Jannoo 27:24 - Yn Vible Casherick 1775 1819

²⁴ Gra, Ny bee aggle ort, Phaul; shegin dhyt shassoo fenish Cesar: as cur-my-ner ta Jee er ghiootal ort ooilley adsyn ta shiaulley mayrt.

Yn Conaant Noa 1810

²⁴ Gra, Ny bee aggle ort, Phaul; shegin dhyt shassoo fenish Cesar: as cur‐my‐ner ta Jee er ghiootal ort ooilley adsyn ta shiaulley mayrt.

Jannoo 27:24 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 15:1

Lurg ny reddyn shoh haink goo yn Chiarn gys Abram ayns Ashlish, gra, Ny bee aggle ort, Abram: mish dty endeilagh, as mooar erskyn towse vees dty leagh.

Genesis 19:29

As haink eh gy-kione, lurg da Jee v’er stroie ard-valjyn yn cheer rea, dy chooinee Jee er Abraham, as hug eh Lot magh ass mean y traartys, tra stroie eh ny ard-valjyn raad va Lot cummal.

Genesis 30:27

As dooyrt Laban rish, Ta mee guee ort, my ta mee er gheddyn foayr ayns dty hilley, fuirree mârym: son ta fys aym liorish prowal foddey, dy vel y Chiarn er my vannaghey er y ghraih ayd’s.

Genesis 39:23

Cha yeeagh arreyder y phryssoon gys nhee erbee dy row fo e laue; er-y-fa dy row yn Chiarn mârish; as shen ny v’eh dy yannoo, hug y Chiarn er dy vishaghey.

Genesis 39:5

As haink eh gy-kione, er-dyn traa v’eh er n’yannoo eh ny oaseir ayns e hie, as harrish ooilley ny v’echey, dy vannee yn Chiarn thie yn Egyptian, er graih Yoseph: As va bannaght y Chiarn er ooilley ny v’echey ayns y thie, as ayns y vagher.

Genesis 46:3

As dooyrt eh, Mish Jee, Jee dty ayrey: ny bee aggle ort dy gholl sheese gys Egypt; son neem’s jeed’s ayns shen ashoon mooar.

1 Reeaghyn 17:13

As dooyrt Elijah r’ee, Ny bee aggle ort; immee, as jean myr t’ou er ghra: agh jean dooys hoshiaght soddag berreen, as cur lhiat hym eh, as eisht jean er dty hon hene, as son dty vac.

2 Reeaghyn 6:16

As dreggyr eh, Ny bee aggle ort; son t’adsyn ta mârin ny s’troshey na adsyn ta mâroosyn.

Lioar Yob 35:8

Foddee dt’olkys jannoo aggair da dooinney myr t’ou hene, as foddee dty chairys ve vondeishagh da mac dooinney.

Dobberan 3:57

Hayrn oo er-gerrey er y laa deïe mee ort: dooyrt oo, Ny bee aggle ort.

Daniel 2:24

Shen-y-fa hie Daniel stiagh gys Arioch, va’n ree er phointeil dy stroie deiney-creeney Vabylon; hie eh, as shoh myr dooyrt eh rish, Ny stroie uss nish deiney-creeney Vabylon: cur lhiat mish stiagh fenish y ree, as soilshee-yms da’n ree bun y chooish.

Micah 5:7

As bee sluight Yacob ayns mean ymmodee pobble, myr y druight veih yn Chiarn, myr ny frassyn er y faiyr, nagh vel lurg aigney dooinney, ny fieau son mec deiney.

Noo Mian 10:18

As bee shiu er nyn goyrt fenish kiannoortyn as reeaghyn er y choontey aym’s, myr shoh gymmyrkey feanish dauesyn, as da ny Ashoonee.

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee-jee ayns aggle smoo roishyn oddys annym as callin neesht y stroie ayns niurin.

Noo Ean 11:9

Dreggyr Yeesey, Nagh vel daa oor yeig ’sy laa? My ta dooinney erbee shooyl ayns y laa, cha vel eh snapperal, er-y-fa dy vel eh fakin soilshey yn theihll shoh.

Jannoo 19:21

Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 23:11

As yn oie er-giyn hass y Chiarn liorish, as dooyrt eh, Bee dy yien mie, Phaul: son myr t’ou er n’ymmyrkey feanish jeem’s ayns Jerusalem, myr shen neesht shegin dhyt feanish y ymmyrkey ec y Raue.

Jannoo 25:11

Son my ta mee my ghrogh-yantagh, ny my ta mee er n’yannoo nhee erbee dy hoilchin baase, cha vel mee gobbal baase y hurranse: agh mannagh vel yn irriney ayns nhee erbee t’ad shoh dy choyrt my lieh, cha vod dooinney erbee mish y livrey seose huc. Ta mee scughey yn chooish gys Cesar.

Jannoo 27:31

Dooyrt Paul rish y centurion, as rish ny sidooryn, Mannagh vuirree ad shoh ayns y lhong, cha vod shiu ve sauchey.

Jannoo 27:37

As va shin ayns ooilley ayns y lhong, daa cheead three-feed as shey anmeenyn jeig.

Jannoo 27:42

As coyrle ny sidooryn ve dy varroo ny pryssoonee, er-aggle dy snaueagh veg jeu magh, as dy gosnagh ad roue.

Jannoo 27:44

As y chooid elley, paart er buird, as paart er peeshyn jeh’n lhong: as shen myr ve, dy chossyn ad ooilley dy sauchey gys y thalloo.

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

Philemon 1:22

Agh marish shoh kiare aaght er my hon: son ta mee treishteil liorish ny padjeryn eu, trooid foayr Yee, dy jig-ym hiu reesht.

Jamys 5:16

Gow-jee rish nyn voiljyn yn derrey yeh da’n jeh elley, as gow-jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

Ashlish 1:17

As tra honnick mee eh, huitt mee sheese ec e chassyn myr marroo: as hug eh e laue yesh orrym, gra rhym, Ny bee aggle ort; Mish y chied er as y fer s’jerree: