Jannoo 4:22 - Yn Vible Casherick 1775 1819

²² Son va’n dooinney erskyn da-eed bleïn dy eash, er va’n mirril shoh dy lheihys er ny yannoo.

Yn Conaant Noa 1810

²² Son va’n dooinney erskyn da‐eed blein dy eash, er va’n mirril shoh dy lheihys er ny yannoo.

Jannoo 4:22 ပူးပေါင်းရင်းမြစ်များ

Noo Mian 9:20

(As cur-my-ner haink ben cheu e chooylloo, va doghanit lesh roie-folley rish daa vleïn jeig, as venn ee rish oirr e gharmad.

Noo Luke 13:11

As cur-my-ner va ben ayns shen seaghnit lesh spyrryd doghanagh rish hoght bleeaney jeig, as v’ee crybbit dy cheilley, as cha dod ee er aght erbee ee hene y yeeraghey.

Noo Ean 5:5

As va ayns shen dooinney dy row, va doghan er ve er rish hoght bleeaney jeig as feed.

Noo Ean 9:1

As myr va Yeesey goll shaghey, honnick eh dooinney v’er ny ruggey doal.

Jannoo 3:2

As va dooinney dy row va baccagh veih breïn e vayrey, er ny hroggal, as currit ny lhie gagh laa ec y ghiat shen jeh’n chiamble, ta enmyssit Aalin, dy hirrey jeirk orroosyn va goll stiagh ayns y chiamble.

Jannoo 4:21

Myr shen lesh baggyrt sodjey orroo, lhig ad y raad daue, tra nagh daink lhieu nyn gerraghey ad, kyndagh rish y pobble: son va dy chooilley ghooinney gloyraghey Jee son ny v’ad er n’yannoo.

Jannoo 4:23

As erreish da’n raad ve lhiggit daue, hie ad gys nyn sheshaght hene, as hug ad coontey daue jeh ooilley ny va ny ard-saggyrtyn as y chanstyr er ghra.

Jannoo 9:33

As ayns shen hooar eh dooinney dy row va enmyssit Eneas, v’er chummal e lhiabbee rish hoght bleeaney, ayns y phalsee.