Jannoo 3:24 - Yn Vible Casherick 1775 1819

²⁴ As ta myrgeddin ooilley ny phadeyryn veih Samuel, dy jarroo whilleen as haink ny yeï, as ren phadeyrys, er n’insh ro-laue jeh ny laghyn shoh.

Yn Conaant Noa 1810

²⁴ As ta myrgeddin ooilley ny phadeyryn veih Samuel, dy jarroo whilleen as haink ny yeï, as ren phadeyrys, er n’insh ro‐laue jeh ny laghyn shoh.

Jannoo 3:24 ပူးပေါင်းရင်းမြစ်များ

Psalmyn 99:6

Moses as Aaron mastey e haggyrtyn, as Samuel mâroosyn ta geamagh er e Ennym: deïe ad shoh er y Chiarn, as cheayll eh ad.

Jeremiah 15:1

Eisht dooyrt y Chiarn rhym, Ga dy shassagh Moses as Samuel kiongoyrt rhym, ny-yeih cha vod my aigney y ve lesh y pobble shoh; ceau magh ad ass my hilley, as lhig daue goll.

Noo Luke 24:27

As goaill toshiaght ec Moses, as ooilley ny phadeyryn, hug eh bun daue er ooilley ny scriptyryn jeh dy chooilley nhee va bentyn rish hene.

Jannoo 13:20

As ny lurg shen hug eh daue briwnyn, mysh kiare cheead as jeih bleeaney as da-eed, derrey Samuel yn phadeyr.

Jannoo 17:3

Soilshaghey as prowal dy beign da Creest v’er hurranse, as er n’irree veih ny merriu: as dy nee Yeesey shoh ta mish dy phreacheil diu, yn Creest.

Jannoo 26:23

Dy row Creest dy hurranse, as dy nee eh veagh y chied er yinnagh girree veih ny merriu, as soilshey y skeayley magh er y pobble, as er ny Ashoonee.

Jannoo 3:19

Gow-jee arrys er-y-fa shen, as chyndaa-jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Jannoo 3:21

Eshyn ta dy ve ayns niau, derrey earishyn lhiassaghey dy chooilley nhee, ta Jee er loayrt liorish beeal ooilley e adeyryn crauee, er-dy hoshiaght y theihll.

Romanee 3:21

Son nish ta cairys Yee fegooish y leigh er ny hoilshaghey, myr ta’n leigh as ny phadeyryn gymmyrkey feanish lesh;

1 Samuel 2:18

Agh ren y lhiannoo Samuel shirveish gys y Chiarn, coamrit lesh ephod aanrit.

1 Samuel 3:1

As ren y lhiannoo Samuel shirveish gys y Chiarn fo Eli. As va goo’n Chiarn goaun ayns ny laghyn shen; cha row ashlish foshlit erbee.

1 Samuel 3:20

As va fys ec ooilley Israel, veih Dan eer gys Beer-sheba, dy row Samuel er ny oardaghey dy ve phadeyr y Chiarn.