Jannoo 4:30 - Yn Vible Casherick 1775 1819

³⁰ Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

Yn Conaant Noa 1810

³⁰ Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

Jannoo 4:30 ပူးပေါင်းရင်းမြစ်များ

Exodus 6:6

Shen-y-fa, abbyr rish cloan Israel, Mish y Chiarn, as ver-ym lhiam shiu magh veih fo errey ny Egyptianee, as livrey-ym shiu veih’n bondiaght oc: as lesh roih sheeynt magh, as lesh briwnyssyn trome, ver-ym feaysley diu.

Jeremiah 15:15

O Hiarn, t’ou uss toiggal: cooinee, as jeeagh orrym, as gow cooilleeney jeh my hranlaasee er my hon; ny gow mee ersooyl ayns dty hurranse-foddey: cooinee dy nee er dty ghraih’s ta mee er hurranse oghsan.

Noo Ean 4:48

Eisht dooyrt Yeesey rish, Mannagh vaik shiu cowraghyn as yindyssyn, cha jean shiu credjal.

Jannoo 2:22

Gheiney Israel, eaisht-jee rish ny goan shoh; Yeesey dy Nazareth, dooinney ren Jee soiaghey jeh nyn mast’ eu, liorish mirrilyn, as yindyssyn as cowraghyn, dobbree Jee liorishyn ayns yn enish eu, myr s’mie fys myrgeddin eu hene:

Jannoo 2:43

As haink aggle er dy chooilley annym: as va ymmodee yindyssyn as cowraghyn jeant liorish ny ostyllyn.

Jannoo 3:13

She Jee Abraham, as Isaac, as Jacob, Jee ny ayraghyn ain t’er ghloyraghey e Vac Yeesey; ren shiuish y livrey seose as y obbal ayns fenish Pilate, tra v’eh kiarit y raad y lhiggey da.

Jannoo 3:16

As yn ennym echeysyn trooid credjue ayns yn ennym cheddin t’er chur niart da’n dooinney shoh, ta shiu dy akin, as er ta enney eu: dy jarroo, she credjue aynsyn t’er n’obbraghey yn couyr breeoil shoh ersyn ’syn enish eu ooilley.

Jannoo 3:6

Eisht dooyrt Peddyr, Argid as airh cha vel aym, agh lheid as t’aym ta mee dy chur dhyt: Ayns ennym Yeesey Creest dy Nazareth, irree seose as shooill.

Jannoo 4:10

Lhig da fys y ve euish ooilley, as ec ooilley pobble Israel, dy nee liorish ennym Yeesey Creest dy Nazareth, ren shiuish y chrossey, eh ren Jee y hroggal veih ny merriu, dy jarroo liorishyn ta’n dooinney shoh ta ny hassoo kiongoyrt riu er n’gheddyn slane couyr.

Jannoo 4:27

Son ayns firrinys noi dty lhiannoo casherick Yeesey, t’ou er ny ooilaghey, va chammah Herod as Pontius Pilate marish ny Ashoonee as pobble Israel er nyn jaglym cooidjagh,

Jannoo 5:12

As liorish laueyn ny hostyllyn va ymmodee cowraghyn as yindyssyn er nyn yannoo mastey’n pobble; (as v’ad ooilley lesh un aigney ayns porch Solomon.

Jannoo 6:8

As va Steaon lane dy ghrayse as dy phooar, as ren eh yindyssyn mooarey as mirrilyn mastey’n pobble.

Deuteronomy 4:34

Ny vel Jee erbee elley er ghoaill er, dy reih da hene ashoon ass mean ashoon elley, liorish prowallyn, liorish cowraghyn, as mirrilyn, as liorish caggey, as lesh laue niartal, as lesh roih sheeynt magh, as lesh atchimyn mooarey, cordail rish ooilley ny ren y Chiarn nyn Yee er nyn son ayns Egypt, kiongoyrt rish nyn sooillyn?