Jannoo 26:29 - Yn Vible Casherick 1775 1819

²⁹ As dooyrt Paul, Baillym gys Jee dy beagh, cha nee ynrycan oo hene, agh myrgeddin ooilley ny ta dy my chlashtyn er y laa t’ayn jiu, cha nee faggys agh ooilley-cooidjagh lheid as ta mish, cheu-mooie jeh ny geulaghyn shoh.

Yn Conaant Noa 1810

²⁹ As dooyrt Paul, Baillym gys Jee dy beagh, cha nee ynrycan oo hene, agh myrgeddin ooilley ny ta dy my chlashtyn er y laa t’ayn jiu, cha nee faggys agh ooilley‐cooidjagh lheid as ta mish, cheu‐mooie jeh ny geulaghyn shoh.

Jannoo 26:29 ပူးပေါင်းရင်းမြစ်များ

2 Samuel 18:33

As va’n ree erskyn-towse seaghnit, as hie eh seose gys e hiamyr harrish y yiat, as cheayn eh; as myr v’eh goll, shoh myr dooyrt eh, O my vac Absalom! my vac, my vac Absalom! dy baillish Jee dy beign’s er gheddyn baase er dty hon, O Absalom, my vac, my vac!

2 Reeaghyn 5:3

As dooyrt ee rish e ben-ainshtyr, Dy baillish Jee dy beagh my hiarn marish y phadeyr t’ayns Samaria! son yinnagh eh lheihys eh jeh’n louraanys echey.

Exodus 16:3

As dooyrt cloan Israel roo, Dy baillish Jee, dy beagh shin er gheddyn baase liorish laue yn Chiarn ayns cheer Egypt, raad hoie shin liorish ny pooiyt-feill, as raad va nyn saie arran ain dy ee: son ta shiu er chur lhieu shin stiagh ’syn aasagh shoh, dy chur naardey yn slane cheshaght shoh lesh accryssyd.

Jeremiah 13:17

Agh mannagh n’eaisht shiu rish, nee m’annym’s dobberan ayns ynnydyn follit son y voyrn eu, as nee my hooill’s keayney dy sharroo, as roie sheese lesh jeïr, er-yn-oyr dy vel shioltane y Chiarn goit ersooyl ayns cappeeys.

Jeremiah 38:20

Agh dooyrt Jeremiah, Cha jean ad oo y livrey seose: cur biallys, ta mee guee ort, da coraa yn Chiarn, ta mee dy loayrt rhyt: as hig eh dy mie lhiat, as bee dty annym bio.

Earrooyn 11:29

As dooyrt Moses rish, Vel uss troo er y choontey aym’s? dy baillish Jee dy beagh ooilley pobble y Chiarn phadeyryn, as dy jinnagh y Chiarn cur e spyrryd orroo.

Noo Ean 5:34

Agh cha vel mish goaill feanish veih dooinney: agh shoh ta mee dy ghra, dy vod shiu v’er nyn sauail.

Jannoo 12:6

As tra baillish Herod v’er choyrt lesh magh eh, yn oie cheddin va Peddyr ny chadley eddyr daa hidoor kianlt lesh daa gheuley; as dreill y watch ec y dorrys arrey er y phryssoon.

Jannoo 21:33

Eisht haink yn ard-chaptan er-gerrey, as ghow eh eh, as doardee eh eh dy ve kianlt lesh daa gheuley; as dênee eh quoi v’eh hene, as cre v’eh er n’yannoo.

Jannoo 25:14

As erreish daue v’er ve ayns shen ymmodee laghyn, hoilshee Festus cooish Phaul da’n ree, gra, Ta dooinney ayns shoh va faagit ny phryssoonagh liorish Felix:

Romanee 10:1

Vraaraghyn, yeearree my chree as my phadjer gys Jee son Israel te, dy voddagh ad ve er nyn sauail.

1 Corinthianee 4:8

Nish ta shiu jeant magh, nish ta shiu berchagh, ta shiu er reill myr reeaghyn nyn vegooish: as dy baillish Jee dy jinnagh shiu reill, dy voddagh shinyn reill myrgeddin mêriu.

1 Corinthianee 7:7

Son baillym dy beagh dy chooilley ghooinney eer myr ta mee hene: agh ta e ghioot hene ec dagh dooinney veih Jee, fer er yn aght shoh, as fer er aght elley.

2 Corinthianee 11:1

Dy baillish Jee dy jinnagh shiu gymmyrkey lhiam red beg ayns my ommijys; as dy jarroo jean-jee gymmyrkey lhiam.

Ephesianee 6:20

Er y choontey echey ta mee my haghter ayns geulaghyn: er y hon dy voddym loayrt dy dunnal, myr lhisin loayrt.

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey: