Jannoo 26:31 - Yn Vible Casherick 1775 1819

³¹ As hie ad dy lhiattee, as loayr ad eddyr ad-hene, gra, Cha vel y dooinney shoh kyndagh jeh nhee erbee ta toilchin baase ny bondiaght.

Yn Conaant Noa 1810

³¹ As hie ad dy lhiattee, as loayr ad eddyr ad hene, gra, Cha vel y dooinney shoh kyndagh jeh nhee erbee ta toilchin baase ny bondiaght.

Jannoo 26:31 ပူးပေါင်းရင်းမြစ်များ

2 Samuel 24:17

As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

Jeremiah 26:16

Eisht dooyrt ny princeyn as ooilley’n pobble rish ny saggyrtyn, as rish ny phadeyryn, Cha vel y dooinney shoh toilchin baase; son t’eh er loayrt rooin ayns ennym y Chiarn nyn Yee.

Noo Luke 23:4

Eisht dooyrt Pilate rish ny ard-saggyrtyn as rish y pobble, Cha vel mish er gheddyn foill erbee ayns y dooinney shoh.

Jannoo 23:29

As dennee mee dy row eh er ny chassid mychione cooishyn jeh’n leigh oc hene; agh nagh row nhee erbee currit gys e lieh toilchin baase ny geulaghyn.

Jannoo 23:9

As va argane mooar er ny ghoostey: as dirree ny scrudeyryn va er paart ny Phariseeyn, as streeu ad, gra, Cha vel shinyn geddyn foill erbee ayns y dooinney shoh: agh my ta spyrryd ny ainle er loayrt rish, ny lhig dooin caggey noi Jee.

Jannoo 25:25

Agh tra hoig mish, nagh row eh er n’yannoo nhee erbee dy hoilchin baase, as dy row eh-hene er scughey yn chooish gys Augustus, ta mee kiarit dy choyrt eh.

Jannoo 28:18

As tra v’ad shoh er vriwnys my chooish, v’ad booiagh yn raad y lhiggey dou, er-y-fa nagh row oyr erbee baaish aynym.

1 Peddyr 3:16

Freayll cooinsheanse vie; son wheesh as dy vel ad goltooaney shiuish myr drogh-yantee, dy vod ad nearey ’ghoaill ta cassid dy foalsey yn ymmyrkey-bea vie eu ayns Creest.