Jannoo 3:11 - Yn Vible Casherick 1775 1819

¹¹ Agh myr va’n baccagh v’er ny laanaghey cummal dy jeean gys Peddyr as Ean, roie ooilley yn pobble dy cheilley gys y phorch ta enmyssit porch Solomon, goaill lane yindys.

Yn Conaant Noa 1810

¹¹ Agh myr va’n baccagh v’er ny laanaghey cummal dy jeean gys Peddyr as Ean, roie ooilley yn pobble dy cheilley gys y phorch ta enmyssit porch Solomon, goaill lane yindys.

Jannoo 3:11 ပူးပေါင်းရင်းမြစ်များ

Jeremiah 26:9

Cre’n-fa t’ou er n’yannoo phadeyrys ayns ennym y Chiarn, gra, Bee’n thie shoh myr Shiloh, as bee’n ard-valley shoh follym-faase fegooish cummaltagh? As va ooilley’n pobble er nyn jaglym noi Jeremiah ayns thie yn Chiarn.

Noo Luke 22:8

As hug eh magh Peddyr as Ean, gra, Immee-jee, as aarlee-jee yn Eayn-caisht dy vod mayd gee.

Noo Luke 8:38

Nish va’n dooinney ass va ny drogh-spyrrydyn er n’immeeaght geearree dy ve mârish: agh hug Yeesey ersooyl eh, gra,

Noo Ean 10:23

As va Yeesey shooyl ayns y chiamble ayns porch Solomon.

Jannoo 2:6

Nish tra hie yn skeeal jeh shoh magh, haink y pobble cooidjagh, as v’ad fo atchim erskyn-towse, er-yn-oyr dy row dy chooilley ghooinney clashtyn ad loayrt ayns glare e ghooie hene.

Jannoo 3:12

As tra honnick Peddyr shoh, dansoor eh yn pobble, Gheiney Israel, cre’n-fa ta shiu gindys er shoh? ny jeeaghyn cha gyere orrinyn, myr dy beagh shin liorish y phooar ny’n chraueeaght ain hene er chur er y dooinney shoh shooyl?

Jannoo 3:3

Honnick eh shoh Peddyr as Ean mysh goll stiagh ’sy chiamble, as hir eh jeirk orroo.

Jannoo 3:4

As yeeagh Peddyr dy gyere er, myr ren Ean, as dooyrt eh, Jeeagh orrin.

Jannoo 5:12

As liorish laueyn ny hostyllyn va ymmodee cowraghyn as yindyssyn er nyn yannoo mastey’n pobble; (as v’ad ooilley lesh un aigney ayns porch Solomon.