Jannoo 3:25 - Yn Vible Casherick 1775 1819

²⁵ Shiuish cloan ny phadeyryn as y chonaant, ren Jee rish nyn ayraghyn, gra rish Abraham, As ayns dty luight’s vees ooilley kynneeyn y theihll er nyn mannaghey.

Yn Conaant Noa 1810

²⁵ Shiuish cloan ny phadeyryn as y chonaant, ren Jee rish nyn ayraghyn, gra rish Abraham, As ayns dty luight’s vees ooilley kynneeyn y theihll er nyn mannaghey.

Jannoo 3:25 ပူးပေါင်းရင်းမြစ်များ

Genesis 12:3

As nee’m adsyn y vannaghey, ta dy dty vannaghey, as ver-ym mollaght ersyn ta guee mollaght ort’s: as aynyd’s vees ooilley ashoonee yn ooir er nyn mannaghey.

Genesis 17:19

As dooyrt Jee, Nee Sarah dty ven dy jarroo mac y ymmyrkey dhyt; as nee oo genmys eh Isaac: as nee’m shickyraghey my chonaant rishyn, son conaant dy bragh farraghtyn, as rish e luight ny lurg.

Genesis 18:18

Fakin dy jig Abraham dy shickyr dy ve ny ashoon mooar as niartal, as dy bee ooilley ashoonyn y theihll er nyn mannaghey aynsyn.

Genesis 20:7

Shen-y-fa, cur nish yn ven da’n dooinney: son she phadeyr eh, as gowee eh padjer er dty hon, as bee oo bio: agh mannagh der oo da ee, toig, dy bee oo dy shickyr er dty choyrt dy baase, oo hene, as ooilley ny ta lhiat’s.

Genesis 22:18

As ayns dty luight, vess ooilley ashoonyn y theihll er nyn mannaghey: er-y-fa dy vel oo er choyrt biallys da my choraa.

Genesis 26:4

As ver-yms er dty luight dy vishaghey myr rollageyn yn aer, as ver-ym da dty luight ooilley ny cheeraghyn shoh; as ayns dty luight vees ooilley ashoonyn y theihll er nyn mannaghey:

Genesis 28:14

As bee dty luight myr joan ny hooirey, as nee oo skeayley dy lhean gys y sheear as gys y shiar, gys y twoaie as gys yn jiass, as aynyd’s as ayns dty luight, bee ooilley kynneeyn y theihll er nyn mannaghey.

1 Recortyssyn 16:16

Eer y conaant shen ren eh rish Abraham, as y breearrey hug eh da Isaac:

1 Recortyssyn 16:17

Shen doardee eh da Jacob son leigh, as da Israel son conaant dy bragh farraghtyn,

Nehemiah 9:8

As hooar oo e chree ynrick kiongoyrt rhyt, as ren oo conaant rish, dy choyrt da e luight cheer ny Canaaniteyn, ny Hittiteyn, ny Amoriteyn, as ny Perizziteyn, as ny Jebusiteyn, as ny Girgashiteyn, as t’ou er chooilleeney dty ghoan, son t’ou ynrick:

Psalmyn 22:27

Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn: as ver ooilley kynneeyn ny ashoonyn ooashley kiongoyrt rish.

Psalmyn 96:7

Cur-jee da’n Chiarn, O shiuish chynneeyn y phobble: cheb-jee da’n Chiarn ooashley as pooar.

Noo Luke 1:72

Dy chooilleeney yn vyghin va giallit da ny ayraghyn ain, as dy chooinaghtyn er e chonaant casherick:

Jannoo 13:26

Gheiney as vraaraghyn, cloan kynney Abraham, as quoi-erbee ta nyn mast’ euish goaill aggle roish Jee, hiuish ta goo yn taualtys shoh er ny choyrt.

Jannoo 2:39

Son ta’n gialdyn diuish as da nyn gloan, as dauesyn ooilley ta foddey jeh, dy jarroo da whilleen as vees er nyn eam liorish nyn Jiarn Jee.

Romanee 15:8

Nish ta mee gra, dy row Yeesey Creest ny hirveishagh jeh’n ghiarey-chymmylt, son firrinys Yee, dy hickyraghey ny gialdynyn va jeant da ny ayraghyn.

Romanee 4:13

Son y gialdyn dy beagh eh eirey’n seihll, cha row eh jeant da Abraham, ny da e luight liorish y leigh, agh liorish cairys credjue.

Galatianee 3:16

Nish da Abraham as da e luight va ny gialdynyn jeant. Cha vel eh gra, As da sluightyn, myr jeh ymmodee; agh myr jeh unnane, As da dty luight’s, ta shen Creest.

Galatianee 3:29

As my she lesh Creest shiu, eisht ta shiu sluight Abraham, as eiraghyn cordail rish y ghialdyn.

Galatianee 3:8

As y scriptyr fakin ro-laue dy jinnagh Jee seyrey ny Ashoonee trooid credjue, ren preacheil roish nish yn sushtal gys Abraham, gra, Aynyd’s vees dy chooilley ashoon er ny vannaghey.

Ashlish 14:6

As honnick mee ainle elley getlagh trooid mean yn aer, as echey yn sushtal dy bragh farraghtyn dy phreacheil dauesyn ta cummal er y thalloo, as da dy chooilley ashoon, as kynney, as glare, as pobble,

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Ashlish 7:9

Lurg shoh yeeagh mee, as cur-my-ner, va earroo mooar nagh voddagh dooinney erbee ad y choontey, jeh dy chooilley ashoon, as kynney, as pobble, as glare, nyn shassoo kiongoyrt rish y stoyl-reeoil, as kiongoyrt rish yn Eayn, ayns coamraghyn gial, as banglaneyn dy villey-palm ayns nyn laueyn: