Jannoo 3:12 - Yn Vible Casherick 1775 1819

¹² As tra honnick Peddyr shoh, dansoor eh yn pobble, Gheiney Israel, cre’n-fa ta shiu gindys er shoh? ny jeeaghyn cha gyere orrinyn, myr dy beagh shin liorish y phooar ny’n chraueeaght ain hene er chur er y dooinney shoh shooyl?

Yn Conaant Noa 1810

¹² As tra honnick Peddyr shoh, dansoor eh yn pobble, Gheiney Israel, cre’n‐fa ta shiu gindys er shoh; ny jeeaghyn cha gyere orrinyn, myr ey beagh shin liorish y phooar ny’n chraueeaght ain hene er chur er y dooinney shoh shooyl?

Jannoo 3:12 ပူးပေါင်းရင်းမြစ်များ

Genesis 40:8

As dooyrt ad rish, Ta shin er n’yannoo dreamal, as cha vel fer erbee dy chur dooin toiggal jeh. As dooyrt Joseph roo, Nagh nee gys Jee ta bentyn dy hoilshaghey folliaghtyn? insh-jee dooys ad, ta mee guee erriu.

Genesis 41:16

As dreggyr Joseph Pharaoh, gra, Cha nee aynym’s te: Jee ver da Pharaoh ansoor dy hee.

Noo Ean 7:18

Eshyn ta loayrt jeh hene, t’eh shirrey e ooashley hene: agh eshyn ta shirrey yn ooashley echeysyn t’er choyrt eh, t’eh shen firrinagh, as cha vel neu-chairys erbee ayn.

Jannoo 13:26

Gheiney as vraaraghyn, cloan kynney Abraham, as quoi-erbee ta nyn mast’ euish goaill aggle roish Jee, hiuish ta goo yn taualtys shoh er ny choyrt.

Jannoo 2:22

Gheiney Israel, eaisht-jee rish ny goan shoh; Yeesey dy Nazareth, dooinney ren Jee soiaghey jeh nyn mast’ eu, liorish mirrilyn, as yindyssyn as cowraghyn, dobbree Jee liorishyn ayns yn enish eu, myr s’mie fys myrgeddin eu hene:

Jannoo 3:11

Agh myr va’n baccagh v’er ny laanaghey cummal dy jeean gys Peddyr as Ean, roie ooilley yn pobble dy cheilley gys y phorch ta enmyssit porch Solomon, goaill lane yindys.

Jannoo 3:13

She Jee Abraham, as Isaac, as Jacob, Jee ny ayraghyn ain t’er ghloyraghey e Vac Yeesey; ren shiuish y livrey seose as y obbal ayns fenish Pilate, tra v’eh kiarit y raad y lhiggey da.

Romanee 11:1

Ta mee gra eisht, Vel Jee er hilgey jeh e phobble hene? Ny lhig eh Jee. Son ta mee hene myrgeddin my Israelite jeh sluight Abraham, jeh sheeloghe Venjamin.

Romanee 9:4

Ta nyn Israeliteyn; dauesyn ta bentyn yn doltanys, as y ghloyr, as ny conaantyn, as coyrt y leigh, as shirveish Yee, as ny gialdynyn;

2 Corinthianee 3:5

Cha nee dy vel shin fondagh j’in hene dy smooinaghtyn nhee erbee myr j’in hene; agh ta’n phooar ain veih Jee.

Ashlish 7:13

As dreggyr fer jeh ny shanstyryn, gra rhym, Quoi ad shoh ta coamrit ayns coamraghyn gial? as cre voish haink ad?