Jannoo 4:19 - Yn Vible Casherick 1775 1819

¹⁹ Agh dreggyr Peddyr as Ean, as dooyrt ad roo, My te cairagh ayns shilley Yee dooinyn dy ve ny s’biallee diuish na da Jee, foddee shiu hene briwnys.

Yn Conaant Noa 1810

¹⁹ Agh dreggyr Peddyr as Ean, as dooyrt ad roo, My te cairagh ayns shilley Yee dooinyn dy ve ny s’biallee diuish na da Jee, foddee shiu hene briwnys.

Jannoo 4:19 ပူးပေါင်းရင်းမြစ်များ

1 Reeaghyn 12:30

As haink yn red shoh dy ve oyr peccah: son hie’n pobble dy chur ooashley kiongoyrt rish yn derrey yeh jeu, eer gys Dan.

1 Reeaghyn 13:19

Myr shoh hie eh back mârish, as d’ee eh arran ayns e hie, as diu eh ushtey.

1 Reeaghyn 14:16

As livreyee eh Israel seose, kyndagh rish peccaghyn Yeroboam, eh ren peccah, as hayrn Israel gys peccah.

1 Reeaghyn 21:11

As ren deiney yn ard-valley echey, eer yn chanstyr as ny deiney ooasle, cummaltee yn ard-valley, myr va Jezebel er chur roue, as myr ve ayns ny screeunyn v’ee er chur huc:

1 Reeaghyn 22:14

As dooyrt Micaiah, Myr ta’n Chiarn bio, cre-erbee jir y Chiarn rhym’s, shen neem’s loayrt.

2 Reeaghyn 16:15

As doardee ree Ahaz Urijah yn saggyrt, gra, Er yn altar vooar cheb-jee oural-losht y voghrey, as oural-arran yn astyr, as oural-losht y ree, as yn oural-arran echey, marish oural-losht pobble ny cheerey, as yn oural-arran, as yn oural-feeyney oc; as spreih er ooilley fuill yn oural-losht, as ooilley fuill dagh oural: as bee yn altar prashey my chour hene dy vriaght liorish.

2 Reeaghyn 16:16

Myr shoh ren Urijah yn saggyrt, cordail rish ooilley ny va ree Ahaz er harey.

Psalmyn 58:1

Vel nyn aignaghyn soit er cairys, O shiuish phobble: as vel shiu briwnys shen ta cairagh, O shiuish cloan gheiney?

Exodus 1:17

Agh va ny mraane-reaylt ayns aggle Yee, as cha ren ad myr doardee ree Egypt daue, agh haue ad ny lhiennoo-mec bio.

Jeremiah 26:12

Eisht loayr Jeremiah rish ooilley ny princeyn, as rish ooilley’n pobble, gra, Hug y Chiarn mee dy adeyrys noi’n thie shoh, as noi’n ard-valley shoh, ooilley ny goan ta shiu er chlashtyn.

Daniel 3:18

Agh mannagh jean, lhig fys y ve ayd’s, O ree, nagh jean mayd ny jeeghyn ayd’s y hirveish, ny ooashley y choyrt da’n jalloo airh shen, t’ou uss er hoiaghey seose.

Daniel 6:10

Nish tra hoig Daniel dy row ny screeuyn signit, hie eh stiagh gys e hie, as e uinniagyn ayns e hiamyr foshlit lesh Jerusalem, hie eh er e ghlioonyn three keayrtyn ’sy laa, as ghow eh padjer, as hug eh booise kiongoyrt rish e Yee, myr bollagh eh.

Hosea 5:11

Ta Ephraim broojit as brisht ayns briwnys: er-yn-oyr dy jimmee ad dy arryltagh lurg drogh choyrle.

Amos 7:16

Nish er-y-fa shen, eaisht uss rish goo yn Chiarn: t’ou gra, Ny jean phadeyrys noi Israel, as ny lhig fockle voïd noi thie Isaac.

Micah 6:16

Son ta slattyssyn Omri freilt, as ooilley cliaghtaghyn thie Ahab, as ta shiu gimmeeaght lurg ny coyrleyn ocsyn, dooys dy yannoo uss dty hraartys, as dty chummaltee son faghid; shen-y-fa nee shiu gymmyrkey oltooan my phobble.

Noo Mian 22:21

Dooyrt adsyn rish, Cesar. Eisht dooyrt eh roo, Eeck-jee er-y-fa shen da Cesar shen ny ta lesh Cesar: as da Jee, shen ny ta lesh Jee.

Noo Luke 22:8

As hug eh magh Peddyr as Ean, gra, Immee-jee, as aarlee-jee yn Eayn-caisht dy vod mayd gee.

Noo Ean 7:24

Ny jean-jee briwnys rere yn caslys, agh jean-jee briwnys cairagh.

Jannoo 4:13

Nish tra hug ad my-ner dunnallys Pheddyr as Ean, as hoig ad nagh row ad agh deiney boght gyn-ynsagh, va yindys orroo, as hooar ad magh neesht dy row ad jeh fir-eiyrtee Yeesey.

Jannoo 5:28

Gra, Nagh dug shinyn sarey gyere diu, gyn shiu dy ynsaghey ayns yn ennym shoh? as cur-my-ner, ta shiu er lhieeney Jerusalem lesh yn ynsagh eu, as kiarail tayrn orrin loght fuill y dooinney shoh.

Jannoo 5:29

Eisht dansoor Peddyr as ny ostyllyn elley, gra, S’cair dooin ve ny s’biallee da Jee na da deiney.

1 Corinthianee 10:15

Ta mee loayrt myr rish deiney creeney: briwnys-jee hene ny ta mee dy ghra.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

Ephesianee 6:1

Chloan, cur-jee biallys da nyn ayraghyn ayns y Chiarn: son ta shoh cairagh.

1 Timothy 2:3

Son ta shoh mie as booisal ayns shilley Yee nyn saualtagh:

Hebrewnee 11:23

Liorish credjue va Moses tra ruggyr eh, keillit three meeghyn liorish e ayr as e voir, er-yn-oyr dy vaik ad dy row eh ny lhiannoo aalin; as cha row aggle orroo roish sarey’n ree.

Jamys 2:4

Cha vel shiu eisht jannoo briwnys kiart nyn mast’ eu hene, agh jannoo shiu hene briwnyn neu-chorrym.