Jannoo 23:12 - Yn Vible Casherick 1775 1819

¹² As tra va’n laa rish, haggil shiartanse jeh ny Hewnyn cooidjagh, as chiangle ad ad-hene fo mollaght, gra, nagh n’ee-agh ad as nagh n’iu-agh ad derrey veagh ad er varroo Paul.

Yn Conaant Noa 1810

¹² As tra va’n laa rish, haggil shiartanse jeh ny Hewnyn cooidjagh, as chiangle ad ad‐hene fo mollaght, gra, nagh n’ee‐agh ad as nagh n’iu‐agh ad derrey veagh ad er varroo Paul.

Jannoo 23:12 ပူးပေါင်းရင်းမြစ်များ

Genesis 37:18

As tra chronnee ad eh, eer my daink eh er-gerrey daue, hug ad nyn goyrle dy cheilley, dy varroo eh.

1 Reeaghyn 19:2

Eisht hug Jezebel chaghter gys Elijah, gra, Shen myr lhig da ny jeeghyn jannoo rhym’s, as ny smoo na shen, mannagh der-yms er dty vioys dy ve myr bioys unnane jeusyn, mysh y traa shoh mairagh.

2 Reeaghyn 6:31

Eisht dooyrt eh, Myr shen as ny smoo dy jean Jee rhym’s, my vees kione Elisha mac Shaphat faagit shassoo er y laa jiu.

Nehemiah 10:29

Lhiann ad shoh gys nyn mraaraghyn, ny ard-gheiney, as chiangle ad ad-hene fo mollaght as breearrey, dy immeeaght ayns leigh Yee, v’er ny livrey liorish Moses, sharvaant Yee, as dy chur tastey, as dy chooilleeney ooilley annaghyn y Chiarn, yn Chiarn ainyn, as e vriwnyssyn, as e lattyssyn:

Esther 2:22

As hooar Mordecai fys er shoh, as dinsh eshyn eh da Esther yn ven-reïn, as ren Esther y chooish y hoilshaghey da’n ree, ayns ennym Vordecai.

Psalmyn 31:13

Haink mee dy ve son oltooan mastey ooilley my noidyn, agh er-lheh mastey my naboonyn: as ren adsyn jeh m’ainjys roie er-chea voym, as adsyn honnick mee er y raad, ren ad m’y haghney.

Jeremiah 11:19

Agh va mish goll-rish eayn ny dow t’er ny chur lesh dy ve er ny varroo; as cha row fys aym dy row ad er ghoaill drogh-choyrle m’oï, gra, Lhig dooin yn billey y stroie marish e vess, as lhig dooin eh y yiarey jeh veih cheer ny bioee, nagh bee yn ennym echey ny-sodjey ayns cooinaghtyn.

Jeremiah 44:25

Myr shoh ta Chiarn ny flaunyssee, Jee Israel, dy ghra, Ta shiu hene as ny mraane eu chammah er loayrt lesh nyn meeal, as er chooilleeney lesh nyn laue, gra, Nee mayd dy shickyr cooilleeney ny breearraghyn ta shin er n’yannoo, dy lostey incense gys queen yn aer, as dy lhieeney magh ourallyn-feeyney gys yn ooashley eck: nee shiu dy jarroo cooilleeney nyn mreearraghyn, as dy shickyr jannoo mie ny ta shiu er yialdyn.

Leviticus 27:29

Cre-erbee vees [myr shoh] er ny chasherickey gys y Chiarn, cha bee eh er ny eaysley: agh bee eh dy shickyr er ny choyrt gy-baase.

Noo Mian 26:4

As hug ad nyn goyrle dy cheilley, mychione Yeesey y ghoaill dy follit, as dy choyrt eh gy-baase.

Noo Mian 26:74

Eisht ren eh toshiaght dy ghweeaghyn as dy loo, gra, Cha nione dou yn dooinney. As chelleeragh ren y kellagh gerrym.

Noo Mian 27:25

Eisht dansoor ooilley yn pobble, gra, Yn uill echey dy row orrinyn, as er nyn gloan.

Jannoo 23:13

As va erskyn da-eed jeu fo yn cho-vollaght shoh.

Jannoo 23:14

As haink ad gys ny ard-saggyrtyn as y chanstyr, as dooyrt ad, Ta shin er chiangley shin hene fo mollaght trome, nagh n’ee mayd veg derrey vees shin er varroo Paul.

Jannoo 23:21

Agh ny jean uss er y raa oc: son ta aarloo dy ghoaill eh erskyn da-eed dooinney jeu, t’er chiangley ad-hene fo mollaght, nagh jean ad gee ny giu derrey vees ad er varroo eh: as nish t’ad aarloo, jerkal rish gialdyn y gheddyn voïd’s.

Jannoo 23:30

As tra ve inshit dou dy row ny Hewnyn lhie cooyl-chlea son bioys y dooinney, hug mee fys chelleeragh hood’s, as doardee mee e phlaiyntee dy chur stiagh kiongoyrt rhyt’s cre-erbee v’oc dy lhiassaghey n’oï. Slane lhiat.

Jannoo 25:3

As geearree er yn foayr shoh n’oï, Eh dy chur fys er gys Jerusalem, kiarail ad-hene lhie cooyl-chlea er yn raad, dy ghoaill e vioys.

Jannoo 9:23

As lurg ymmodee laghyn, hug ny Hewnyn nyn goyrle dy cheilley dy varroo eh:

Jannoo 9:24

Agh hooar Saul fys dy row ad lhie cooyl-chlea er e hon, as freayll arrey ec ny giattyn oie as laa dy varroo eh.

1 Corinthianee 16:22

My ta dooinney erbee nagh vel graih echey er y Chiarn Yeesey Creest, lhig da ve Anathema Maranatha.

2 Corinthianee 11:26

Ayns jurnaaghyn dy mennick ayns gaue ushtaghyn, ayns gaue roosteyryn, ayns gaue veih my gheiney-cheerey hene, ayns gaue veih ny Ashoonyn-quaagh, ayns gaue ’syn ard-valley, ayns gaue ’syn aasagh, ayns gaue er yn aarkey, ayns gaueghyn mastey braaraghyn foalsey;

Galatianee 3:13

Ta Creest er livrey shin veih mollaght y leigh, eh-hene jeant ny vollaght er nyn son: son te scruit, Cursit ta dagh unnane ta croghey er billey:

1 Thessalonianee 2:16

Lhiettal shin veih loayrt rish ny Ashoonyn-quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.

Joshua 6:26

As hug Joshua ad fo loo ec y traa shen, gra, Cursit dy row yn dooinney fenish y Chiarn nee goaill er dy hroggal yn ard-valley shoh Jericho: nee eh soiaghey yn undin echey ayns baase e vac shinney, as ayns baase e vac saa nee eh soiaghey seose e yiattyn.

Joshua 7:1

Agh va cloan Israel foiljagh ayns goaill jeh’n stoo custey: son ren Achan, mac Carmi, mac Zabdi, mac Zerah, jeh tribe Yudah, goaill jeh’n red custey: as va jymmoose yn Chiarn er ny vrasnaghey noi cloan Israel.

Joshua 7:15

As hig eh gy-kione, eshyn vees y red cursit er ny gheddyn er, dy bee eh er ny lostey lesh aile, eh-hene, as ooilley ny t’echey: er-yn-oyr dy vel eh er vrishey conaant y Chiarn, as son dy vel eh er n’yannoo dy olk ayns Israel.

1 Samuel 14:24

As va deiney Israel fo seaghyn yn laa shen: son dy row Saul er choyrt y pobble fo sarey chion, gra, Cursit dy row’n dooinney ghoys monney erbee dy veaghey derrey’n astyr, dy voddym cooilleeney ’ghoaill er my noidyn: myr shen cha ren veg jeh’n pobble goaill greme dy veaghey.