Jannoo 4:17 - Yn Vible Casherick 1775 1819

¹⁷ Agh dy lhiettal shoh veih skeayley magh ny-sodjey mastey yn pobble, lhig dooin baggyrt dy gyere orroo, nagh loayr ad maghey shoh rish dooinney erbee ayns yn ennym shoh.

Yn Conaant Noa 1810

¹⁷ Agh dy lhiettal shoh veih skeayley magh ny‐sodjey mastey yn pobble, lhig dooin baggyrt dy gyere orroo, nagh loayr ad maghey shoh rish dooinney erbee ayns yn ennym shoh.

Jannoo 4:17 ပူးပေါင်းရင်းမြစ်များ

Jeremiah 38:4

Er-y-fa shen dooyrt ny princeyn rish y ree, Ta shin guee ort, lhig da’n dooinney shoh ve currit gy-baase: son myr shoh, t’eh gannooinaghey laueyn ny deiney-caggee ta er-mayrn ’syn ard-valley, as laueyn ooilley’n pobble, ayns loayrt lheid ny goan roo: son cha vel eh shoh shirrey foays y phobble, agh yn assee oc.

Amos 2:12

Agh hug shiu er ny Nazariteyn giu feeyn, as hug shiu ny phadeyryn fo harey, gra, Ny jean-jee phadeyrys.

Noo Mian 27:64

Cur sarey er-y-fa shen yn oaie dy ve jeant shickyr, derrey yn trass laa, er-aggle dy jig e ostyllyn ayns yn oie, as dy geid ad eh ersooyl, as dy jir ad rish yn pobble, T’eh er n’irree veih ny merriu: myr shen bee yn molteyrys s’jerree ny smessey na’n chied volteyrys.

Noo Mian 9:30

As va ny sooillyn oc er nyn vosley, as hug Yeesey currym gyere orroo, gra, Jeeagh-jee nagh vow dooinney erbee fys er.

Noo Ean 15:21

Agh dy chooilley nhee jeu shoh nee ad riu kyndagh rish yn ennym aym’s, er-y-fa nagh vel enney oc ersyn t’er my choyrt.

Jannoo 4:21

Myr shen lesh baggyrt sodjey orroo, lhig ad y raad daue, tra nagh daink lhieu nyn gerraghey ad, kyndagh rish y pobble: son va dy chooilley ghooinney gloyraghey Jee son ny v’ad er n’yannoo.

Jannoo 5:24

Nish tra cheayll yn ard-saggyrt as captan y chiamble as ny ard-saggyrtyn elley ny goan shoh, v’ad fo imnea cre’n erree harragh er y chooish shoh.

Jannoo 5:28

Gra, Nagh dug shinyn sarey gyere diu, gyn shiu dy ynsaghey ayns yn ennym shoh? as cur-my-ner, ta shiu er lhieeney Jerusalem lesh yn ynsagh eu, as kiarail tayrn orrin loght fuill y dooinney shoh.

Ephesianee 6:9

As shiuish vainshteryn, jean-jee lheid cheddin roosyn, shaghney baggyrt: toiggal shoh, dy vel mainshter eu hene myrgeddin ayns niau, chamoo t’eh jannoo soiagh jeh persoonyn.

1 Thessalonianee 1:8

Son veueish hie feiyr goo yn Chiarn magh, cha nee ny-lomarcan ayns Macedonia as Achaia; agh myrgeddin ayns dy chooilley voayl ta’n credjue euish ayns Jee er ny skeayley dy lhean, myr shen nagh lhiass dooin cheet harrish.

1 Peddyr 2:23

Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh-hene y hymney huggeysyn ta briwnys dy cairagh: