Jannoo 4:20 - Yn Vible Casherick 1775 1819

²⁰ Son cha vod shinyn agh loayrt shen ny ta shin er vakin as er chlashtyn.

Yn Conaant Noa 1810

²⁰ Son cha vod shinyn agh loayrt shen ny ta shin er vakin as er chlashtyn.

Jannoo 4:20 ပူးပေါင်းရင်းမြစ်များ

2 Samuel 23:2

Loayr Spyrryd y Chiarn liorym’s, as va e ghoan ayns my hengey.

Jeremiah 1:7

Agh dooyrt y Chiarn rhym, Ny abbyr, Cha vel mee agh scollag: son hed oo hucsyn ooilley ver-ym oo er chaghteraght, as cre-erbee ver-yms er dty churrym, shen loayrys oo.

Jeremiah 20:9

Eisht dooyrt mee, Cha jean-yms genmys eh, chamoo loayr-ym arragh ’syn ennym echey: agh va e ghoo ayns my chree myr aile lossey jeight seose ayns my chraueyn; ve pian dou dy phlooghey eh, as cha row niart aym dy reayll eh fo.

Jeremiah 4:19

My veeghyn, my veeghyn! ta mee guint, eer ec my chree; ta my chree jannoo feiyr cheu-sthie jee’m: cha voddym ve my host, son t’ou er chlashtyn, O my annym, sheean y trumpet, yn larm-caggee.

Jeremiah 6:11

Shen-y-fa ta mee lane jeh eulys y Chiarn; te pian dou dy lhiettal eh: deayrt-ym magh eh er y chloan dy lhean, as er co-chruinnaght ny deiney aegey; son bee eer y dooinney marish e ven goit ersooyl, eshyn t’ayns slane eash mârishyn ta lane dy laghyn.

Ezekiel 3:11

As immee, gow royd hucsyn jeh’n chappeeys, gys cloan dty phobble, as abbyr roo, as insh daue, Myr shoh ta’n Chiarn Jee dy ghra, lhig daue geaishtagh, ny gyn geaishtagh.

Amos 3:8

Ta’n lion er vuirroogh, quoi nagh gow aggle? ta’n Chiarn Jee er loayrt, quoi nagh jean phadeyrys?

Micah 3:8

Agh dy firrinagh ta mish ayns slane bree liorish spyrryd y Chiarn, as lesh briwnys, as lesh niart, dy hoilshaghey da Jacob e vee-chairys, as da Israel e pheccah.

Earrooyn 22:38

As dooyrt Balaam rish Balak, Cur-my-ner, nish dy vel mee er jeet hood: vel eh ayns y phooar aym’s nish dy ghra nhee erbee? yn fockle ver Jee ayns my veeal, shen nee’m loayrt.

Earrooyn 23:20

Cur-my-ner, ta mee er my harey dy vannaghey; as t’eh er vannaghey, as cha voddym’s caghlaa eh.

Noo Luke 1:2

Eer myr hoilshee ad dooinyn ad, va er-dyn toshiaght nyn veanishyn sooilley as nyn shirveishee jeh’n ghoo.

Jannoo 1:22

Goaill toshiaght veih bashtey Ean derrey’n laa v’eh er ny ghoaill seose voïn, shegin da fer ve ny eanish mârin jeh’n irree-seose-reesht echey.

Jannoo 1:8

Agh yiow shiu pooar veih’n Spyrryd Noo hig erriu: as bee shiu nyn veanishyn dooys chammah ayns Jerusalem, as ayns ooilley Judea, as ayns Samaria, as gys ny ardjyn sodjey magh jeh’n theihll.

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Jannoo 2:32

Shoh yn Yeesey cheddin ta Jee er hroggal seose, myr ta shinyn ooilley nyn veanishyn.

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Jannoo 22:15

Son bee oo yn feanish echeysyn gys dy chooilley ghooinney, jeh ny t’ou er vakin as er chlashtyn.

Jannoo 3:15

As ta shiu er varroo prince y vea, ren Jee y hroggal veih ny merriu; myr ta shinyn nyn veanishyn.

Jannoo 5:32

As ta shinyn ny feanishyn echey jeh ny ta shin dy insh diu, as myrgeddin yn Spyrryd Noo, ta Jee er choyrt dauesyn ta ayns biallys da.