as va thieyn, ny thalloo oc, v’ad dyn greck ad, as cur lhieu feeagh yn chooid v’ad er chreck,

Yn Conaant Noa 1810

³⁴ Chamoo va laccal er unnane erbee nyn mast’ oc; son whilleen as va thieyn, ny thalloo oc, v’ad dyn greck ad, as cur lhieu feeagh yn chooid v’ad er chreck,

Jannoo 4:34 ပူးပေါင်းရင်းမြစ်များ

Noo Mian 19:21

Dooyrt Yeesey rish, My sailt ve dy firrinagh mie, immee, as creck, as cur ny t’ayd da ny boghtyn, as bee berchys ayd ayns niau; as tar as eiyr orrym’s.

Noo Mark 10:21

Eisht Yeesey, jeeaghyn dy ennoil er, dooyrt rish, Ta un red ort foast dy yannoo: immee royd, as creck ny t’ayd, as cur eh da ny boghtyn, as bee berchys ayd ayns niau; as tar, trog y chrosh, as eiyr orrym’s.

Noo Luke 12:33

Creck-jee ny t’eu, as cur-jee da ny boghtyn: kiare-jee diu hene sporranyn nagh n’aase shenn, berchys ayns ny niaughyn nagh vel failleil, raad nagh vel y maarliagh cheet er-gerrey, ny’n lhemeen cur mow.

Noo Luke 16:9

As ta mee gra riu, Jean-jee diu hene caarjyn liorish y mammon molteyragh; tra nee shiu failleil, dy vod ad shiu y ghoaill stiagh gys ny ynnydyn-vaghee dy bragh farraghtyn.

Noo Luke 22:35

As dooyrt eh roo, Tra hug mee shiu magh fegooish sporran, as spagey, as braagyn, row nhee erbee dy laccal erriu? As dooyrt ad, Cha row nhee erbee.

Jannoo 2:45

As chreck ad nyn gummallyn as nyn gooid, as rheynn ad er dy chooilley ghooinney rere nyn ymmyrch.

Jannoo 4:37

Ren yn thalloo v’echey y chreck, as hug eh lesh yn argid, as lhie eh sheese eh ec cassyn ny hostyllyn.

2 Corinthianee 8:14

Agh liorish corrymid, ec y traa t’ayn nish dy vod yn phalchey euish jannoo feaysley er y feme ocsyn, as dy vod yn phalchey ocsyn myrgeddin jannoo feaysley er y feme euish, dy vod yn errey ve co-trome,

Deuteronomy 2:7

Son ta’n Chiarn dty Yee er dty vannaghey, ayns ooilley obbraghyn dty laue: shione da dty immeeaght trooid yn aasagh mooar shoh: rish da-eed bleïn nish, ta’n Chiarn dty Yee er ve mayrt, cha r’ou feme nhee erbee.

1 Thessalonianee 4:12

Dy jean shiu gymmyrkey shiu-hene dy onneragh hucsyn ta cheu-mooie, as nagh bee shiu feme nhee erbee.

1 Timothy 6:19

Coyrt seose ayns stoyr nyn gour oc hene undin mie ry-hoi yn traa ta ry-heet, dy vod ad greme y ghoaill er y vea veayn.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.