Jannoo 3:1 - Yn Vible Casherick 1775 1819

¹ Nish hie Peddyr as Ean seose cooidjagh gys y chiamble, ec oor y phadjer, ta shen, yn nuyoo oor.

Yn Conaant Noa 1810

¹ Nish hie Peddyr as Ean seose cooidjagh gys y chiamble, ec oor y phadjer, ta shen, yn nuyoo oor.

Jannoo 3:1 ပူးပေါင်းရင်းမြစ်များ

1 Reeaghyn 18:36

As haink eh gy-kione, ec traa chebbal yn oural-fastyr, dy daink Elijah yn phadeyr er-gerrey, as dooyrt eh, Hiarn Yee Abraham, Isaac, as Israel, lhig da ve er ny hoilshaghey er y laa jiu, dy vel uss y Jee ayns Israel, as dy nee mish dty harvaant, as dy vel mee er n’yannoo ooilley ny reddyn shoh ec dty ghoo.

Psalmyn 55:17

Er my hon’s, eïe-ym er Jee: as nee’n Chiarn m’y hauail.

Exodus 29:39

Yn derrey eayn nee oo chebbal ’sy voghrey, as yn eayn elley nee oo chebbal ’syn astyr:

Daniel 6:10

Nish tra hoig Daniel dy row ny screeuyn signit, hie eh stiagh gys e hie, as e uinniagyn ayns e hiamyr foshlit lesh Jerusalem, hie eh er e ghlioonyn three keayrtyn ’sy laa, as ghow eh padjer, as hug eh booise kiongoyrt rish e Yee, myr bollagh eh.

Daniel 9:21

Dy jarroo choud as va mee foast loayrt ayns padjer, haink eer yn dooinney Gabriel, honnick mee ayns y chied ashlish, getlagh dy bieau, as venn eh rhym mysh traa yn oural-fastyr.

Earrooyn 28:4

Yn derrey eayn nee oo chebbal ’sy voghrey, as yn eayn elley nee oo chebbal ec yn astyr;

Noo Mian 17:1

As ec kione shey laa, ghow Yeesey Peddyr, as Jamys, as Ean e vraar, as hug eh lesh ad er-lheh seose er slieau ard,

Noo Mian 26:37

As ghow eh mârish Peddyr, as daa vac Zebedee, as ren eh toshiaght dy ve trimshagh as trome-chreeagh.

Noo Mian 27:45

Nish veih yn cheyoo oor, va dorraghys harrish ooilley yn cheer, gys yn nuyoo oor.

Noo Luke 1:10

As va’n slane chaglym jeh’n pobble cheu-mooie ec padjer rish traa yn oural-millish.

Noo Luke 18:10

Hie daa ghooinney seose gys y chiamble dy ghoaill padjer; va’n derrey yeh ny Pharisee, as y jeh elley ny phublican.

Noo Luke 22:8

As hug eh magh Peddyr as Ean, gra, Immee-jee, as aarlee-jee yn Eayn-caisht dy vod mayd gee.

Noo Luke 24:53

As v’ad kinjagh ayns y chiamble, cur moylley as gloyr da Jee. Amen.

Noo Ean 21:7

Shen-y-fa dooyrt yn ostyl shen bynney lesh Yeesey rish Peddyr, She yn Chiarn t’ayn. Nish tra cheayll Simon Peddyr dy nee yn Chiarn v’ayn, hug eh e chooat-eeastee mysh (son v’eh ’sy lheiney) as hilg eh eh-hene ayns y cheayn.

Jannoo 10:3

Honnick eh shoh ayns ashlish dy baghtal, mysh yn nuyoo oor jeh’n laa, ainle dy Yee cheet stiagh huggey, as gra rish, Cornelius.

Jannoo 10:30

As dooyrt Cornelius, Kiare laa er-dy-henney va mish my hrostey derrey mysh y traa shoh dy laa, as ec yn nuyoo oor ghow mee padjer ayns my hie, as cur-my-ner hass dooinney kiongoyrt rhym ayns coamrey sollys.

Jannoo 2:46

As taaghey yn chiamble gagh laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Jannoo 3:3

Honnick eh shoh Peddyr as Ean mysh goll stiagh ’sy chiamble, as hir eh jeirk orroo.

Jannoo 3:4

As yeeagh Peddyr dy gyere er, myr ren Ean, as dooyrt eh, Jeeagh orrin.

Jannoo 4:13

Nish tra hug ad my-ner dunnallys Pheddyr as Ean, as hoig ad nagh row ad agh deiney boght gyn-ynsagh, va yindys orroo, as hooar ad magh neesht dy row ad jeh fir-eiyrtee Yeesey.

Jannoo 5:25

Eisht haink fer as dinsh eh daue, Cur-my-ner, ta ny deiney hug shiuish ayns pryssoon nyn shassoo ayns y chiamble, gynsaghey yn pobble.

Jannoo 8:14

Nish tra va ny ostyllyn va ec Jerusalem er chlashtyn dy row Samaria er ghoaill goo Yee, hug ad huc Peddyr as Ean.

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail; dy ragh shinyn gys ny Ashoonee, as adsyn gys yn giarey-chymmylt.