Jannoo 28:4 - Yn Vible Casherick 1775 1819

⁴ As tra honnick ny ellannee yn cretoor pyshoonagh, croghey rish e laue, dooyrt ad nyn mast’ oc hene, Gyn dooyt ta’n dooinney shoh ny ghunver, cha lhig kerraghey Yee da ve bio, ga t’eh er scapail y keayn.

Yn Conaant Noa 1810

⁴ As tra honnick ny ellannee yn cretoor pyshoonagh, croghey rish e laue, dooyrt ad nyn mast’ oc hene, Gyn dooyt ta’n dooinney shoh ny ghunver, cha lhig kerraghey Yee da ve bio, ga t’eh er scapail y keayn.

Jannoo 28:4 ပူးပေါင်းရင်းမြစ်များ

Genesis 3:1

Nish va’n ard-nieu ny s’croutagh na ooilley cretooryn y vagher va’n Chiarn Jee er chroo: as dooyrt eh rish y ven, Nee son dy vel Jee er ghra, Cha negin diu gee jeh dy chooilley villey ’sy gharey?

Raaghyn Creeney 28:17

Eshyn t’er n’yannoo dewlys er fuill dooinney erbee, bee eh eiyrit dy baase; ny lhig da dooinney erbee lhiettal eh.

Isaiah 26:21

Son cur-my-ner, ta’n Chiarn cheet magh ass e ynnyd dy cherraghey cummaltee yn theihll son nyn mee-chairys: nee’n ooir myrgeddin yn uill eck y vrah, as cha jean ee ny-sodjey ny merriu eck y cheiltyn.

Isaiah 43:20

Ver beishtyn y vagher ooashley dou, ny dragonyn as ny hulladyn: son dy vel mee cur ushtaghyn ayns yn aasagh, as awinyn ’syn eaynagh, dy ooraghey my phobble, my vooinjer reiht.

Zephaniah 2:15

Shoh yn ard-valley boggyssagh, va cummal ayns soaillid, dooyrt ayns e cree, Ta mish ayn, as cha vel unnane erbee casley rhym: kys t’ee er jeet dy ve ny traartys, ynnyd son maase dy lhie sheese ayn! nee dagh fer hed shaghey thassane ayns craid, as craa e laue urree.

Noo Mian 23:35

Dy vod ooilley yn uill chairagh hie er deayrtey er y thalloo tuittym erriu, veih fuill Abel cairagh, gys fuill Zacharias, mac Varachias, eh ren shiu y varroo eddyr y chiamble as yn altar.

Noo Mian 27:25

Eisht dansoor ooilley yn pobble, gra, Yn uill echey dy row orrinyn, as er nyn gloan.

Noo Luke 13:2

As dreggyr Yeesey as dooyrt eh roo, Vel shiuish sheiltyn dy row ny Galileanee shoh nyn beccee erskyn ooilley ny Galileanee, er-y-fa dy duillee ad lheid y baase?

Noo Luke 13:4

Ny yn hoght-jeig shen, orroo ren y toor ayns Siloam tuittym, as ad y varroo, vel shiu smooinaghtyn dy row ad nyn beccee erskyn ooilley cummaltee Yerusalem?

Noo Ean 7:24

Ny jean-jee briwnys rere yn caslys, agh jean-jee briwnys cairagh.

Jannoo 28:2

As va ny ellannee feer dooie rooin; son doad ad aile, as ghow ad shin ooilley stiagh kyndagh rish y fliaghey v’ayn, as kyndagh rish y feayraght.

Jannoo 28:3

As heigh Paul kionnan dy vrasnagyn, as hug eh ad er yn aile, as haink ard-nieu ass y chiass, as lhiann eh rish e laue.

Jannoo 28:5

As chrie eh yn ard-nieu jeh e laue ayns yn aile, as cha dennee eh skielley erbee.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.