Jannoo 27:1 - Yn Vible Casherick 1775 1819

¹ As tra ve kiarit dy row shin dy ghoaill lhuingys gys Italy, livrey ad Paul as shiartanse dy phryssoonee elley, gys fer va enmyssit Julius centurion v’ayns sheshaght-chaggee Augustus.

Yn Conaant Noa 1810

¹ As tra ve kiarit dy row shin dy ghoaill lhuingys gys Italy, livrey ad Paul as shiartanse dy phryssoonee elley, gys fer va enmyssit Julius centurion v’ayns sheshaght‐chaggee Augustus.

Jannoo 27:1 ပူးပေါင်းရင်းမြစ်များ

Genesis 50:20

Agh er ny son euish, ren shiu smooinaghtyn dy olk m’oï; agh chiare Jee eh son bannaght, dy chur lesh eh mygeayrt, myr te er y laa t’ayn jiu, dy hauail mooarane pobble bio.

Psalmyn 33:11

Nee coyrle y Chiarn farraghtyn son dy bragh: as smooinaghtyn e chree veih sheeloghe gys sheeloghe.

Psalmyn 76:10

Nee elgys dooinney chyndaa gys dty voylley: as yn elgys ocsyn nee uss eh y smaghtaghey.

Raaghyn Creeney 19:21

Ta ymmodee smooinaghtyn dowin ayns cree dooinney: ny-yeih she coyrle y Chiarn, shen nee shassoo.

Dobberan 3:27

Te mie son dooinney dy ymmyrkey’n whing ayns e aegid.

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Noo Mian 27:54

Nish tra honnick yn captan, as adsyn va mârish freayll arrey er Yeesey, yn craa-thallooin, as ny reddyn v’er jeet gy-kione, ghow ad aggle mooar, gra, Dy firrinagh shoh va Mac Yee.

Noo Luke 23:47

Nish tra honnick y centurion cre va er jeet gy-kione, hug eh moylley da Jee, gra, Ayns firrinys v’eh shoh ny ghooinney cairagh.

Noo Luke 7:2

As va centurion dy row va fer-mooinjerey echey, v’eh dy mooar soiaghey jeh, as v’eh ching, as raad y vaaish.

Jannoo 10:1

Va dooinney dy row ayns Cesarea, enmyssit Cornelius, va ny centurion er y cheshaght va enmyssit yn cheshaght Italian;

Jannoo 10:22

As dooyrt adsyn, Cornelius yn centurion, dooinney cairagh, as baghey ayns aggle Yee, as jeh goo mie mastey slane ashoon ny Hewnyn, t’eh er gheddyn raaue veih Jee liorish ainle casherick, dy chur fys ort’s gys e hie, dy eaishtagh rish dty ghoan.

Jannoo 16:10

As erreish da v’er vakin yn ashlish, ghow shin ayns laue dy gholl jeeragh gys Macedonia, toiggal son shickyrys dy row yn Chiarn er n’eamagh orrin dy phreacheil y sushtal daue.

Jannoo 18:2

Raad hooar eh Hew dy row enmyssit Aquila, ruggyr ayns Pontus, va er ny laghyn shen er jeet veih Italy, as e ven Priscilla mârish (er-yn-oyr dy row Claudius er harey ooilley ny Hewnyn dy gholl ass y Raue) as ghow eh aaght mâroo.

Jannoo 19:21

Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 21:32

As er-y-chooyl ghow eh sidooryn as captanyn-keead, as roie eh sheese huc: as tra honnick ad yn ard-chaptan as ny sidooryn, scuirr ad dy woalley Paul.

Jannoo 22:26

Tra cheayll yn centurion shen, hie eh as dinsh eh eh da’n ard-chaptan, gra, Cur twoaie cre t’ou dy yannoo; son ta’n dooinney shoh ny Romanagh.

Jannoo 23:11

As yn oie er-giyn hass y Chiarn liorish, as dooyrt eh, Bee dy yien mie, Phaul: son myr t’ou er n’ymmyrkey feanish jeem’s ayns Jerusalem, myr shen neesht shegin dhyt feanish y ymmyrkey ec y Raue.

Jannoo 23:17

Eisht deïe Paul er fer jeh ny centurionyn huggey, as dooyrt eh, Cur lhiat yn dooinney aeg shoh gys yn ard-chaptan; son ta red ennagh echey dy insh da.

Jannoo 24:23

As doardee eh centurion kiarail y ghoaill jeh Paul, as e reamys y lhiggey da, gyn lhiettal veg jeh’n ainjys echey dy hirveish er, ny dy heet huggey.

Jannoo 25:12

Eisht loayr Festus rish y choonceil, as dooyrt eh, Vel oo er scughey yn chooish gys Cesar? gys Cesar shegin dhyt goll.

Jannoo 25:25

Agh tra hoig mish, nagh row eh er n’yannoo nhee erbee dy hoilchin baase, as dy row eh-hene er scughey yn chooish gys Augustus, ta mee kiarit dy choyrt eh.

Jannoo 27:11

Ny-yeih hug yn centurion geill smoo da mainshter as pilot ny lhuingey na da goan Phaul.

Jannoo 27:43

Agh yn centurion aggindagh Paul y hauail, lhiett eh ad veih shen y yannoo, as doardee eh adsyn oddagh snaue, ad dy hilgey ad-hene hoshiaght ayns y cheayn, as ad dy chosney gys y thalloo:

Jannoo 27:6

As ayns shen hooar y centurion lhong ass Alexandria son shiaulley gys Italy; as hug eh shin er-board.

Jannoo 28:1

As erreish daue v’er roshtyn dy sauchey er thalloo, eisht hooar ad fys dy row yn ellan enmyssit Melita.

Jannoo 28:16

As tra haink shin gys y Raue, livrey yn centurion ny pryssoonee gys captan y ghard: agh ve lowit da Paul thie y ve echey da hene, marish sidoor va curmit lesh.

Hebrewnee 13:24

Bea as slaynt dauesyn ta reill harrishdiu, as da ooilley ny nooghyn. T’adsyn jeh Italy bannaghey diu.