Jannoo 3:19 - Yn Vible Casherick 1775 1819

¹⁹ Gow-jee arrys er-y-fa shen, as chyndaa-jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Yn Conaant Noa 1810

¹⁹ Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Jannoo 3:19 ပူးပေါင်းရင်းမြစ်များ

Psalmyn 103:12

Jeeagh cre cha lhean as ta’n shiar veih’n sheear: choud cheddin t’eh er hoiaghey nyn beccaghyn voïn.

Psalmyn 51:13

Eisht neem’s dty raaidyn y ynsaghey da ny mee-chrauee: as bee peccee er nyn jyndaa hood’s,

Psalmyn 51:9

Chyndaa dt’eddin veih my pheccah: as cur ersooyl ooilley my ghrogh-yannoo.

Isaiah 43:25

Mish, dy jarroo mish hene eh, ta leih dhyt dty loghtyn er my ghraih hene, as cha gooin-ym er dty pheccaghyn.

Isaiah 44:22

Ta mee er gholley dty ghrogh-yannoo myr bodjal dorraghey, as dty pheccaghyn myr kay: chyndaa hym’s; son mish t’er dty livrey.

Isaiah 51:11

Shen-y-fa chyndaa-ee adsyn reesht ta’n Chiarn er hauail, as hig ad lesh bingys gys Zion; as bee boggey dy bragh beayn er nyn ghing: cosnee ad gennallys as boggey, as nee trimshey as dobberan lheïe ersooyl.

Isaiah 6:10

Bee cree yn phobble shoh jeant roauyr, as bee far-chlashtyn ayns nyn gleayshyn, as nee ad jeigh nyn sooillyn; er-aggle dy vaik ad lesh nyn sooillyn, as dy glin ad lesh nyn gleayshyn, as dy doig ad lesh nyn gree, as dy bee ad er nyn jyndaa, as er nyn lheihys.

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Isaiah 61:9

As bee yn sluight oc ainjyssagh mastey ny ashoonee, as nyn gynney mastey’n pobble: nee ooilley ny ta fakin ad goaill roo, dy nee ad yn sluight ta’n Chiarn er vannaghey.

Jeremiah 36:3

Hoiggal, foddee eh ’ve dy jean thie Yudah clashtyn ooilley nyn gerraghey ta mish kiarail orroo; dy vod ad chyndaa dy chooilley ghooinney veih e ghrogh raad, as mish dy leih daue yn vee-chairys oc, as nyn beccah.

Jeremiah 50:20

Ayns ny laghyn shen, as ec y traa cheddin, ta’n Chiarn dy ghra, nee ad briaght son loght Israel, agh cha bee veg ayn; as son peccaghyn Yudah, agh cha bee ad ry-gheddyn: son beem’s myghinagh dauesyn ta mee dy livrey.

Dobberan 3:40

Lhig dooin ronsagh as prowal nyn raaidyn, as chyndaa reesht gys y Chiarn.

Dobberan 5:21

Chyndaa uss shin hood, O Hiarn, as bee mayd er nyn jyndaa: jean ass-y-noa nyn laghyn, myr jeh’n chenn earish.

Ezekiel 33:11

Abbyr roo, Myr ta mee bio, ta’n Chiarn Jee dy ghra, cha vel veg y taitnys aym’s ayns baase ny mee-chrauee, agh dy jinnagh ny mee-chrauee chyndaa veih nyn raad, as ve bio: chyndaa-jee, chyndaa-jee veih nyn ghrogh raaidyn; son cre’n-fa ta shiu tayrn baase erriu hene, O hie Israel?

Daniel 9:13

Myr te scruit ayns leigh Voses, ta ooilley yn olk shoh er jeet orrin: ny-yeih cha ghow shin nyn badjer gys y Chiarn y Jee ain, dy hyndaa veih nyn ghrogh-yannoo, as dy hoiggal dty ynrickys.

Hosea 14:2

Gow-jee mêriu goan [arryssagh] as chyndaa-jee gys y Chiarn: abbyr-jee rish, Gow ersooyl dy chooilley vee-chairys, as jean soiaghey graysoil j’in: myr shen chebbee mayd dhyt oural nyn meillyn.

Joel 2:13

As raip-jee nyn gree, as cha nee nyn goamraghyn, as chyndaa-jee gys y Chiarn y Jee eu; son t’eh graysoil as myghinagh, moal gys corree, as dy chenjallys vooar, as meiygh-chreeagh tra t’eh kerraghey.

Noo Mian 13:15

Son ta cree yn phobble shoh er n’aase roauyr, as ta ny cleayshyn oc moal dy chlashtyn, as ny sooillyn oc t’ad er n’yeigh; er-aggle dy vaikagh ad lesh nyn sooillyn, as dy gluinnagh ad lesh nyn gleayshyn, as dy doiggagh ad lesh nyn gree, as dy beagh ad er nyn jyndaa, as dy jinnin ad y lheihys.

Noo Mian 18:3

As dooyrt eh, Dy firrinagh ta mee gra riu, Mannagh jean shiu chyndaa, as cheet dy ve myr cloan veggey, cha jed shiu stiagh ayns reeriaght niau.

Noo Luke 1:16

As ymmodee jeh cloan Israel nee eh y hyndaa gys y Chiarn y Jee oc.

Noo Luke 22:57

As dob eh, gra, Ven, cha vel enney aym er.

Jannoo 1:6

Choud as v’ad nish cooidjagh, dênee ad jeh, gra, Hiarn, jean oo ec y traa shoh soiaghey seose reesht reeriaght Israel?

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 11:21

As va laue yn Chiarn mâroo: as ren earroo mooar dy leih credjal as chyndaa gys y Chiarn.

Jannoo 15:3

As hie yn agglish magh mâroo dy chur ad er nyn doshiaght er nyn yurnah, as jimmee ad trooid Phenice as Samaria, soilshaghey chyndaa ny Hashoonee gys y chredjue: as va shoh oyr boggey mooar da ooilley ny braaraghyn.

Jannoo 17:26

As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

Jannoo 2:38

Eisht dooyrt Peddyr roo, Gow-jee arrys, as bee-jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 28:27

Son ta cree yn phobble shoh er n’aase roauyr, as ta ny cleayshyn oc moal dy chlashtyn, as ny sooillyn oc t’ad er n’yeigh: er-aggle dy vaikagh ad lesh nyn sooillyn, as dy gluinnagh ad lesh nyn gleayshyn, as dy doiggagh ad lesh nyn gree, as dy beagh ad er nyn jyndaa, as dy jinnin ad y lheihys.

Jannoo 3:20

As nee eh Yeesey Creest y choyrt, va roïe er ny phreacheil diu:

Jannoo 3:21

Eshyn ta dy ve ayns niau, derrey earishyn lhiassaghey dy chooilley nhee, ta Jee er loayrt liorish beeal ooilley e adeyryn crauee, er-dy hoshiaght y theihll.

Romanee 11:25

Son cha baillym, vraaraghyn, dy beagh shiu mee-hushtagh jeh’n folliaght shoh, (er-aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

2 Thessalonianee 1:10

Tra hig eh dy ve er ny ghloyraghey ayns e nooghyn, as dy ve er y laa shen shilley yindyssagh ayndoosyn ooilley ta credjal (er-yn-oyr dy row yn recortys ainyn nyn mast’ eu er ny chredjal):

2 Thessalonianee 1:7

As diuish ta seaghnit, fea mârin, tra vees y Chiarn Yeesey er ny hoilshaghey veih niau marish e ainleyn niartal.

2 Timothy 2:25

Ayns meenid gynsaghey adsyn ta shassoo magh; my saillish Jee arrys y chur daue gys goaill-rish yn irriney;

Hebrewnee 4:1

Lhig dooin er-y-fa shen aggle y ghoaill, erreish da gialdyn ve faagit dooin dy gholl stiagh ’syn ea echey, dy darragh veg jiu giare jeh.

1 Peddyr 2:25

Son va shiu myr kirree goll er-shaghryn; agh ta shiu nish er jyndaa reesht gys Bochilley as Aspick nyn anmeenyn.

2 Peddyr 3:8

Agh, toig-jee shoh my chaarjyn, dy vel un laa marish y Chiarn myr thousane bleïn, as thousane bleïn myr un laa.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.