Jannoo 3:17 - Yn Vible Casherick 1775 1819

¹⁷ As nish, vraaraghyn, strooys dy nee trooid mee-hushtey ren shiu eh, myr ren myrgeddin ny fir-reill eu.

Yn Conaant Noa 1810

¹⁷ As nish, vraaraghyn, strooys dy nee trooid mee‐hushtey ren shiu eh, myr ren myrgeddin ny fir‐reill eu.

Jannoo 3:17 ပူးပေါင်းရင်းမြစ်များ

Genesis 21:26

As dreggyr Abimelech, Ta ooilley shoh gyn-yss dooys: chamoo dinsh oo dou, chamoo cheayll mee jeh, derrey’n laa jiu.

Genesis 39:8

Agh dob eshyn, as dooyrt eh rish e ven-ainshtyr, Cur-my-ner, cha vel fys ec my vainshtyr er ny ta mârym ayns y thie, as t’eh er livrey ooilley ny t’echey fo my laue.

Genesis 44:15

As dooyrt Joseph roo, Cre’n obbyr shoh ta shiu er n’yannoo? nagh row fys eu, dy vod lheid y dooinney as mish son shickyrys, folliaghtyn y gheddyn magh?

Exodus 32:1

Tra honnick y pobble dy row Moses er uirriaght foddey er y clieau, dy haggil y pobble cooidjagh gys Aaron, as dooyrt ad rish, Seose, jean jeeghyn dooin, dy gholl roïn; son mychione yn Moses shoh, yn fer ren leeideil shin magh ass cheer Egypt, cha s’ain cre’n erree t’er jeet er.

Earrooyn 22:6

Tar nish, ta mee guee ort, er-y-fa shen, cur dty vollaght er y pobble shoh er my hon; son t’ad ro niartal dou; foddee dy voym y varriaght orroo, dy vod shin ad y woalley, as ad y chlo ass y cheer: son er-lhiam dy vel eshyn bannit t’ou uss dy vannaghey, as dy bee eshyn mollaghtagh, t’ou uss coyrt dty vollaght er.

Noo Luke 23:13

As deïe Pilate er ny ard-saggyrtyn cooidjagh, as er ny fir-reill as y pobble.

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

Noo Ean 15:21

Agh dy chooilley nhee jeu shoh nee ad riu kyndagh rish yn ennym aym’s, er-y-fa nagh vel enney oc ersyn t’er my choyrt.

Noo Ean 16:3

As ny reddyn shoh nee ad riu, er-yn-oyr nagh vel enney oc er yn Ayr, ny orrym’s.

Noo Ean 7:52

Dreggyr adsyn, as dooyrt ad rish, Nee ass Galilee t’ou uss myrgeddin? jean-jee ronsaghey as jeeaghyn: son cha vel phadeyr erbee er droggal ayns Galilee.

Jannoo 13:27

Son cummaltee Yerusalem, as ny fir-reill oc, son nagh dug ad tastey dasyn, ny foast da goo ny phadeyryn t’er nyn lhaih dy chooilley ghoonaght, t’ad er chooilleeney ad shen ayns eshyn y gheyrey.

Jannoo 22:5

Myr ta’n ard-saggyrt hene gymmyrkey feanish lhiam, as slane quaiyl y chanstyr: voue hooar mee myrgeddin screeuyn gys ny braaraghyn, as hie mee gys Damascus, dy chur lhiam adsyn v’ayns shen, kianlt gys Jerusalem, dy v’er nyn gerraghey.

Jannoo 26:9

Ghow mish dy jarroo aym pene dy lhisin ymmodee reddyn y yannoo noi ennym Yeesey dy Nazareth.

Jannoo 28:21

As dooyrt adsyn rish, Cha dooar shinyn edyr screeunyn veih Judea my-dty-chione, chamoo ren veg jeh ny braaraghyn t’er jeet soilshaghey ny loayrt red erbee dy olk jeed.

Jannoo 7:40

Gra rish Aaron, Jean dooinyn Jeeaghyn hed roïn: er son Moses shoh hug lesh shin magh ass thalloo Egypt, cha s’ain cre’n erree t’er jeet er.

Romanee 11:2

Cha vel Jee er hilgey jeh e phobble hene bione da ro-laue. Nagh vel fys eu cre ta’n scriptyr dy ghra mychione Elias? kys t’eh jannoo accan gys Jee noi Israel, gra,

1 Corinthianee 2:8

Shen nagh ren veg jeh princeyn y theihll shoh toiggal; son dy beagh toiggal oc jeh, cha beagh ad er chrossey yn Chiarn dy ghloyr.

2 Corinthianee 3:14

Agh va nyn aignaghyn dollit: son gys y laa t’ayn jiu ta’n coodagh cheddin er-mayrn orroo, ayns lhaih yn chenn chonaant; yn coodagh cheddin ta goit jeh ayns Creest.

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee-hushtey t’ayndoo, trooid creoghys nyn greeaghyn:

Philippianee 1:22

Agh dy ve bio ’syn eill, shoh mess my laboraght: agh foast cre dy reih, cha s’aym.

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er-yn-oyr dy ren mee eh dy neu-hushtagh, ayns mee-chredjue: