Jannoo 24:11 - Yn Vible Casherick 1775 1819

¹¹ Er-y-fa dy vod oo toiggal y ghoaill, nagh vel foast agh daa laa yeig neayr as hie mee seose dy ooashlaghey ec Jerusalem.

Yn Conaant Noa 1810

¹¹ Er‐y‐fa dy vod oo toiggal y ghoaill, nagh vel foast agh daa laa yeig neayr as hie mee seose dy ooashlaghey ec Jerusalem.

Jannoo 24:11 ပူးပေါင်းရင်းမြစ်များ

Jannoo 21:18

As yn laa er-giyn hie Paul stiagh mârin gys Jamys; as va ooilley yn chanstyr kionfenish.

Jannoo 22:30

Laa-ny-vairagh er-yn-oyr dy baillish slane shickyrys y gheddyn jeh plaiynt ny Hewnyn n’oï, deayshil eh eh veih e gheulaghyn, as doardee eh ny ard-saggyrtyn as ooilley yn choonceil oc dy heet kionfenish, as hug eh lesh Paul sheese, as hoie eh eh kiongoyrt roo.

Jannoo 23:11

As yn oie er-giyn hass y Chiarn liorish, as dooyrt eh, Bee dy yien mie, Phaul: son myr t’ou er n’ymmyrkey feanish jeem’s ayns Jerusalem, myr shen neesht shegin dhyt feanish y ymmyrkey ec y Raue.

Jannoo 23:23

As deïe eh er daa centurion huggey, gra, Fow-jee aarloo daa cheead sidoor dy gholl gys Cesarea, as markee three-feed as jeih, as deiney-shleiy daa cheead, ec y trass oor jeh’n oie.

Jannoo 24:1

As ec kione queig laa, hie Ananias yn ard-saggyrt sheese marish y chanstyr, as ard-phleadeyr dy row enmyssit Tertullus, dy chur stiagh nyn blaiynt gys y chiannoort noi Paul.

Jannoo 24:17

Nish lurg mooarane bleeantyn, haink mee dy chur lhiam jeirk gys my ashoon hene, as ourallyn.