Jannoo 4:23 - Yn Vible Casherick 1775 1819

²³ As erreish da’n raad ve lhiggit daue, hie ad gys nyn sheshaght hene, as hug ad coontey daue jeh ooilley ny va ny ard-saggyrtyn as y chanstyr er ghra.

Yn Conaant Noa 1810

²³ As erreish da’n raad va lhiggit daue, hie ad gys nyn sheshaght hene, as hug ad coontey daue jeh ooilley ny va ny ard‐saggyrtyn as y chanstyr er ghra.

Jannoo 4:23 ပူးပေါင်းရင်းမြစ်များ

Psalmyn 119:63

Ta mee my heshey dauesyn ooilley ta goaill aggle royd: as ta freayll dty annaghyn.

Psalmyn 16:3

Ta ooilley my haitnys er ny nooghyn t’er y thalloo: as er nyn lheid as ta dy firrinagh crauee.

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Malachi 3:16

Eisht loayr adsyn, va goaill aggle roish y Chiarn, dy mennick ry-cheilley, as deaisht y Chiarn, as cheayll eh, as va lioar imraa scruit kiongoyrt rish, er y hon ocsyn va goaill aggle roish y Chiarn, as va gimraa er e ennym.

Jannoo 16:40

As tra v’adsyn er jeet ass y phryssoon, hie ad stiagh ayns thie Lydia: as erreish daue v’er vakin ny braaraghyn, ren ad y gherjaghey ad, as jimmee ad rhymboo.

Jannoo 4:22

Son va’n dooinney erskyn da-eed bleïn dy eash, er va’n mirril shoh dy lheihys er ny yannoo.

Jannoo 4:24

As tra cheayll ad shen, hrog ad seose nyn goraa gys Jee lesh un aigney, as dooyrt ad, Hiarn, uss yn Jee t’er chroo niau as thalloo, as y faarkey, as ooilley ny t’ayndoo;