Jannoo 4:13 - Yn Vible Casherick 1775 1819

¹³ Nish tra hug ad my-ner dunnallys Pheddyr as Ean, as hoig ad nagh row ad agh deiney boght gyn-ynsagh, va yindys orroo, as hooar ad magh neesht dy row ad jeh fir-eiyrtee Yeesey.

Yn Conaant Noa 1810

¹³ Nish tra hug ad my‐ner dunnallys Pheddyr as Ean, as hoig ad nagh row ad agh deiney boght gyn‐ynsagh, va yindys orroo, as hooar ad magh neesht dy row ad jeh fir‐eiyrtee Yeesey.

Jannoo 4:13 ပူးပေါင်းရင်းမြစ်များ

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er-yn-oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Mian 26:71

As tra v’eh er gholl magh ayns y phorch, honnick ben-aeg elley eh, as dooyrt ee roosyn v’ayns shen, V’eh shoh myrgeddin marish Yeesey dy Nazareth.

Noo Mian 26:73

As tammylt ny lurg shen haink huggey paart jeh’n cheshaght, as dooyrt ad rish Peddyr, Shickyr she fer jeu oo, son ta dty ghlare dy dty vrah.

Noo Luke 22:8

As hug eh magh Peddyr as Ean, gra, Immee-jee, as aarlee-jee yn Eayn-caisht dy vod mayd gee.

Noo Ean 19:26

Tra honnick Yeesey er-y-fa shen e voir, as yn ostyl bynney lesh ny hassoo lioree, dooyrt eh rish e voir, Ven, cur-my-ner dty vac.

Noo Ean 7:15

As ghow ny Hewnyn yindys, gra, Kys ta lheid yn ynsagh ec y dooinney shoh, nagh row eh-hene rieau ynsit?

Noo Ean 7:49

Agh ta’n pobble shoh, nagh vel toiggal yn leigh, fo mollaght.

Jannoo 4:14

As fakin y dooinney v’er ny laanaghey ny hassoo mâroo, cha row fockle oc dy ghra n’oï.

Jannoo 4:19

Agh dreggyr Peddyr as Ean, as dooyrt ad roo, My te cairagh ayns shilley Yee dooinyn dy ve ny s’biallee diuish na da Jee, foddee shiu hene briwnys.

Jannoo 4:29

As nish, Hiarn, cur-my-ner nyn maggyrt: as giall da dty harvaantyn, dy vod ad lesh slane dunnallys dty ghoo y ockley magh,

Jannoo 4:31

As erreish daue v’er ghoaill padjer, chrie yn boayl raad v’ad er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

Jannoo 9:27

Agh ghow Barnabas eh, as hug eh lesh eh gys ny ostyllyn, as hoilshee eh daue, kys v’eh er vakin y Chiarn er y raad, as dy row eh er loayrt rish, as kys v’eh er phreacheil dy dunnal as dy foshlit ec Damascus ayns ennym Yeesey.

Jannoo 9:28

As v’eh mâroo kinjagh cheet stiagh as goll magh ec Jerusalem.

1 Corinthianee 1:27

Agh ta Jee er reih reddyn ommijagh y theihll, dy choyrt fo-chosh ny reddyn creeney; as ta Jee er reih reddyn faase y theihll, dy naaraghey ny reddyn niartal;

1 Corinthianee 14:25

As myr shoh ta folliaghtyn e chree er ny hoilshaghey; as myr shen, tuittym sheese er e eddin, ver eh ooashley da Jee, as nee eh fockley magh dy vel Jee dy firrinagh nyn mast’ eu.

2 Corinthianee 3:12

Fakin eisht dy vel ain lheid y treishteil, ta shin goaill orrin dy loayrt lesh slane reamys.