Jannoo 24:14 - Yn Vible Casherick 1775 1819

¹⁴ Agh shoh ta mee goaill-rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Yn Conaant Noa 1810

¹⁴ Agh shoh ta mee goaill‐rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Jannoo 24:14 ပူးပေါင်းရင်းမြစ်များ

1 Recortyssyn 29:18

O Hiarn Yee Abraham, Isaac, as Israel, nyn ayraghyn, freill dy bragh yn aigney-mie shoh ayns smooinaghtyn creeaghyn dty phobble, as niartee nyn greeaghyn dy hirveish oo.

Psalmyn 119:46

Loayr-yms jeh dty recortyssyn myrgeddin, dy jarroo fenish reeaghyn: as cha jean-ym nearey ’ghoaill.

Exodus 3:15

As dooyrt Jee ny sodjey rish Moses, Er yn aght shoh nee oo loayrt rish cloan Israel, Ta’n Chiarn Jee nyn ayraghyn, Jee Abraham, Jee Isaac, as Jee Yacob, er m’y choyrt hiuish: shoh my ennym’s son dy bragh, as shoh my imraa gys dy chooilley heeloghe.

Amos 8:14

Adsyn ta breearrey liorish peccah Samaria, as gra, Ta dty Yee’s bio, O Dan, as ta bioys ayns jee-jalloo Veer-sheba; dy feer, nee ad tuittym, as cha n’irree ad dy bragh arragh.

Micah 4:2

As hig ymmodee ashoonee, as jir ad, Tar-jee as lhig dooin goll seose gys slieau y Chiarn, as gys thie Jee Yacob, as nee eh gynsaghey shin ayns e raaidyn, as nee mayd shooyl ayns e chesmadyn: as hed yn leigh magh ass Zion, as goo yn Chiarn voish Jerusalem.

Noo Mian 10:32

Quoi-erbee er-y-fa shen ghoys rhym’s kiongoyrt rish deiney, goym’s rishyn myrgeddin kiongoyrt rish my Ayr t’ayns niau.

Noo Mian 22:40

Yn daa anney shoh bun y leigh as ny phadeyryn.

Noo Mian 7:12

Shen-y-fa dy chooilley nhee cre-erbee bailliuish deiney dy yannoo riuish, jean-jee shiuish y lheid cheddin roosyn: son shoh yn leigh as ny phadeyryn.

Noo Luke 1:70

Myr loayr eh liorish beeal e adeyryn crauee, t’er ny ve er-dy hoshiaght y theihll;

Noo Luke 16:16

Va’n leigh as ny phadeyryn derrey Ean: er-dyn traa shen, ta reeriaght Yee er ny phreacheil, as ta dy chooilley ghooinney chionney stiagh huggey.

Noo Luke 16:29

Dooyrt Abraham rish, Ta Moses as ny phadeyryn oc; lhig daue clashtyn adsyn.

Noo Luke 24:27

As goaill toshiaght ec Moses, as ooilley ny phadeyryn, hug eh bun daue er ooilley ny scriptyryn jeh dy chooilley nhee va bentyn rish hene.

Noo Luke 24:44

As dooyrt eh roo, Shoh ny goan loayr mish riu, choud as va mee foast mêriu dy beign da dy chooilley nhee ve cooilleenit va scruit ayns leigh Voses, as ayns ny phadeyryn, as ayns ny psalmyn my-mychione’s.

Noo Ean 1:45

Veeit Philip rish Nathanael, as dooyrt eh rish, Ta shin er gheddyn eshyn, jeh ren Moses ayns y leigh, as ny phadeyryn scrieu, Yeesey dy Nazareth, mac Yoseph.

Jannoo 10:43

Leshyn ta ooilley ny phadeyryn gymmyrkey feanish, trooid yn ennym echey, quoi-erbee chredjys ayn, dy vow eh feaysley peccaghyn.

Jannoo 13:15

As lurg lhaih yn leigh as ny phadeyryn, hug fir-reill yn synagogue fys huc, gra, Shiuish gheiney as vraaraghyn, my ta fockle erbee dy choyrle eu dy chur da’n pobble, loayr-jee eh.

Jannoo 15:5

As hrog seose shiartanse jeh ny Phariseeyn v’er jyndaa gys y chredjue, as dooyrt ad, Dy row eh ymmyrchagh ad y ghiarey-chymmylt, as ad ve sarit dy reayll leigh Voses.

Jannoo 19:23

As ec y traa cheddin cha nee yn beggan boirey dirree mychione y chredjue shen.

Jannoo 19:9

Agh tra daase shiartanse jeu roonagh, as mee-chredjuagh, loayrt dy lunagh noi yn credjue shen kiongoyrt rish y pobble, hug eh cooyl roo, as scarrey ny Creesteenyn voue, dynsee eh gagh laa ayns schoill fer va enmyssit Tyrannus.

Jannoo 22:14

As dooyrt eh, Ta Jee ny ayraghyn ain er dty reih, dy voddagh fys y ve ayd er yn aigney echey, as dy voddagh oo yn Fer-cairagh shen y akin, as clashtyn coraa e veeal.

Jannoo 24:22

Tra cheayll Felix shoh, hug eh ad shaghey, derrey oddagh eh toiggal sodjey y gheddyn ’sy chooish; as dooyrt eh, Tra hig Lysias yn ard-chaptan neose, yioyms fys er bun y chooish eu.

Jannoo 24:5

Ta shin er gheddyn yn dooinney shoh fer erskyn-towse boiragh, as doostey anvea mastey ooilley ny Hewnyn er feaï-ny-cruinney, as ny ard-leeideilagh ayns shaghrynys credjue ny Nazarenee:

Jannoo 25:8

Choud’s v’eshyn lhiassaghey ass e lieh hene, Chamoo noi leigh ny Hewnyn, chamoo noi yn chiamble, ny foast noi Cesar, ta mee er n’yannoo foill erbee.

Jannoo 26:22

Lesh y cooney er-y-fa shen hooar mee veih Jee, ta mee er-mayrn gys y laa t’ayn jiu, gymmyrkey feanish chammah gys beg as mooar, fegooish nhee erbee sodjey y ghra na dooyrt ny phadeyryn as Moses harragh gy-kione:

Jannoo 26:27

Ree Agrippa, vel oo credjal ny phadeyryn? ta fys aym dy vel oo credjal.

Jannoo 26:4

My ymmyrkey-bea veih my aegid, va hoshiaght mastey my ashoon hene ec Jerusalem, ta fys ec ooilley ny Hewnyn er,

Jannoo 26:6

As nish ta mee my hassoo, as er my vriwnys son treishteil yn ghialdyn ren Jee da ny ayraghyn ain:

Jannoo 28:22

Agh ta shin booiagh clashtyn voïd’s, cre t’ou smooinaghtyn: son mychione yn chredjue shoh, ta fys ain dy vel eh ayns dy chooilley ynnyd loayrit n’oï.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Jannoo 3:13

She Jee Abraham, as Isaac, as Jacob, Jee ny ayraghyn ain t’er ghloyraghey e Vac Yeesey; ren shiuish y livrey seose as y obbal ayns fenish Pilate, tra v’eh kiarit y raad y lhiggey da.

Jannoo 5:30

Ta Jee ny hayraghyn ain er hroggal seose Yeesey, ren shiuish y varroo as y chroghey er billey.

Jannoo 7:32

Gra, Mish Jee dty ayraghyn, Jee Abraham, as Jee Isaac, as Jee Yacob. Eisht va Moses er-creau, as cha by-lhoys da jeeaghyn.

Jannoo 9:2

As hir eh veih screeunyn gys Damascus gys ny fir-reill, my yioghe eh veg jeh’n raad shen, edyr ad ve deiney ny mraane, dy chur lesh ad geulit gys Jerusalem.

Romanee 1:9

Son Jee m’eanish, eh ta mee dy hirveish lesh my spyrryd ayns sushtal e Vac, dy vel mee dy kinjagh cooinaghtyn erriu ayns my phadjeryn,

Romanee 3:21

Son nish ta cairys Yee fegooish y leigh er ny hoilshaghey, myr ta’n leigh as ny phadeyryn gymmyrkey feanish lesh;

1 Corinthianee 11:19

Son shegin da myrgeddin shaghrynys veih’n chredjue ve ny-vud eu, dy vod adsyn ta firrinagh ayns y chredjue v’er nyn gronnaghey nyn mast’ eu.

Galatianee 5:20

Ammys da jallooyn, obbeeys, dwoaie, anvea, goanlys, jymmoose, streeu, irree-magh, shaghrynys veih’n chredjue,

2 Timothy 1:3

Ta mee cur booise gys Jee, eh ta mee dy hirveish veih my henn-ayraghyn lesh cooinsheanse ghlen, dy vel mee cooinaghtyn dy kinjagh ort ayns my phadjeryn oie as laa:

Titus 3:10

Dooinney ta jannoo boiraghyn ’syn agglish, lurg raaue v’er ny choyrt da yn nah cheayrt, lhig da ve giarit magh:

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro-laue jeh surranse Chreest, as yn ghloyr va dy eiyrt er.

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey-harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.