Jannoo 27:11 - Yn Vible Casherick 1775 1819

¹¹ Ny-yeih hug yn centurion geill smoo da mainshter as pilot ny lhuingey na da goan Phaul.

Yn Conaant Noa 1810

¹¹ Ny‐yeih hug yn centurion geill smoo da mainshter as pilot ny lhuingey na da goan Phaul.

Jannoo 27:11 ပူးပေါင်းရင်းမြစ်များ

2 Reeaghyn 6:10

As hug ree Israel scrialtee gys yn ynnyd mychione va’n dooinney dy Yee er n’insh as er chur raaue da, as haue eh eh-hene liorish nagh jagh eh ayns shen, keayrt as keayrt.

Raaghyn Creeney 27:12

Ta dooinney tastagh cronnaghey yn olk ro-laue, as keiltyn eh-hene: agh ta ny giare-cheeayllee roie gour nyn mullee, as geddyn assee.

Ezekiel 33:4

Eisht quoi-erbee ta clashtyn feiyr y trumpet, as nagh vel goaill raaue, as my hig y cliwe, as goaill eshyn ersooyl, bee’n uill echey er e chione hene.

Jannoo 27:21

As erreish daue v’er ve foddey nyn drostey, hass Paul magh nyn mast’oc, as dooyrt eh, Lhisagh shiu, gheiney vie, v’er n’eaishtagh rhym’s, as gyn v’er veaysley veih Crete, dy gheddyn yn assee as y coayl shoh.

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry-akin, greinnit lesh aggle, ren eh arg y hroggal dy hauail e lught-thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

Jamys 3:4

Cur-jee my-ner neesht ny lhongyn, ga dy vel ad wheesh, as er ny imman lesh geayghyn niartal, foast t’ad er ny hyndaa mygeayrt lesh stiurey beg fardalagh, raad saillish yn mainshter.

Ashlish 18:17

Son ayns un oor ta lheid y verchys vooar er lheïe ersooyl. As ren dy chooilley vainshter, as sheshaght lhuingey, as shiolteyryn, as ooilley ny va dellal er yn aarkey, shassoo foddey jeh,