Jannoo 4:27 - Yn Vible Casherick 1775 1819

²⁷ Son ayns firrinys noi dty lhiannoo casherick Yeesey, t’ou er ny ooilaghey, va chammah Herod as Pontius Pilate marish ny Ashoonee as pobble Israel er nyn jaglym cooidjagh,

Yn Conaant Noa 1810

²⁷ Son ayns firrinys noi dty lhiannoo casherick Yeesey, t’ou er ny ooillaghey, va chammah Herod as Pontius Pilate marish ny Ashoonee as pobble Israel er nyn jaglym cooidjagh,

Jannoo 4:27 ပူးပေါင်းရင်းမြစ်များ

Lioar Yob 14:4

Quoi oddys red glen y chur lesh ass red neu-ghlen? cha vod fer erbee.

Lioar Yob 15:14

Cree ta dooinney, eh dy ve glen? ny eshyn t’er ny ruggey jeh ben, dy ve cairagh?

Lioar Yob 25:4

Cre’n saase eisht t’ee dooinney dy v’er ny heyrey roish Jee? ny kys oddys eshyn ve glen ta ben er ruggey?

Psalmyn 2:2

Ta reeaghyn y thallooin troggal seose, as ta ny fir-reill goaill coyrle cooidjagh: noi’n Chiarn, as noi’n fer-ooilit echey.

Psalmyn 2:6

Agh ta mish er hoiaghey seose my Ree: er Sion my chronk casherick.

Psalmyn 45:7

Ta dty stoyl, O Yee, farraghtyn son dy bragh: ta lorg-reill dty reeriaght lorg-reill chairagh.

Isaiah 37:26

Nagh vel uss er chlashtyn foddey er-dy-henney, kys ta mish er n’yannoo eh; as er-dyn chenn earish, kys ta mish er oardrail eh? nish ta mee er chooilleeney eh, dy beagh uss ry-hoi stroie ard-valjyn voallit gys tholtanyn traartagh.

Isaiah 49:7

Myr shoh ta’n Chiarn, Saualtagh Israel, dy ghra, as e Er-casherick, rishyn ta sleih soiaghey beg jeh, rishyn ta dwoaie yn ashoon, rish sharvaant dy ir-reill; Ver reeaghyn my-ner as troggee ad orroo; princeyn myrgeddin, as ver ad ooashley, er graih yn Chiarn, yn Er ynrick, as Jee casherick Israel, as nee eh uss y reih.

Isaiah 53:3

T’eh beg soit jeh as obbit liorish deiney; dooinney dy hrimshey, as taaghit gys seaghyn: as dollee shin myr dy beagh eh nyn eddinyn veih; v’eh dwoaiagh dooin, as cha ren shin veg y scansh jeh.

Isaiah 61:1

Ta Spyrryd y Chiarn Jee orrym; er-yn-oyr dy vel y Chiarn er m’ooilaghey dy phreacheil naightyn mie da ny imlee: t’eh er my choyrt dy lheihys ny creeaghyn brisht, dy ockley magh reamys da ny cappee, as fosley’n phryssoon da ny geuleydee;

Noo Mian 14:1

Ec y traa shen cheayll Herod yn Tetrarch jeh goo Yeesey,

Noo Mian 14:3

Son va Herod er ghoaill Ean, as er choyrt eh ayns geulaghyn ’sy phryssoon, er coontey Herodias ben e vraar Philip.

Noo Mian 14:6

Agh er y laa v’er ny reayll corrym rish y laa ruggyr Herod, ghaunse inneen Herodias ayns yn enish oc, as ghow Herod lane boggey j’ee.

Noo Mian 21:28

Agh cre ta shiu dy smooinaghtyn? Va dooinney dy row as daa vac echey, as haink eh gys yn er shinney, as dooyrt eh, Vac, Immee as obbree jiu ayns my gharey-feeyney.

Noo Mian 23:37

O Yerusalem, Yerusalem, uss ta cur dy baase ny phadeyryn, as claghey adsyn t’er nyn goyrt er chaghteraght hood, cre cha mennick as va mish aggindagh v’er haglym dty chloan cooidjagh, myr ta kiark goaill stiagh e heïn, fo my skianyn, as cha jinnagh shiu!

Noo Mian 27:2

As erreish daue v’er chiangley eh, leeid ad eh ersooyl, as livrey ad eh gys Pontius Pilate yn kiannoort.

Noo Mark 10:33

Gra, Cur-my-ner, ta shin goll seose gys Jerusalem, as bee Mac y dooinney er ny livrey gys ny ard-saggyrtyn, as gys ny scrudeyryn: as nee ad eh y gheyrey dy baase, as livreyee ad eh gys ny Ashoonee.

Noo Mark 15:31

Er yn aght cheddin neesht ren ny ard-saggyrtyn craidey mysh, gra ny mast’ oc hene marish ny scrudeyryn, Haue eh feallagh elley, agh eh-hene cha vod eh sauail.

Noo Luke 1:35

As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er-syrjey er ny skeayley harryd: shen-y-fa bee yn sluight chasherick shen ver oo son y theihll, enmyssit Mac Yee.

Noo Luke 22:63

As ren ny deiney v’er ghoaill Yeesey gannidys er, as y woalley eh.

Noo Luke 23:1

As dirree yn slane sheshaght jeu, as hug ad lhieu eh gys Pilate.

Noo Luke 4:18

Ta spyrryd y Chiarn orrym’s, er-y-fa dy vel eh er my ooilaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome-chreeagh, dy phreacheil livrey-ys gys ny cappeeyn, dy chur soilshey da ny doail, as reamys dauesyn ta broojit,

Noo Luke 9:22

Gra, Shegin da Mac y dooinney ymmodee reddyn y hurranse, as ve beg soit jeh liorish y chanstyr, as ny ard-saggyrtyn, as ny scrudeyryn, as ve er ny varroo, as girree reesht yn trass laa.

Noo Ean 1:11

Haink eh gys e vooinjer hene, agh cha ren e vooinjer hene soiaghey jeh.

Noo Ean 10:36

Vel shiu gra mychione-syn ta’n Ayr er chasherickey, as er choyrt gys y theihll, T’ou loayrt goan mollaghtagh; er-yn-oyr dy dooyrt mee, She Mac Yee mee?

Noo Ean 18:28

Eisht hug ad lhieu Yeesey veih Caiaphas gys halley ny briwnys: as ve moghey, as cha jagh ad-hene stiagh ayns halley ny briwnys, er-aggle dy beagh ad an-chasherick; as nagh voddagh ad yn Eayn-caisht y ee.

Noo Ean 18:29

Hie Pilate eisht magh huc, as dooyrt eh, Cre ta shiu dy chur gys lieh yn dooinney shoh?

Noo Ean 19:34

Agh ren fer jeh ny sidooryn lesh shleiy yn lhiattee echey y hoylley, as chelleeragh haink magh ass fuill as ushtey.

Jannoo 10:38

Kys dy ren Jee Yeesey dy Nazareth y ooilaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh-spyrryd: son va Jee mârish.

Jannoo 2:27

Er-y-fa nagh vaag oo my annym ayns stayd ny merriu, as nagh lhig oo da dty Er-casherick loauys y ennaghtyn.

Jannoo 4:30

Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

Hebrewnee 7:26

Son va lheid yn ard-saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;