Jannoo 3:18 - Yn Vible Casherick 1775 1819

¹⁸ Agh shen va Jee ro-laue er hoilshaghey liorish beeal ooilley e adeyryn, dy row Creest dy hurranse, t’eh myr shoh er chooilleeney.

Yn Conaant Noa 1810

¹⁸ Agh shen va Jee ro‐laue er hoilshaghey liorish beeal ooilley e adeyryn, dy row Creest dy hurranse, t’eh myr shoh er chooilleeney.

Jannoo 3:18 ပူးပေါင်းရင်းမြစ်များ

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

Isaiah 50:6

Heb mee my ghreeym dauesyn ren m’y woalley, as my lieckanyn dauesyn va raipey jee’m yn aasaag; cha dollee mee my eddin veih nearey as shellaghyn.

Daniel 9:26

As lurg three-feed shiaghtinyn as jees, bee Messiah er ny yiarey jeh, agh cha nee er y choontey echey hene: as nee pobble y phrince shen ta ry-heet stroie yn ard-valley, as y chiamble casherick, as bee yn jerrey echey lesh thooilley, as gys jerrey yn chaggey ta traartyssyn kiarit.

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.

Zechariah 13:7

Dooisht, O chliwe, noi my vochilley, as noi yn dooinney ta my heshey, ta Chiarn ny flaunyssee dy ghra: bwoaill yn bochilley, as bee ny kirree er ny skeayley: as chyndaa-ym my laue er y vyn-vooinjer.

Noo Luke 24:44

As dooyrt eh roo, Shoh ny goan loayr mish riu, choud as va mee foast mêriu dy beign da dy chooilley nhee ve cooilleenit va scruit ayns leigh Voses, as ayns ny phadeyryn, as ayns ny psalmyn my-mychione’s.

Jannoo 10:43

Leshyn ta ooilley ny phadeyryn gymmyrkey feanish, trooid yn ennym echey, quoi-erbee chredjys ayn, dy vow eh feaysley peccaghyn.

Jannoo 2:23

Eshyn va currit diu liorish oardagh ro-laue as fysseree Yee, ta shiuish er ghoaill, as lesh laueyn mee-chrauee er chrossey as er varroo.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

2 Peddyr 1:21

Son cha daink phadeyrys ’sy chenn traa liorish aigney dooinney: agh loayr deiney crauee Yee myr v’ad er nyn leeideil liorish y Spyrryd Noo.

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey-harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.